Just In
- 3 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 4 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 5 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 6 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Movies 'കാക്കേ പറന്നു പോ'; ജാസ്മിന് ജിന്റോയ്ക്കെതിരെ വംശീയ അധിക്ഷേപം നടത്തിയോ? ചൂടേറിയ ചര്ച്ച
- News ഈ രാശിക്കാരാണോ? സുവര്ണനേട്ടങ്ങള് തേടിയെത്തും, സമ്പത്തും ഐശ്വര്യവും ലഭിക്കും; ഭാഗ്യം ഒപ്പമുണ്ടാവും
- Lifestyle ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും
- Sports IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഹിമാലയന് ടെര്മിനോനി എക്സ്ഹോസ്റ്റ് കിട്ടി, റോയല് എന്ഫീല്ഡ് മോഡലുകളില് ഇതാദ്യം
പ്രശസ്ത ഇറ്റാലിയന് പെര്ഫോര്മന്സ് എക്സ്ഹോസ്റ്റ് നിര്മ്മാതാക്കളായ ടെര്മിനോനി റോയല് എന്ഫീല്ഡ് ഹിമാലയന് പ്രത്യേക സ്ലിപ് ഓണ് എക്സ്ഹോസ്റ്റ് സംവിധാനവുമായി രംഗത്തു വന്നിരിക്കുകയാണ്. ടെര്മിനോനി എക്സ്ഹോസ്റ്റ് ലഭിക്കുന്ന ആദ്യ റോയല് എന്ഫീല്ഡ് മോഡലാണ് ഹിമാലയന്. സ്റ്റെയിന്ലെസ് സ്റ്റീല് നിര്മ്മിത ടെര്മിനോനി എക്സ്ഹോസ്റ്റില് കറുത്ത പിന് കവറാണ് ഒരുങ്ങുന്നത്.
റോയല് എന്ഫീല്ഡ് എക്സ്ഹോസ്റ്റിനെക്കാളും കുറവ് ഭാരം ടെര്മിനോനി എക്സ്ഹോസ്റ്റ് രേഖപ്പെടുത്തും. ഹിമാലയന്റെ ഭാരം രണ്ടു കിലോയോളം കുറയ്ക്കാന് ടെര്മിനോനി എക്സ്ഹോസ്റ്റിന് കഴിയുമെന്നാണ് കമ്പനിയുടെ അവകാശവാദം.
ഇതു ബൈക്കിന്റെ പ്രകടനക്ഷമതയെ കാര്യമായി സ്വാധീനിക്കും. ടെര്മിനോനി എക്സ്ഹോസ്റ്റ് ഘടിപ്പിക്കുന്ന ഹിമാലയനില് 0.7 bhp കരുത്തും 1.65 Nm torque ഉം കൂടുതല് സൃഷ്ടിക്കപ്പെടും. അതായത് ടെര്മിനോനി എക്സ്ഹോസ്റ്റുണ്ടെങ്കില് ഹിമാലയന് 23.7 bhp കരുത്തും 31.9 Nm torque ഉം പരമാവധി സൃഷ്ടിക്കാനാവും.
പിന് ചക്രത്തിലെത്തുന്ന കരുത്താണിത്. അതേസമയം 23 bhp കരുത്തും 30.8 Nm torque മാണ് സാധാരണ റോയല് എന്ഫീല്ഡ് ഹിമാലയന് അവകാശപ്പെടുന്നത്. അതായത് സ്റ്റോക്ക് ഹിമാലയനെക്കാള് കൂടുതല് മികവും ഓഫ്റോഡ് ശേഷിയും ടെര്മിനോനി എക്സ്ഹോസ്റ്റുള്ള ഹിമാലയന് കാഴ്ചവെക്കും.
എക്സ്ഹോസ്റ്റിന്റെ കോണിക്കല് സ്ലീവിലാണ് ലോഹ നിര്മ്മിത ടെര്മിനോനി ലോഗോ ഒരുങ്ങുന്നത്. മുകളിലേക്ക് മുഖമുയര്ന്നു നില്ക്കുന്ന എക്സ്ഹോസ്റ്റ് ശൈലി ഓഫ്റോഡ് സാഹസങ്ങളില് ഹിമാലയനെ പിന്തുണയ്ക്കും. ജലാശയങ്ങളിലൂടെ കടന്നുപോകുമ്പോള് ഒരുപരിധി വരെ വെള്ളം എക്സ്ഹോസ്റ്റിനകത്ത് കയറില്ല.
സൈലന്സര്, അലൂമിനിയം സ്പേസര്, വാഷര് സൈലന്റ് ബ്ലോക്, സ്പേസര് സൈലന്റ് ബ്ലോക്, വാഷര് 8 x 24, സെല്ഫ് ലോക്കിംഗ് നട്ട് M8, സ്ക്രൂ M8 x 30, മെറ്റല് ക്ലാമ്പ് എന്നിവ ടെര്മിനോനി എക്സ്ഹോസ്റ്റ് കിറ്റില് ഉള്പ്പെടും.
411 സിസി ഒറ്റ സിലിണ്ടര്, എയര്/ഓയില് കൂള്ഡ് എഞ്ചിനിലാണ് ഹിമാലയന് വില്പനയ്ക്കെത്തുന്നത്. 24.5 bhp കരുത്തും 32 Nm torque ഉം എഞ്ചിന് സൃഷ്ടിക്കാനാവും. അഞ്ചു സ്പീഡാണ് ഗിയര്ബോക്സ്. ഭാരം 182 കിലോയും.
ഇന്നു ഇന്ത്യയില് ലഭ്യമായ ഏറ്റവും വില കുറഞ്ഞ അഡ്വഞ്ചര് ബൈക്കാണ് റോയല് എന്ഫീല്ഡ് ഹിമാലയന്. ഹിമാലയന് അനുയോജ്യമായ ടെര്മിനോനി എക്സ്ഹോസ്റ്റ് ആദ്യ ഘട്ടത്തില് യൂറോപ്പില് മാത്രമെ ലഭ്യമാവുകയുള്ളു.