Click it and Unblock the Notifications
Just In
-
-
-
-
Don't Miss
-
കണ്ണൂരിനെ ആവേശക്കടലാക്കി രാഹുല് ഗാന്ധിയെത്തി -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല്‍ മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
3 മാസം കൊണ്ടു റോയല്‍ എന്‍ഫീഡല്‍ഡിന്റെ വരുമാനം 2,408 കോടി — താരമായി ക്ലാസിക് 350
എന്തൊക്കെ പറഞ്ഞാലും ഇന്ത്യയില്‍ റോയല്‍ എന്‍ഫീല്‍ഡ് തന്നെയാണ് രാജാക്കന്മാര്‍. ബുള്ളറ്റുകള്‍ കഴിഞ്ഞേയുള്ളൂ മറ്റേതു ബൈക്കും ഇന്ത്യക്കാര്‍ക്ക്. ജൂലായ് – സെപ്തംബര്‍ കാലയളവിലെ (Q3) വില്‍പന കണക്കുകള്‍ പരിശോധിച്ചാല്‍ ഇക്കാര്യം ബോധ്യമാകും.
മുന്‍വര്‍ഷം ഇതേകാലയളവ് താരതമ്യം ചെയ്താല്‍ 11 ശതമാനം വളര്‍ച്ചയാണ് കമ്പനി കുറിക്കുന്നത്. അതായത് 2,408 രൂപയുടെ വരുമാനം നടപ്പു സാമ്പത്തിക വര്‍ഷത്തിലെ മൂന്നാം പാദത്തില്‍ റോയല്‍ എന്‍ഫീല്‍ഡ് നേടി.
നികുതി ഒഴിച്ചുള്ള കമ്പനിയുടെ ലാഭം മാത്രം 549 കോടി രൂപയില്‍ എത്തിനില്‍ക്കുന്നു; ആറു ശതമാനം വളര്‍ച്ച. മുന്‍വര്‍ഷമിത് 518 കോടിയായിരുന്നു. ഇക്കാലയളവില്‍ ആകെമൊത്തം 2,09,963 (2.09 ലക്ഷം) ബൈക്ക് യൂണിറ്റുകള്‍ റോയല്‍ എന്‍ഫീല്‍ഡ് ഇന്ത്യന്‍ വിപണിയില്‍ വിറ്റു.
Most Read: ടിയാഗൊയും നെക്‌സോണും രക്ഷിച്ചു — മാരുതിയെയും ഹ്യുണ്ടായിയെയും കാഴ്ച്ചക്കാരാക്കി ടാറ്റ
മുന്‍വര്‍ഷത്തെക്കാള്‍ നാലു ശതമാനം വളര്‍ച്ച ഇവിടെയും കുറിക്കപ്പെടുന്നു. കഴിഞ്ഞവര്‍ഷം മൂന്നാം പാദം 2,02,744 (2.02 ലക്ഷം) ബൈക്ക് യൂണിറ്റുകളാണ് വിറ്റുപോയത്. നിലവില്‍ ക്ലാസിക് 350 ആണ് കമ്പനിയുടെ ഏറ്റവും ഹിറ്റ് മോഡല്‍.
ഏറ്റവുമധികം ആവശ്യക്കാരും ക്ലാസിക് 350 -യ്ക്ക് തന്നെ. കമ്പനി കുറിക്കുന്ന വില്‍പനയില്‍ 65 ശതമാനത്തോളം ക്ലാസിക് 350 യൂണിറ്റുകളുടെ മാത്രം സംഭാവനയാണ്. ഇതില്‍ത്തന്നെ ക്ലാസിക് 350 ഗണ്‍മെറ്റല്‍ ഗ്രെയ് എഡിഷനാണ് വിപണിയില്‍ പ്രചാരം കൂടുതല്‍.
ബുള്ളറ്റുകളുടെ ആധുനിക മുഖമെന്നാണ് റോയല്‍ എന്‍ഫീല്‍ഡ് ക്ലാസിക് 350 ഗണ്‍മെറ്റല്‍ ഗ്രെയ്ക്കുള്ള വിശേഷണം. ബൈക്കിലുള്ള 346 സിസി എയര്‍ കൂള്‍ഡ് ഒറ്റ സിലിണ്ടര്‍ എഞ്ചിന്‍ 19.8 bhp കരുത്തും 28 Nm torque ഉം പരമാവധി സൃഷ്ടിക്കും. അഞ്ചു സ്പീഡാണ് ഗിയര്‍ബോക്‌സ്.
പൂജ്യത്തില്‍ നിന്നും അറുപതു കിലോമീറ്റര്‍ വേഗത്തില്‍ എത്താന്‍ മോഡലിന് അഞ്ചു സെക്കന്‍ഡുകള്‍ മതി. ARAI പരീക്ഷയില്‍ 37 കിലോമീറ്റര്‍ ഇന്ധനക്ഷമതയോടെയാണ് ഗണ്‍മെറ്റല്‍ ക്ലാസിക് 350 പാസായത്. 13.5 ലിറ്ററാണ് ഇന്ധനശേഷി.
ദീര്‍ഘദൂര റോഡ് യാത്രകള്‍ക്ക് ഇതു ധാരാളം. 192 കിലോഗ്രാമാണ് ക്ലാസിക് 350 യുടെ ഭാരം. മുന്നിലും പിന്നിലും ഡിസ്‌ക് ബ്രേക്ക് (280/240 mm) ഒരുങ്ങുന്ന ആദ്യ റോയല്‍ എന്‍ഫീല്‍ഡ് ക്ലാസിക് 350 പതിപ്പാണ് ഗണ്‍മെറ്റല്‍ ഗ്രെയ്. തണ്ടര്‍ബേര്‍ഡില്‍ നിന്നും കടമെടുത്ത സ്വിംഗ്ആമാണ് ഗണ്‍മെറ്റല്‍ ക്ലാസിക് 350 -യില്‍.
കഴിഞ്ഞ ഓഗസ്റ്റില്‍ കമ്പനി കൊണ്ടുവന്ന ക്ലാസിക് സിഗ്നല്‍സ് 350 എഡിഷന്‍ വില്‍പനയെ കാര്യമായി സ്വാധീനിച്ചിട്ടുണ്ട്. ഇന്ത്യന്‍ സൈന്യവുമായി റോയല്‍ എന്‍ഫീല്‍ഡ് പുലര്‍ത്തുന്ന 65 വര്‍ഷത്തെ ഊഷ്മള ബന്ധം ഓര്‍മ്മപ്പെടുത്തിയാണ് ക്ലാസിക് സിഗ്നല്‍സ് 350 വില്‍പനയ്ക്കു വരുന്നത്.
എയര്‍ബോണ്‍ ബ്ലൂ, സ്‌റ്റോംറൈഡര്‍ സാന്‍ഡ് നിറങ്ങള്‍ ബൈക്കില്‍ അണിനിരക്കുന്നു. ഇരട്ട ചാനല്‍ എബിഎസ് ലഭിച്ച ആദ്യ റോയല്‍ എന്‍ഫീല്‍ഡ് ബൈക്ക് കൂടിയാണിത്.
