Just In
- 16 min ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 47 min ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 1 hr ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 1 hr ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- News ഞെട്ടിക്കുന്ന വെളിപ്പെടുത്തലുമായി ശോഭ സുരേന്ദ്രന്; 'ബിജെപിയില് ചേരാനിരുന്നത് ഇപി ജയരാജന്'
- Lifestyle പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത്
- Movies ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹാര്ലി ഡേവിഡ്സണ് ബൈക്കുകള്ക്ക് ഒന്നര ലക്ഷം രൂപ വരെ വിലക്കിഴിവ്
ഹാര്ലി ഡേവിഡ്സണ് ബൈക്കുകള്ക്ക് ഇന്ത്യയില് ആരാധകരേറെയാണ്. എന്നാല് മോഡലുകളുടെ ഉയര്ന്ന വില സാധാരണക്കാരനെ ഹാര്ലിയില് നിന്നും അകറ്റി നിര്ത്തുന്നു. ഉയര്ന്ന ഇറക്കുമതി തീരുവയാണ് ഹാര്ലി ഡേവിഡ്സണ് മോഡലുകള്ക്ക് വില ഉയരാന് കാരണം. എന്നാല് ഇപ്പോള് വിപണിയില് മോഡലുകളുടെ വില ഹാര്ലി ഡേവിഡ്സണ് ഇന്ത്യ കുറച്ചിരിക്കുകയാണ്. ഹാര്ലി ഡേവിഡ്സണ് സ്ട്രീറ്റ് 750, സ്ട്രീറ്റ് റോഡ്, റോഡ്സ്റ്റര് മോഡലുകളില് വിലക്കിഴിവും ആനുകൂല്യങ്ങളും ഉപഭോക്താക്കള്ക്ക് നേടാം.
സ്ട്രീറ്റ് 750
കുറഞ്ഞ ഫിനാന്സ് നിരക്കാണ് ഹാര്ലി ഡേവിഡ്സണ് സ്ട്രീറ്റ് 750 -യില് ഒരുങ്ങിയിട്ടുള്ള പ്രധാന ആനുകൂല്യം. 3.49 ശതമാനം ഇഎംഐ പലിശ നിരക്കില് ഉപഭോക്താക്കള്ക്ക് സ്ട്രീറ്റ് 750 -യെ സ്വന്തമാക്കാം. അതേസമയം ആനുകൂല്യം നേടാനുള്ള മാനദണ്ഡങ്ങള് കമ്പനി പ്രത്യേകം പരാമര്ശിച്ചിട്ടില്ല.
എന്തായാലും ഫിനാന്സില് ഹാര്ലി ഡേവിഡ്സണ് വാങ്ങാന് ആഗ്രഹിക്കുന്നവര്ക്ക് ഇതു സുവര്ണാവസരമാണ്. 749 സിസി ഇരട്ട സിലിണ്ടര് ലിക്വിഡ് കൂള്ഡ് എഞ്ചിനാണ് സ്ട്രീറ്റ് 750 -യില്. എഞ്ചിന് 59 Nm torque പരമാവധി സൃഷ്ടിക്കും. 5.25 ലക്ഷം രൂപയാണ് മോഡലിന്റെ എക്സ്ഷോറൂം വില (ദില്ലി).
സ്ട്രീറ്റ് റോഡ്
ഹാര്ലി ഡേവിഡ്സണ് സ്ട്രീറ്റ് 750 -യുടെ കരുത്തന് സ്പോര്ടി പതിപ്പാണ് സ്ട്രീറ്റ് റോഡ്. എഞ്ചിന് സ്ട്രീറ്റ് 750 -യുടേത് എങ്കിലും കൂടുതല് കരുത്ത് സ്ട്രീറ്റ് റോഡ് അവകാശപ്പെടുന്നുണ്ട്. കൂടുതല് അഗ്രസീവ് റൈഡിംഗ് പൊസിഷനാണ് മോഡല് കാഴ്ചവെക്കുന്നത്.
ആനുകൂല്യങ്ങളുടെ ഭാഗമായി 48,615 രൂപയുടെ വിലക്കിഴിവ് ഹാര്ലി ഡേവിഡ്സണ് സ്ട്രീറ്റ് റോഡില് ഉപഭോക്താക്കള്ക്ക് ലഭിക്കും. എഞ്ചിന് ഗാര്ഡ്, ഫ്രീ സീറോ ഡിപ്രിസിയേഷന് ഇന്ഷൂറന്സ് എന്നിവ മോഡലിനൊപ്പം ഹാര്ലി ഡേവിഡ്സണ് സൗജന്യമായി നല്കും.
റോഡ്സ്റ്റര്
ഒന്നരലക്ഷം രൂപയുടെ വിലക്കിഴിവ് റോഡ്സ്റ്റര് മോഡലിലാണ് ഹാര്ലി ഡേവിഡ്സണ് പ്രഖ്യാപിച്ചിട്ടുള്ളത്. അമേരിക്കന് നിര്മ്മാതാക്കളില് നിന്നുള്ള ക്ലാസിക് ബൈക്കുകളില് ഒന്നാണിത്. സ്ക്രീമിന് ഈഗിള് മഫ്ളറുകളെ മോഡലിനൊപ്പം സൗജന്യ ആക്സസറിയായി കമ്പനി നല്കും.
കൂടുതല് ഗാംഭീര്യമേറിയ ശബ്ദം പുറപ്പെടുവിക്കാന് എക്സ്ഹോസ്റ്റ് മഫ്ളറുകള്ക്ക് കഴിയും. എഞ്ചിന് ഗാര്ഡ്, സൗജന്യ ഫസ്റ്റ് സര്വീസ്, കോംപ്ലിമെന്ററി ഫസ്റ്റ് ഇയര് ഇന്ഷൂറന്സ് എന്നിവയും റോഡ്സ്റ്റര് വാങ്ങുമ്പോള് ഉപഭോക്താക്കള്ക്ക് ലഭിക്കും. ആനുകൂല്യങ്ങളുടെ ഭാഗമായി മോഡലിലുള്ള രജിസ്ട്രേഷന് നിരക്കും കമ്പനി പിന്വലിച്ചിട്ടുണ്ട്.
1.2 ലിറ്റര് എയര് കൂള്ഡ് എഞ്ചിനാണ് റോഡ്സ്റ്ററില്. എഞ്ചിന് 96 Nm torque ഉത്പാദിപ്പിക്കും. 4.0 ഇഞ്ച് ഡിജിറ്റല് ഇന്സ്ട്രമെന്റ് ക്ലസ്റ്റര് മോഡലിന്റെ പ്രധാന വിശേഷങ്ങളില് ഉള്പ്പെടും. 6.84 ലക്ഷം രൂപയാണ് ഹാര്ലി ഡേവിഡ്സണ് റോഡ്സ്റ്ററിന്റെ എക്സ്ഷോറൂം വില (ദില്ലി).