Just In
- 1 hr ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 2 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 3 hrs ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 3 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
Don't Miss
- Movies ജാസ്മിന് മികച്ച ഗെയ്മര്, പക്ഷെ വിശ്വസിക്കാന് കൊള്ളില്ല; അഫ്സലും കുടുംബവും നാണംകെട്ടു: ദിയ സന
- Sports IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- News പൂരം അട്ടിമറിച്ച് ബിജെപിക്ക് വോട്ടുണ്ടാക്കി കൊടുക്കാനുള്ള ശ്രമമെന്ന് മുരളീധരൻ;സുരേഷ് ഗോപിയുടെ പ്രതികരണം ഇങ്ങനെ
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
2020 YZF-R15 V3 പുതിയ നിറങ്ങളിൽ അവതരിപ്പിച്ച് യമഹ
യമഹയുടെ ജനപ്രിയ മോട്ടർസൈക്കിളായ YZF-R15 V3 യുടെ പരിഷ്ക്കരിച്ച മോഡലൽ മലേഷ്യൻ വിപണിയിൽ അവതരിപ്പിച്ചു. 2020 പതിപ്പിൽ പുതിയ മൂന്ന് കളർ ഓപ്ഷനുകളാണ് കമ്പനി അവതരിപ്പിച്ചിരിക്കുന്നത്.
പരിഷ്ക്കരിച്ച R15 V3 യിൽ മെക്കാനിക്കൽ മാറ്റങ്ങളൊന്നും കമ്പനി വരുത്തിയിട്ടില്ല. പകരം പുതിയ ഗ്രാഫിക്സും മൂന്ന് കളർ ഓപ്ഷനുകളുമാണ് YZF-R15 V3 യ്ക്ക് നൽകിയിരിക്കുന്നത്. മാറ്റ് ബ്ലാക്ക്, യെല്ലോ, റേസിംഗ് ബ്ലൂ എന്നിവയാണ് പുതിയ മൂന്ന് പെയിന്റ് സ്കീമുകൾ.
എന്നാൽ ഈ മൂന്ന് കളർ ഓപ്ഷനുകളും ഇതിനകം തന്നെ തായ്ലൻഡ് വിപണിയിൽ ലഭ്യമാണ്. അതിനാൽ യമഹയ്ക്ക് മികച്ച വിൽപ്പന ലഭിക്കുന്ന ഇന്ത്യൻ വിപണിയിലും പുതിയ പെയിന്റ് സ്കീമുകൾ അവതരിപ്പിക്കുമെന്നാണ് പ്രതീക്ഷിക്കുന്നത്.
വില മത്സരാധിഷ്ഠിതമായി നിലനിർത്തുന്നതിന്, ഇൻവെർട്ടഡ് ഫ്രണ്ട് ഫോർക്കുകൾക്ക് പകരമായി പരമ്പരാഗത ടെലിസ്കോപ്പിക് യൂണിറ്റുകൾ ഉപയോഗിച്ചാണ് യമഹ ഇന്ത്യൻ പതിപ്പിനെ പുറത്തിറക്കിയത്.
എന്നിരുന്നാലും, മലേഷ്യ, തായ്ലൻഡ് വിപണിയിൽ യമഹ YZF-R15 ൽ അപ്സൈഡ് ഡൗണ് ഫ്രണ്ട് ഫോർക്കും, പിന്നിൽ പ്രീ-ലോഡ് അഡ്ജസ്റ്റ് ചെയ്യാവുന്ന മോണോഷോക്ക് സസ്പെൻഷനുമാണ് വാഗ്ദാനം ചെയ്യുന്നത്.
