Just In
- 8 min ago ആക്ടിവയും ഷൈനും വാങ്ങാൻ ആളുകളുടെ ക്യൂ, ഹോണ്ട ഇതുവരെ വിറ്റത് 6 കോടി ഇരുചക്ര വാഹനങ്ങൾ
- 38 min ago ഇരട്ട പുരസ്കാര നേട്ടവുമായി കിയ EV9! 2024 വേള്ഡ് കാര് അവാര്ഡ്സില് ഇവികളുടെ ആധിപത്യം
- 1 hr ago മാരുതി സുസുക്കിയുടെ തലപ്പത്ത് അഴിച്ചുപണി, ശശാങ്ക് ശ്രീവാസ്തയ്ക്ക് പകരം വരുന്നത് ഇദ്ദേഹമോ
- 1 hr ago നെക്സോൺ വരെ നാണിക്കും, ബേസ് വേരിയന്റിൽ പോലും ഏറ്റവും ഡിമാന്റുള്ള ഈ ഫീച്ചർ ചേർത്ത് സോനെറ്റ്
Don't Miss
- Movies 'അവൻ യെസ് പറഞ്ഞു... വിവാഹം കഴിഞ്ഞിട്ടില്ല... നടന്നത് എൻഗേജ്മെന്റ്'; സത്യാവസ്ഥ വെളിപ്പെടുത്തി അദിതി റാവു ഹൈദരി
- Lifestyle ഒരു പ്രായത്തിന് ശേഷം അടിവയറ്റില് വേദന കൂടുതല്: പതിയേ ക്യാന്സര് വളരുന്നു?
- Sports IPL 2024: സഞ്ജുവും റിഷഭും നേര്ക്കുനേര്, തോറ്റ ക്ഷീണത്തില് ഡല്ഹി- ടോസ് 7 മണിക്ക്
- News 'എന്നേയും ആം ആദ്മിയേയും ഇല്ലാതാക്കുകയാണ് ഇഡിയുടെ ലക്ഷ്യം'; കോടതിയിൽ ഇഡിക്കെതിരെ കെജ്രിവാൾ
- Travel ചില്ലറ നോക്കി സമയം കളയേണ്ട! യുപിഐ വഴി ഇനി ട്രെയിനിൽ ജനറൽ ടിക്കറ്റ് എടുക്കാം...
- Finance എഫ്.ഡിയിലൂടെ 2 വർഷം കൊണ്ട് വരുമാനം വർധിപ്പിക്കാം, മികച്ച പലിശ ഈ ബാങ്കിലുണ്ട്, നോക്കുന്നോ...
- Technology വെറും 395 രൂപ മതി, മൂന്ന് മാസത്തേക്ക് അൺലിമിറ്റഡ് 5ജി ആസ്വദിക്കാം; ജിയോയുടെ പുതിയ പ്ലാൻ
ടിവിഎസ് അപ്പാച്ചെ RR310 ബിഎസ്-VI പതിപ്പിന് വില കുത്തനെ ഉയരും
തങ്ങളുടെ ശ്രേണിയിലെ മോഡലുകളെയെല്ലാം ബിഎസ്-VI ന് അനുസൃതമായി പരിഷ്ക്കരിച്ച് വിപണിയിലെത്തിക്കുന്ന തിരക്കിലാണ് ഇന്ത്യൻ ഇരുചക്ര വാഹന നിർമ്മാതാക്കളായ ടിവിഎസ്.
അടുത്തിടെ ജനപ്രിയ മോഡലുകളായ ടിവിഎസ് അപ്പാച്ചെ RTR 160 4V, RTR 180 4V, ജുപ്പിറ്റർ എന്നിവയുടെ ബിഎസ്-VI പതിപ്പുകൾ കമ്പനി വിപണിയിൽ അവതരിപ്പിച്ചിരുന്നു. ടിവിഎസിന്റെ സ്പോർട് ബൈക്കായ അപ്പാച്ചെ RR310 ആകും അടുത്തതായി ബിഎസ്-VI-ന് അനുസൃതമായി നവീകരിച്ച് എത്തുന്ന മോട്ടോർസൈക്കിൾ.
എന്നാൽ ബിഎസ്-VI RR310-ന് 20 ശതമാനത്തോളം വില വർധിപ്പിക്കുമെന്ന റിപ്പോർട്ടുകളാണ് ഇപ്പോൾ പുറത്തു വരുന്നത്. പരിഷ്ക്കരിച്ച ടിവിഎസ് ശ്രേണിയുടെ വിലകൾ സൂചിപ്പിക്കുന്ന രേഖകൾ ഇന്റർനെറ്റിലൂടെ പുറത്തുവന്നതോടെയാണ് ഈ ചർച്ചകൾ സജീവമായത്.
ടിവിഎസ് അപ്പാച്ചെ RR310-ന്റെ നിലവിലെ ബിഎസ്-IV പതിപ്പിനേക്കാൾ 38,870 രൂപയോളമാണ് പുതിയ പരിഷ്ക്കരിച്ച ബിഎസ്-VI മോഡലിന് ഉണ്ടാകാൻ പോകുന്നത്. പുതിയ മലിനീകരണ മാനദണ്ഡത്തിന് അനുസൃതമായി എഞ്ചിൻ പരിഷ്ക്കരിക്കുമ്പോൾ വാഹനങ്ങൾക്ക് വില വർധിക്കുമെന്ന് പ്രതീക്ഷിച്ചിരുന്നെങ്കിലും 20 ശതമാനത്തോളം വർധനവ് വിചിത്രമാണ്.
