Just In
- 14 min ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 1 hr ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 2 hrs ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 2 hrs ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
Don't Miss
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- News 'ചതിച്ചല്ലോ പൊന്നേ'; ഹൃദയം തകർത്ത് സ്വർണ വില, പവന് അരലക്ഷം തൊട്ടു, വില വിവരങ്ങൾ ഇങ്ങനെ
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Movies 'അയാൾ അറിഞ്ഞുകൊണ്ട് സൗകര്യം ചെയ്യുന്നതുപോലെ തോന്നി, പരാതിപ്പെട്ടിട്ടും പുല്ലുവിലയാണ് തന്നത്'; ആലീസ്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ടിവിഎസ് അപാച്ചെയിലുള്ള ഹെഡ്ലാമ്പ് അനധികൃതം, പറയുന്നത് പൊലീസ്
'ടിവിഎസ് അപാച്ചെ RR310 മോഡലിലുള്ള ഹെഡ്ലാമ്പുകള് അനധികൃതമാണ്. എതിരെ വരുന്ന മറ്റു വാഹനങ്ങള്ക്ക് ബൈക്കിന്റെ ഹെഡ്ലാമ്പ് പ്രകാശം ബുദ്ധിമുട്ടു സൃഷ്ടിക്കും', വാഹന പരിശോധനയില് തടഞ്ഞുനിര്ത്തിയ പൊലീസ് ഉദ്യോഗസ്ഥന് പറഞ്ഞതുകേട്ടപ്പോള് ബൈക്കുടമ പ്രിയം ബോസ് ഒരുനിമിഷം കുഴങ്ങി.
ബൈക്കില് ടിവിഎസ് ഘടിപ്പിച്ചുനല്കിയ എല്ഇഡി ഹെഡ്ലാമ്പുകള് നിയമാനുസൃതമല്ലെന്നാണ് പൊലീസുകാരുടെ വാദം. എല്ഇഡി ഹെഡ്ലാമ്പില് നിന്നുള്ള പ്രകാശം റോഡപകടങ്ങള്ക്ക് കാരണമാകും, ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥന് പറഞ്ഞു.
പശ്ചിമ ബംഗാളിന്റെ തലസ്ഥാനമായ കൊല്ക്കത്തയിലാണ് ഈ സംഭവം. വാഹനം തടഞ്ഞുനിര്ത്തിയത് എന്തിനാണെന്ന ചോദ്യത്തിന് ടിവിഎസ് അപാച്ചെ RR310 -ലുള്ള ഹെഡ്ലാമ്പുകള് അനധികൃതമാണെന്നു ഡ്യൂട്ടിയിലുണ്ടായിരുന്ന പൊലീസുകാര് പ്രിയമിന് മറുപടി നല്കുകയായിരുന്നു.
എല്ഇഡി ഹെഡ്ലാമ്പുകള് ടിവിഎസ് കമ്പനി ഘടിപ്പിച്ചതാണെന്ന് ഇദ്ദേഹം പറഞ്ഞെങ്കിലും പൊലീസുകാര് ചെവിക്കൊണ്ടില്ല. ഘടകങ്ങളെല്ലാം ആര്ടിഒ പരിശോധിച്ചു വിലയിരുത്തിയതിന് ശേഷമാണ് റോഡിലിറങ്ങാന് ബൈക്കിന് അനുമതി കിട്ടിയതെന്നു സൂചിപ്പിച്ചിട്ടും പൊലീസുകാര് തങ്ങളുടെ നിലപാടില് ഉറച്ചുനിന്നു.
എല്ഇഡി ഹെഡ്ലാമ്പുകള് അനധികൃതമാണെന്നു വ്യക്തമാക്കിയ പൊലീസ്, നൂറുരൂപ പിഴ അടയ്ക്കാന് പ്രിയമിനോടു ആവശ്യപ്പെട്ടു. ഒടുവില് മറ്റു മാര്ഗ്ഗങ്ങളില്ലാതെവന്ന പ്രിയം നൂറുരൂപ പിഴ അടയ്ക്കുകയായിരുന്നു.
എന്നാല് തനിക്കുണ്ടായ ദുരനുഭവം ഫെയ്സ്ബുക്കില് ലൈവിലൂടെ ഇദ്ദേഹം പങ്കുവെച്ചതിനാല് കാര്യങ്ങള് തത്സമയം പുറംലോകമറിഞ്ഞു. ഇന്ത്യന് കാറുകളിലും ബൈക്കുകളിലും നൂതന സംവിധാനങ്ങള് ഒരുങ്ങാന് തുടങ്ങിയ കാര്യം പൊലീസുകാരറിഞ്ഞിട്ടില്ലെന്ന ആക്ഷേപം സംഭവത്തിന്റെ പശ്ചാത്തലത്തില് സമൂഹമാധ്യമങ്ങളില് ഉയര്ന്നു കഴിഞ്ഞു.
എല്ഇഡി ഹെഡ്ലാമ്പുകള് ഇന്ന് ബൈക്കുകളിലെ പതിവു ഫീച്ചറാണ്. കെടിഎം 390 ഡ്യൂക്ക്, ബജാജ് ഡോമിനാര്, യമഹ FZ25 തുടങ്ങിയ മോഡലുകളില് എല്ഇഡി ഹെഡ്ലാമ്പുകളാണ് ഇടംപിടിക്കുന്നത്.
കാറുകളുടെ കാര്യത്തിലും ചിത്രം വ്യത്യസ്മല്ല. ഹോണ്ട സിറ്റി, മാരുതി സ്വിഫ്റ്റ് മുതല് ടൊയോട്ട ഇന്നോവ ക്രിസ്റ്റയില് വരെ ഒരുങ്ങുന്നത് എല്ഇഡി ഹെഡ്ലാമ്പുകളാണ്.
Source: Facebook