ബ്രേക്കുകളെ സംബന്ധിച്ചിടത്തോളം മുന്നിൽ 282 mm ഡിസ്കും പിന്നിൽ 220 mm ഡിസ്ക്കുമാണ് ഘടിപ്പിച്ചിരിക്കുന്നത്. ഓൾ-ഡിജിറ്റൽ ഇൻസ്ട്രുമെന്റേഷൻ, എൽഇഡി ഹെഡ്ലാമ്പ് സജ്ജീകരണം എന്നിവ വലിയ മോട്ടോർസൈക്കിളുകളിൽ നിന്ന് പ്രചോദനം ഉൾക്കൊണ്ടാണ് നൽകിയിരിക്കുന്നത്.
ഡെൽറ്റാബോക്സ് ഫ്രെയിമിൽ നിർമ്മിച്ചതും അലുമിനിയം സ്വിംഗാർമുള്ളതുമായ യമഹ YZF-R15, 155 സിസി സിംഗിൾ സിലിണ്ടർ ലിക്വിഡ്-കൂൾഡ് എഞ്ചിനാണ് കരുത്തേകുന്നത്. കൂടാതെ VVA (വേരിയബിൾ വാൽവ് ആക്യുവേഷൻ) സാങ്കേതികവിദ്യയും മോട്ടോർസൈക്കിളിന്റെ പ്രത്യേകതയാണ്.
Most Read: ഹോണ്ട ആഫ്രിക്ക ട്വിൻ സെപ്റ്റംബർ 23-ന് ആഗോള വിപണിയിൽ അവതരിപ്പിക്കും
ഈ എഞ്ചിൻ പരമാവധി 19.3 bhp കരുത്തും 14.7 Nm torque ഉം ഉൽപാദിപ്പിക്കും. സ്റ്റാൻഡേർഡ് ഫിറ്റ്മെന്റായി സ്ലിപ്പർ ക്ലച്ച് ഉപയോഗിച്ച് ആറ് സ്പീഡ് ട്രാൻസ്മിഷനുമായി എഞ്ചിൻ ബന്ധിപ്പിച്ചിരിക്കുന്നു.
Most Read: പുതിയ നാഴികകല്ല് സൃഷ്ടിച്ച് റോയല് എന്ഫീല്ഡ് 650 ഇരട്ടകള്
യമഹ R15 V3.0 അടിസ്ഥാനമാക്കി MT-15 എന്ന നേക്കഡ് സ്ട്രീറ്റ്ഫൈറ്റർ മോഡലിനെ കമ്പനി അവതരിപ്പിച്ചിരുന്നു. അത് കെടിഎം ഡ്യൂക്ക് 125 മോഡലിനെതിരെയാണ് മത്സരിക്കുന്നത്. വിദേശ വിപണികളിൽ മികച്ച പ്രതികരണം ലഭിച്ചതിനാൽ R15 V3 യുമായി വളരെയധികം സാമ്യമുള്ള XSR155 മോഡലിനെ ഇന്ത്യയിൽ അവതരിപ്പിക്കാനും യമഹ പദ്ധതിയിടുന്നുണ്ട്.
Most Read: ഏറ്റവും കൂടുതൽ ഇന്ധനക്ഷമതയുള്ള അഞ്ച് പെട്രോൾ കാറുകൾ
XSR155 യുടെ അവതരണത്തോടെ ഇന്ത്യയിൽ ഒരു നിയോ-റെട്രോ എൻട്രി ലെവൽ മോട്ടോർസൈക്കിൾ വിഭാഗം ആരംഭിക്കാനാണ് കമ്പനി ശ്രമിക്കുന്നത്. മറ്റ് നിർമ്മാതാക്കളെപ്പോലെ, വരും മാസങ്ങളിൽ ബിഎസ്-VI മലിനീകരണ മാനദണ്ഡങ്ങൾ പാലിക്കുന്നതിനായി യമഹ തങ്ങളുടെ ശ്രേണിയിലെ എല്ലാ മോഡലുകളെയും നവീകരിക്കും. ഇത് മോഡലുകളുടെ വില വർധനവിന് കാരണമാകും.