Just In
- 1 hr ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 3 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 4 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 4 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Sports IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ
- Lifestyle വെറും ദോശയല്ല, ബ്രേക്ക്ഫാസ്റ്റിന് ഇനി ഹെല്ത്തി എഗ്ഗ് ദോശ
- News 'നിങ്ങളുടെ മുത്തശ്ശി പിടിച്ച് ജയിലിലിട്ടിട്ടുണ്ട് ഒന്നര വർഷം', രാഹുൽ ഗാന്ധിയോട് പിണറായി വിജയൻ
- Movies സുന്ദരി കോത എന്നും കാവ്യ മാധവന് തന്നെ! ഒരുപാട് ശത്രുക്കളെ ഉണ്ടാക്കുന്ന ചോദ്യമായി പോയെന്ന് സലിം കുമാര്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
അതിവേഗ ട്രാക്കിലേക്ക് കരുത്തന് ടിവിഎസ് എന്ടോര്ഖ് SXR
റേസിംഗ് പാരമ്പര്യം മുറുക്കെ പിടിച്ചാണ് ടിവിഎസ് എന്നും വിപണിയില് നില്ക്കാറ്. ഓരോ അപാച്ചെയിലും കാണാം 'ടിവിഎസ് റേസിംഗിന്റെ' കൈയ്യടയാളം. പുതിയ ഫ്ളാഗ്ഷിപ്പ് അപാച്ചെ RR310 -നെ വികസിപ്പിച്ച ഓരോ ഘട്ടത്തിലും ടിവിഎസ് റേസിംഗ് ഇടപെടലുകള് നടത്തി; ട്രാക്കില് ഓടിച്ചു പരീക്ഷിച്ചു. നിര്ദ്ദേശങ്ങള് നല്കി. വിപണിയില് മികവാര്ന്ന പ്രകടനം കാഴ്ചവെച്ചു ടിവിഎസ് അപാച്ചെ RR310 കൈയ്യടി നേടുമ്പോള്, കര്ട്ടന് പിറകില് ക്രെഡിറ്റ് ലഭിക്കുന്നത് ടിവിഎസ് റേസിംഗിന് കൂടിയാണ്.
അപാച്ചെ RR310 -ന്റെ ആരവം തെല്ലൊന്നടങ്ങും മുമ്പെയാണ് എന്ടോര്ഖ് സ്കൂട്ടറിലേക്ക് ടിവിഎസ് റേസിംഗ് ശ്രദ്ധതിരിച്ചത്. ഫലമോ, സ്കൂട്ടറിന്റെ റാലി പതിപ്പ് എന്ടോര്ഖ് SXR മോഡല് ടിവിഎസ് നിരയില് പിറന്നു. ടിവിഎസ് റേസിംഗ് ഒരുക്കിയ എന്ടോര്ഖ് SXR ആണ് വിപണിയിലെ പുതിയ ചര്ച്ചാവിഷയം.
പുതിയ റാലി സ്കൂട്ടറിന് അടിസ്ഥാനം എന്ടോര്ഖ് 125 മോഡല്. നാസിക്കില് നടക്കുന്ന ഇന്ത്യന് നാഷണല് റാലി ചാമ്പ്യന്ഷിപ്പിന്റെ നാലാം റൗണ്ടില് എന്ടോര്ഖ് SXR അരങ്ങേറ്റം കുറിക്കും.
മത്സരം മെയ് 25, 26 തീയ്യതികളില്. ടിവിഎസ് എന്ടോര്ഖ് SXR ഓടിക്കുന്നത് മൂന്നുതവണ ദേശീയ ചാമ്പ്യന്ഷിപ്പ് കിരീടമണിഞ്ഞ ആസിഫ് അലി. പുതിയ എന്ടോര്ഖ് റാലി സ്കൂട്ടറിലേക്കാണ് ഇപ്പോള് എല്ലാം കണ്ണുകളും.
ടിവിഎസ് റേസിംഗിന്റെ പടക്കുതിര SXR 160 സ്കൂട്ടറിന്റെ പിന്ഗാമിയാണ് എന്ടോര്ഖ് SXR. കാഴ്ചയില് വലിയ മാറ്റങ്ങള് എന്ടോര്ഖ് SXR അവകാശപ്പെടുന്നില്ല. എന്നാല് റാലി ഗ്രാഫിക്സിന്റെ പശ്ചാത്തലത്തില് സാധാരണ എന്ടോര്ഖില് നിന്നും എന്ടോര്ഖ് SXR വേറിട്ടുനില്ക്കും.
റേസ് ട്യൂണ് ചെയ്ത 125 സിസി എഞ്ചിനാണ് സ്കൂട്ടറില്. 19 bhp -ക്ക് മേലെ കരുത്തുത്പാദിപ്പിക്കാന് എഞ്ചിന് പറ്റും. സാധാരണ എന്ടോര്ഖ് 125 -ന് പരമാവധി ലഭിക്കുന്നത് 9 bhp കരുത്ത്. 120 കിലോമീറ്റര് വേഗത്തില് കുതിക്കാന് ടിവിഎസ് എന്ടോര്ഖ് SXR -ന് സാധിക്കുമെന്ന് ടിവിഎസ് റേസിംഗ് അവകാശപ്പെടുന്നു.
റേസ് ട്യൂണ്ഡ് ഹൈഡ്രോളിക് സസ്പെന്ഷന്, അതിവേഗ മത്സരങ്ങള്ക്ക് വേണ്ടി പ്രത്യേകം ഒരുക്കിയ ഇന്ടെയ്ക്ക്, എക്സ്ഹോസ്റ്റ് സംവിധാനം, 12 ഇഞ്ച് ഓഫ്റോഡ് ബട്ടണ് ടയറുകള് എന്നിങ്ങനെ നീളും സ്കൂട്ടറിന്റെ മറ്റു വിശേഷങ്ങള്.
മത്സരങ്ങള്ക്കു വേണ്ടി ഇഗ്നീഷന് സംവിധാനവും സ്കൂട്ടറില് കമ്പനി മെച്ചപ്പെടുത്തിയിട്ടുണ്ട്. പരീക്ഷിച്ചു തെളിഞ്ഞതിനു ശേഷമാണ് എന്ടോര്ഖ് SXR -മായി ട്രാക്കിലേക്ക് ഇറങ്ങുന്നതെന്ന് ടിവിഎസ് റേസിംഗ് ടീം മാനേജര് ബി സെല്വരാജ് ആത്മവിശ്വാസത്തോടെ പറയുന്നു.
ഇന്ത്യന് സ്കൂട്ടറുകളില് ഇന്നുവരെ കണ്ടിട്ടില്ലാത്ത ഒരുപിടി ഫീച്ചറുകളുമായാണ് എന്ടോര്ഖിനെ ടിവിഎസ് വിപണിയില് എത്തിച്ചത്. 55 ഫീച്ചറുകളുള്ള പൂര്ണ ഡിജിറ്റല് ഇന്സ്ട്രമെന്റ് ക്ലസ്റ്ററാണിതില് മുഖ്യം.
വിപണിയില് സ്കൂട്ടര് സമവാക്യങ്ങളെ തകിടം മറിച്ചു എന്ടോര്ക് മുന്നേറുന്നത് കമ്പനിയുടെ പ്രതീക്ഷ വര്ധിപ്പിക്കുന്നു. എന്തായാലും എന്ടോര്ഖിന്റെ റാലി പതിപ്പു വാഹനപ്രേമികളുടെ ശ്രദ്ധയാകര്ഷിച്ചു കഴിഞ്ഞു.