പുതുക്കിയ വില 2020 ജനുവരി ഒന്നു മുതൽ പ്രാബല്യത്തിൽ വരുമെന്നാണ് റിപ്പോർട്ടുകൾ. അതിനാൽ അപ്പാച്ചെ RR310 ബിഎസ്-VI പതിപ്പിനെ പുതുവർഷാരംഭത്തിൽ തന്നെ വിപണിയിലെത്തിക്കുമെന്നാണ് കമ്പനി വൃത്തങ്ങൾ സൂചിപ്പിക്കുന്നത്.
ടിവിഎസിന്റെ മറ്റ് മോഡലുകളെ അപേക്ഷിച്ച് അപ്പാച്ചെ ലൈനപ്പിന്റെ വിലയിൽ 15,957 രൂപ മുതൽ 38,870 രൂപ വരെ വില വർധനവ് ഉണ്ടാകുമെന്ന് പുതിയ രേഖകൾ സൂചിപ്പിക്കുന്നു.
ടിവിഎസ് അപ്പാച്ചെ RR310 അതിന്റെ എഞ്ചിൻ ബിഎംഡബ്ല്യുവിൽ നിന്നും കടമെടുക്കുന്നതാണ് കുത്തനെയുള്ള വില വർധനവിന്റെ ഒരു പ്രധാന കാരണം. ഇതിനകം തന്നെ ഇലക്ട്രോണിക് ഫ്യുവൽ ഇഞ്ചക്ഷനുമായാണ് മോട്ടോർസൈക്കിൾ വിപണിയിൽ എത്തുന്നതെന്നും ശ്രദ്ധേയമാണ്.
Most Read: ഓട്ടോ എക്സപോയിൽ പുതിയ രണ്ട് മോഡലുകൾ പുറത്തിറക്കാൻ പിയാജിയോ
നവീകരിച്ച എഞ്ചിൻ മാപ്പിംഗ് മെച്ചപ്പെടുത്തിയ എക്സ്ഹോസ്റ്റ് സിസ്റ്റം, കമ്പഷൻ ചേംബർ എന്നിവയുടെ രൂപത്തിൽ മാറ്റങ്ങൾ വന്നേക്കാം. ഇതിനെക്കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ കമ്പനി വ്യക്തമാക്കുമെന്നാണ് പ്രതീക്ഷിക്കുന്നത്.
313 സിസി സിംഗിൾ സിലിണ്ടർ ലിക്വിഡ്-കൂൾഡ് എഞ്ചിനാണ് ടിവിഎസ് അപ്പാച്ചെ RR310-ന് കരുത്തേകുന്നത്. ഇത് ബിഎംഡബ്ല്യു G310 R, G310 GS മോട്ടോർസൈക്കിളുകളിൽ വാഗ്ദാനം ചെയ്യുന്ന അതേ യൂണിറ്റാണ്. ഫ്യുവൽ ഇഞ്ചക്റ്റഡ് 4V DOHC ബിഎസ്-IV പതിപ്പിൽ 34 bhp കരുത്തും 28 Nm torque ഉം ആണ് ഉത്പാദിപ്പിക്കുന്നത്.
Most Read: ബജാജ് ഡൊമിനാർ 400 സ്പെഷ്യൽ എഡിഷൻ അർജന്റീനയിൽ അവതരിപ്പിച്ചു
എന്നാൽ ബിഎസ്-VI ലേക്ക് പരിഷ്ക്കരിക്കുന്നതോടെ മേട്ടോർസൈക്കിളിന്റെ ഔട്ട്പുട്ടിൽ വ്യത്യാസം വരാൻ സാധ്യതയുണ്ട്. സ്ലിപ്പർ ക്ലച്ച് വഴി 6 സ്പീഡ് ഗിയർബോക്സിലേക്കാണ് മോട്ടോർ ജോടിയാക്കിയിരിക്കുന്നത്.
ഉപകരണങ്ങളുടെ കാര്യത്തിൽ, ടിവിഎസ് അപ്പാച്ചെ 310-ൽ പ്രൊജക്ടർ ഹെഡ്ലൈറ്റുകള്, എൽഇഡി ടെയിൽ ലൈറ്റുകൾ, പൂർണ്ണ ഡിജിറ്റൽ ഇൻസ്ട്രുമെന്റ് കൺസോൾ, ഡ്യുവൽ-ചാനൽ എബിഎസ്, ട്രെല്ലിസ് ഫ്രെയിം, ഇൻവേർട്ടഡ് ടെലിസ്കോപ്പിക് ഫ്രണ്ട് ഫോർക്ക്, മോണോഷോക്ക് റിയർ സസ്പെൻഷൻ എന്നിവ സജ്ജീകരിച്ചിരിക്കുന്നു.
നിലവിൽ 2.98 ലക്ഷം രൂപയാണ് ബൈക്കിന്റെ ഓൺ റോഡ് വില. എന്നാൽ ബിഎസ്-VI-ലേക്ക് നവീകരിക്കുന്നതോടെ ടിവിഎസ് അപ്പാച്ചെ RR310-ന് 20 ശതമാനത്തോളം വില ഉയരും. കെടിഎം RC 390-യാണ് മോഡലിന്റെ പ്രധാന വിപണിയി എതിരാളി.
ഇടത്തരം ഡിസ്പ്ലേസ്മെന്റ് മോട്ടോർസൈക്കിളുകളുടെ വിലയിൽ പെട്ടെന്നുള്ളതും കുത്തനെയുള്ളതുമായ വില വർധനവ് ഈ വിഭാഗത്തിന്റെ വളർച്ചാ നിരക്കിനെ കാര്യമായി ബാധിക്കുമെന്നാണ് പ്രതീക്ഷിക്കുന്നത്.