Just In
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 12 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 15 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 16 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Lifestyle ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- News പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ?
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ലോകത്തിലെ ഏറ്റവും വലിയ പ്രീമിയം ബൈക്ക് നിര്മ്മാതാക്കളാകാന് കെടിഎം — പൂര്ണ്ണ പിന്തുണയേകി ബജാജ്
വര്ഷം 2007. ഓസ്ട്രിയന് ബൈക്ക് കമ്പനി കെടിഎം AG -യില് 14.5 ശതമാനം ഓഹരി ബജാജ് ഓട്ടോ വാങ്ങിയപ്പോള് വിപണി പരിഹസിച്ചു. പ്രതിവര്ഷം 67,000 ബൈക്കുകള് മാത്രം വില്ക്കുന്ന കെടിഎമ്മില് പണം മുടക്കിയത് വിഢിത്തമായി എതിരാളികള് വിധിയെഴുതി. പത്തുവര്ഷങ്ങള്ക്ക് മുമ്പത്തെ ചിത്രമാണിത്. അന്നു പ്രീമിയം ബൈക്കുകളിലെ രാജാവായി അറിയപ്പെട്ട ഹാര്ലി ഡേവിഡ്സണ് വിറ്റിരുന്നത് പ്രതിവര്ഷം മൂന്നു ലക്ഷത്തിന് മേലെ മോഡലുകള്.
11 വര്ഷം കഴിഞ്ഞു, 2018 -ല് എത്തിനില്ക്കുമ്പോള് ചിത്രം മാറിമറഞ്ഞു. കെടിഎം AG -യില് ബജാജിന്റെ നിക്ഷേപം 48 ശതമാനമായി ഉയര്ന്നു. ലോകത്തിലെ ഏറ്റവും വലിയ പ്രീമിയം ബൈക്ക് നിര്മ്മാതാക്കളെന്ന പട്ടം ഹാര്ലിയില് നിന്നും തട്ടിയെടുക്കാനുള്ള അവസാനവട്ട ഒരുക്കത്തിലാണ് ഈ ഓസ്ട്രിയന് കമ്പനി.
സ്ഥിതിയിതെങ്കില് ഈ വര്ഷാവസാനം തന്നെ ഈ നേട്ടം കെടിഎം സ്വന്തമാക്കും. കഴിഞ്ഞ പത്തുവര്ഷത്തിനിടെ ബജാജ് പയറ്റിയ കൗശലതന്ത്രങ്ങള് കെടിഎമ്മിന്റെ തലവര തന്നെ മാറ്റി. 2018 അവാസനത്തോടെ 2.7 ലക്ഷം ബൈക്കുകള് വില്ക്കാനുള്ള നീക്കത്തിലാണ് ഇപ്പോള് കെടിഎം.
ഹാര്ലി ഡേവിഡ്സണിന്റെ കാര്യമെടുത്താലോ, 2013 മുതല് അമേരിക്കന് കമ്പനിയ്ക്ക് തൊട്ടതെല്ലാം പിഴയ്ക്കുകയാണ്. ഓരോ വര്ഷവും നാലു ശതമാനം വരെ വില്പന ഹാര്ലിയ്ക്ക് ഇടിയുകയാണ്. കെടിഎമ്മാണെങ്കില് 13 ശതമാനം വളര്ച്ചയാണ് വര്ഷാവര്ഷം കാഴ്ചവെക്കുന്നത്.
ഈ വര്ഷം കെടിഎം വില്ക്കാനുദ്ദേശിക്കുന്ന 2.7 ലക്ഷം ബൈക്കുകളില് ഒരുലക്ഷം യൂണിറ്റ് ഇതിനകം ബജാജിന്റെ പൂനെ നിര്മ്മാണശാലയില് നിന്നും പുറത്തുവന്നു കഴിഞ്ഞു. കെടിഎമ്മിന്റെ പ്രാരംഭ ബൈക്കുകളെ ബജാജ് ഓട്ടോയാണ് നിര്മ്മിക്കുന്നത്.
