Just In
- 7 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 9 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 10 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 11 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- News യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സുസുക്കി ബര്ഗ്മാന് സ്ട്രീറ്റ് ഇന്ത്യയില് എത്തി, ഗ്രാസിയക്കും എന്ടോര്ഖിനും ഭീഷണി
വിപണിയില് പരീക്ഷണങ്ങള് നടത്താന് സുസുക്കിയ്ക്ക് പ്രത്യേക ഉത്സാഹമാണ്. കഴിഞ്ഞ വര്ഷം ഇന്ട്രൂഡറിനെ കമ്പനി അവതരിപ്പിച്ചു. ഇപ്പോള് ഇതാ ബര്ഗ്മാന് സ്ട്രീറ്റും ഇന്ത്യയില് വില്പനയ്ക്ക് വന്നിരിക്കുകയാണ്. സുസുക്കി ബര്ഗ്മാന് സ്ട്രീറ്റ് 125 വിപണിയില് പുറത്തിറങ്ങി. 68,000 രൂപയാണ് പുതിയ ബര്ഗ്മാന് സ്ട്രീറ്റിന് വില (എക്സ്ഷോറൂം ദില്ലി). ഇന്ത്യയില് സുസുക്കിയുടെ ഏറ്റവും വില കൂടിയ സ്കൂട്ടറാണിത്.
ആഗോള നിരയിലെ ബര്ഗ്മാന് സ്കൂട്ടറുകളില് നിന്നും പ്രചോദനമുള്ക്കൊണ്ട് കമ്പനി രൂപകല്പന ചെയ്ത മാക്സി സ്കൂട്ടറാണ് പുതിയ ബര്ഗ്മാന് സ്ട്രീറ്റ് 125. ഉയര്ന്ന വിന്ഡ്സ്ക്രീന് ഒരുങ്ങുന്ന വലിയ മുന് ഏപ്രണ് മോഡലിന്റെ പ്രധാന ആകര്ഷണീയതയാണ്.
നിരത്തില് ശ്രദ്ധപിടിച്ചുപറ്റാന് സ്കൂട്ടര് പിന്തുടരുന്ന യൂറോപ്യന് മാക്സി ശൈലിക്ക് കഴിയും. കോണോടുകോണ് ചേര്ന്ന എല്ഇഡി ഹെഡ്ലാമ്പും ഇന്ഡിക്കേറ്ററുകളും മുന് ഏപ്രണിന്റെ ഭാഗമാണ്.
താണുയര്ന്ന് നില്ക്കുന്ന സീറ്റ് ഘടന സ്കൂട്ടറിന് വിശിഷ്ടമായ ഭാവമാണ് സമ്മാനിക്കുന്നത്. പിറകിലുള്ള എല്ഇഡി ടെയില്ലൈറ്റ് പിന്നഴകിനെ കാര്യമായി സ്വാധീനിക്കും. പൂര്ണ ഡിജിറ്റല് ഇന്സ്ട്രമെന്റ് ക്ലസ്റ്ററാണ് സ്കൂട്ടറില്.
മള്ട്ടി ഫംങ്ഷന് കീ സ്ലോട്ട്, മൊബൈല് ചാര്ജ്ജിംഗ് സോക്കറ്റ്, സ്റ്റോറേജ് പോക്കറ്റ്, 21.5 ലിറ്റര് അണ്ടര്സീറ്റ് സ്റ്റോറേജ് എന്നിവ സുസുക്കി ബര്ഗ്മാന് സ്ട്രീറ്റിന്റെ വിശേഷങ്ങളാണ്. 124.3 സിസി എയര് കൂള്ഡ് ഒറ്റ സിലിണ്ടര് എഞ്ചിനിലാണ് സ്കൂട്ടര് വിപണിയില് എത്തുന്നത്.
എഞ്ചിന് 8.5 bhp കരുത്തും 10.2 Nm torque ഉം പരമാവധി സൃഷ്ടിക്കും. സിവിടി ഗിയര്ബോക്സ് മുഖേനയാണ് എഞ്ചിന് പിന് ചക്രത്തിന് ലഭിക്കുക. ആക്സസ് 125 -ന്റെ അടിത്തറയാണ് പുതിയ ബര്ഗ്മാന് സ്ട്രീറ്റും ഉപയോഗിക്കുന്നത്. എഞ്ചിനും ആക്സസില് നിന്നാണ്.
മുന് ടയറില് നിസിന് ഡിസ്ക് ബ്രേക്കും പിന് ടയറില് ഡ്രം യൂണിറ്റും സ്കൂട്ടറില് ബ്രേക്കിംഗ് നിറവേറ്റും. കോമ്പി ബ്രേക്കിംഗ് സംവിധാനത്തിന്റെ പിന്തുണ ബര്ഗ്മാന് സ്ട്രീറ്റിനുണ്ട്. 12 ഇഞ്ച്, 10 ഇഞ്ച് എന്നിങ്ങനെയാണ് മുന്നിലെയും പിന്നിലെയും അഞ്ചു സ്പോക്ക് അലോയ് വീലുകള്.
ടെലിസ്കോപിക് ഫോര്ക്കുകള് മുന്നിലും ഹൈഡ്രോളിക് ഷോക്ക് അബ്സോര്ബര് പിന്നിലും സസ്പെന്ഷന് നിര്വഹിക്കും. മെറ്റാലിക് മാറ്റ ഫിബ്രിയോണ്, ഗ്ലാസ് സ്പാര്ക്കിള് ബ്ലാക്, പേള് മിറേജ് വൈറ്റ് എന്നീ മൂന്നു നിറങ്ങള് ബര്ഗ്മാന് സ്ട്രീറ്റ് 125 -ല് തെരഞ്ഞെടുക്കാം.
ഇന്ത്യന് നിര്മ്മിത ബര്ഗ്മാന് സ്ട്രീറ്റ് 125 -കളെ വിദേശരാജ്യങ്ങളിലേക്ക് കമ്പനി കയറ്റുമതി ചെയ്യും. ഹോണ്ട ഗ്രാസിയ, ടിവിഎസ് എന്ടോര്ഖ് 125, അപ്രീലിയ SR125 മോഡലുകളുമായിട്ടാണ് സുസുക്കി ബര്ഗ്മാന് സ്ട്രീറ്റ് 125 -ന്റെ മത്സരം.