Just In
- 30 min ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 3 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 4 hrs ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 6 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
Don't Miss
- Sports IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര
- News പത്തനംതിട്ടയിലും മോക് പോളില് പിഴവ്, പരാതിയുമായി യുഡിഎഫ്: വിശദീകരണം നല്കി കളക്ടർ
- Technology റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം
- Lifestyle ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം
- Movies ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി
- Finance സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
യുഎം റെനഗേഡ് ഡ്യൂട്ടി സെപ്തംബറില്, എതിരാളികള് അവഞ്ചറും ഇന്ട്രൂഡറും!
അടുത്തകാലത്തായി എന്ട്രി ലെവല് ക്രൂയിസര് ശ്രേണിയിലേക്കാണ് വാഹന നിര്മ്മാതാക്കളുടെയും മുഴുവന് നോട്ടവും. ശ്രേണിയില് കാര്യമായ മത്സരങ്ങളില്ല; ആകെയുള്ള പോര് അവഞ്ചറുകളും ഇന്ട്രൂഡറുകളും തമ്മില്. ഈ അവസരം മുന്നില് കണ്ടാണ് റെനഗേഡ് ഡ്യൂട്ടി 230 ക്രൂയിസറുകളെ യുഎം ഇന്ത്യയിലേക്ക് കൊണ്ടുവന്നത്.
2018 ഓട്ടോ എക്സ്പോയിലൂടെ പുതിയ യുഎം ക്രൂയിസറുകള് ഇന്ത്യന് തീരമണഞ്ഞു. ഡ്യൂട്ടി എസ്, ഡ്യൂട്ടി എയസ് വകഭേദങ്ങളിലൂടെ വിപണിയില് ശ്രദ്ധനേടാമെന്ന പ്രതീക്ഷയിലാണ് യുഎം. സെപ്തംബറില് യുഎം റെനഗേഡ് ഡ്യൂട്ടി വിപണിയില് അണിനിരക്കുമെന്ന് റിപ്പോര്ട്ട്.
അതേസമയം പുതിയ മോഡലുകളുടെ വില കമ്പനി നേരത്തെ പ്രഖ്യാപിച്ചിരുന്നു. ഡ്യൂട്ടി എസ് വരിക 1.10 ലക്ഷം എക്സ്ഷോറൂം വിലയില്; ഡ്യൂട്ടി എയ്സിന് വില 1.29 ലക്ഷം രൂപയും. വരും മാസങ്ങളില് ഇന്ത്യന് നിര വിപുലപ്പെടുത്താനുള്ള തയ്യാറെടുപ്പിലാണ് യുഎം.
ഇതിലേക്കുള്ള ആദ്യ ചുവടുവെയ്പാണ് പുതിയ റെനഗേഡ് ഡ്യൂട്ടി ക്രൂയിസറുകള്. എതിരാളികള് ബജാജ് അവഞ്ചറുകളും, സുസൂക്കി ഇന്ട്രൂഡറും. പത്തു ലിറ്റര് ഇന്ധനടാങ്ക് ശേഷിയോടെ ഒരുങ്ങുന്ന ഡ്യൂട്ടി എസ്, ഡ്യൂട്ടി എയ്സ് ക്രൂയിസറുകളില് യുഎം വാഗ്ദാനം ചെയ്യുന്നത് 41 കിലോമീറ്റര് മൈലേജ്.
ഗിയര് നില വെളിപ്പെടുത്തുന്ന ഇന്ഡിക്കേറ്ററുള്ള ഡിജിറ്റല്-അനലോഗ് ഇന്സ്ട്രമെന്റ് ക്ലസ്റ്ററാണ് യുഎം ഡ്യൂട്ടിയില്. ഹെഡ്ലാമ്പും, ടെയില്ലൈറ്റും എല്ഇഡി പരിവേഷത്തിലാണ്. 41 mm ടെലിസ്കോപിക് ഫോര്ക്കുകള് മുന്നിലും, ട്വിന് ഹൈഡ്രോളിക് സ്പ്രിങ്ങ് പിന്നിലും യുഎം ഡ്യൂട്ടി മോഡലുകളില് സസ്പെന്ഷന് നിറവേറ്റും.
ഓഫ്-റോഡറായും റെനഗേഡ് ഡ്യൂട്ടിയെ കൊണ്ടുനടക്കാമെന്നണ് യുഎമ്മിന്റെ വാദം. 223 സിസി ഒറ്റ സിലിണ്ടര് ഓയില് കൂള്ഡ് എഞ്ചിനാണ് ഇരു മോഡലുകള്ക്കും. 8,000 rpm -ല് 16 bhp കരുത്തും 5,000 rpm -ല് 17 Nm torque ഉം എഞ്ചിന് പരമാവധി സൃഷ്ടിക്കും.
അഞ്ചു സ്പീഡാണ് ഗിയര്ബോക്സ്. ഇരു മോഡലുകളുടെയും വീല്ബേസ് 1,360 mm. ഗ്രൗണ്ട് ക്ലിയറന്സ് 180 mm ഉം. യുഎം നിരയില് റെനഗേഡ് സ്പോര്ട് എസിന് താഴെയാണ് റെനഗേഡ് ഡ്യൂട്ടിയുടെ സ്ഥാനം.
മോഡലുകളുടെ വില കുറച്ചു വിപണിയില് ശ്രദ്ധനേടുകയാണ് യുഎമ്മിന്റെ തന്ത്രം. ഇതിനുവേണ്ടി പ്രാദേശിക ഉത്പാദനം കമ്പനി വര്ധിപ്പിക്കും. സമീപഭാവിയില് തന്നെ ഹൈദരാബാദില് പുതിയ നിര്മ്മാണശാല യുഎം സ്ഥാപിക്കുമെന്നും റിപ്പോര്ട്ടുകള് പറയുന്നു.
2020 -ഓടെ 450 മുതല് 650 സിസി വിഭാഗങ്ങളില് മോഡലുകളെ അവതരിപ്പിക്കാനും യുഎം ആലോചിക്കുന്നുണ്ട്.
Source: Bikewale