ഡ്യൂക്ക് 125, ഡ്യൂക്ക് 200, ഡ്യൂക്ക് 250, ഡ്യൂക്ക് 390, RC200, RC250, RC390 മോഡലുകളുടെ ഇതില്പ്പെടും. ഈ വര്ഷാവസാനം മുതല് കെടിഎമ്മിന് കീഴിലുള്ള ഹസ്ഖ്വര്ണ ബൈക്കുകളെയും ബജാജ് നിര്മ്മിക്കും.
ഇന്ത്യയില് വില്പനയ്ക്കെത്താന് പോകുന്ന ഹസ്ഖ്വര്ണ വിറ്റ്പിലന് 401, സ്വാര്ട്ട്പിലന് 401 മോഡലുകളെ ബജാജാണ് പുറത്തിറക്കുക. കെടിഎം 390 ഡ്യൂക്കിന്റെ അടിത്തറയില് നിന്നും ഒരുങ്ങുന്ന ഹസ്ക്കി ബൈക്കുകള് ഇന്ത്യന് നിരത്തില് പരീക്ഷണയോട്ടത്തിന് ഇറങ്ങി കഴിഞ്ഞു.
ഇന്ത്യന് വിപണിയ്ക്ക് പുറമെ വിദേശരാജ്യങ്ങളിലും ബജാജ് നിര്മ്മിത ഹസ്ക്കി ബൈക്കുകള് വില്പനയ്ക്കെത്തും. എന്തായാലും പ്രാരംഭ 200 സിസി, 390 സിസി ബൈക്കുകളിലൂടെയാണ് കെടിഎം - ബജാജ് കൂട്ടായ്മ വന്നേട്ടങ്ങള്ക്കുള്ള അടിത്തറ പാകിയത്.
രാജ്യാന്തര വിപണിയില് ശക്തമായി തിരിച്ചുവരാന് കെടിഎമ്മിന് കഴിഞ്ഞതും ഇതേ പ്രാരംഭ ബൈക്കുകളിലൂടെയാണ്. എതിരാളികള്ക്കും ഇക്കാര്യം അറിയാം. ബജാജ് - കെടിഎം മാതൃക പിന്തുടര്ന്നാണ് ബിഎംഡബ്ല്യുവും ടിവിഎസും ഇന്ത്യയില് കൈകോര്ത്തത്.
ഫലമോ G310R, G310GS, അപാച്ചെ RR310 മോഡലുകളുടെ പിറവിക്ക് ബൈക്ക് ലോകം സാക്ഷ്യം വഹിച്ചു. കെടിഎമ്മിന് പുറമെ ട്രയംഫുമായും ബജാജ് കൈകോര്ത്തിട്ടുണ്ട്. ട്രയംഫുമായി ചേര്ന്നു ബജറ്റ് വിലയില് 500 സിസിയ്ക്ക് താഴെയുള്ള ഒറ്റ സിലിണ്ടര് ബൈക്കുകളെ നിര്മ്മിക്കാനുള്ള പദ്ധതിയിലാണ് ബജാജ്.
സമവാക്യങ്ങള് മാറുന്നതു കണ്ടു കൈയ്യുംകെട്ടി നോക്കിയിരിക്കാന് ഹാര്ലി ഡേവിഡ്സണും തയ്യാറല്ല. ഏഷ്യന് ബൈക്ക് നിര്മ്മാതാക്കളുമായി (പേരു വെളിപ്പെടുത്തിയിട്ടില്ല) സഹകരിച്ചു 250-500 സിസി ബൈക്ക് ശ്രേണിയില് ചുവടുവെയ്ക്കാനള്ള മുന്നൊരുക്കത്തിലാണ് ഹാര്ലി. ഹീറോ മോട്ടോകോര്പ്പുമായി ഹാര്ലി കൈകോര്ക്കുമെന്നാണ് നിലവില് ഉയരുന്ന അഭ്യൂഹം.
Source: MoneyControl