Just In
- 23 min ago കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 2 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 4 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 5 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
Don't Miss
- Movies ചില ദിവസങ്ങളിൽ അദ്ദേഹം മറ്റൊരു മുറിയിൽ; ഞാനത് പൂർണമായും മനസിലാക്കുന്നു; ഭർത്താവിനെക്കുറിച്ച് വിദ്യ
- News 'തെക്ക് കിഴക്ക് നടന്നു എന്നല്ലാതെ പൗരത്വ ബില്ലിനെ കുറിച്ച് രാഹുൽ ഗാന്ധി ഒന്നും പറഞ്ഞിട്ടില്ല'; എംവി ഗോവിന്ദൻ
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
10,000 യൂണിറ്റ് വിൽപ്പനയുമായി ഹീറോ എക്സ്പൾസ് 200 മോഡലുകൾ
10,000 യൂണിറ്റുകളെന്ന നാഴികക്കല്ല് പിന്നിട്ട് ഹീറോ മോട്ടോകോർപ്പിന്റെ പ്രാരംഭ അഡ്വഞ്ചര് ടൂറർ മോട്ടോർ സൈക്കിളുകളായ എക്സ്പൾസ് 200 മോഡലുകൾ. 2019 മെയ് മാസത്തിൽ വിപണിയിലെത്തിയ എക്സ്പൾസ് 200 ബൈക്കുകൾ കമ്പനിയുടെ ഏറ്റവും മികച്ച വിൽപ്പനയുള്ള 200 സിസി മോട്ടോർസൈക്കിളുകളായി മാറുകയും ചെയ്തു.
നേരത്തെ വിപണിയിലുണ്ടായിരുന്ന ഇംപള്സിന്റെ പിന്ഗാമിയായാണ് പുതിയ എക്സ്പള്സ് ബൈക്കുകളെ ഹീറോ ഇന്ത്യയില് അവതരിപ്പിച്ചത്. കമ്പനിയുടെ മറ്റ് 200 സിസി മോട്ടോർ സൈക്കിളുകളായ എക്സ്ട്രീം 200 R, 200 S എന്നിവയുടെ വിൽപ്പന വെറും 3500 യൂണിറ്റുകൾ മാത്രമാണ്.
റോഡ് അധിഷ്ഠിത മോട്ടോർസൈക്കിളാണ് ഹീറോ എക്സ്പൾസ് 200. ഇതിന്റെ കാബ്യൂറേറ്റഡ് വകഭേദത്തിന് 97,000 രൂപയും ഫ്യുവൽ ഇഞ്ചക്ഷൻ മോഡലിന് 1.05 ലക്ഷം രൂപയുമാണ് എക്സ്ഷോറൂം വില. ഹീറോ എക്സ്പൾസ് 200 T ഒരു ടൂറിംഗ് ബൈക്കാണ്. കാർബ്യൂറേറ്റഡ് പതിപ്പിൽ മാത്രമാണ് ഈ മോഡലിൽ കമ്പനി വാഗ്ദാനം ചെയ്യുന്നത്. 94,000 രൂപയാണ് 200 T-യുടെ വില.
ഈ രണ്ട് മോഡലുകളും രാജ്യത്തെ എൻട്രി ലെവൽ ഓഫ് റോഡ് സെഗ്മെന്റിലെ ഏറ്റവും താങ്ങാവുന്ന മോഡലുകളാണ്. ഹീറോ സെന്റർ ഓഫ് ഇന്നൊവേഷൻ ആൻഡ് ടെക്നോളജിയിൽ (CIT) രൂപകൽപ്പന ചെയ്ത് വികസിപ്പിച്ചെടുത്തവയാണ് ഈ രണ്ട് പ്രീമിയം മോട്ടോർ സൈക്കിളുകളും.
ഈ ഉത്സവ കാലയളവിൽ ഹീറോ അവരുടെ മറ്റെല്ലാ ഉൽപ്പന്നങ്ങളിലും മികച്ച കിഴിവുകളും ഓഫറുകളും വാഗ്ദാനം ചെയ്യുമ്പോൾ കിഴിവുകളോ മറ്റ് ആനുകൂല്യങ്ങളോ വാഗ്ദാനം ചെയ്യാത്ത മോഡലുകളാണ് ഹീറോ എക്സ്പൾസ് ബൈക്കുകൾ.
ഒരേ 200 സിസി ഫ്യുവൽ ഇഞ്ചക്റ്റഡ് എയർ കൂൾഡ് എഞ്ചിനാണ് ഹീറോ എക്സ്പൾസ് 200, 200 T എന്നിവയ്ക്ക് കരുത്തേകുന്നത്. ഇത് 8,000 rpm-ൽ 18.4 bhp കരുത്തും 6,500 rpm-ൽ 17.1 Nm torque ഉം ഉത്പാദിപ്പിക്കും. ആറ് സ്പീഡ് ഗിയർബോക്സുമായാണ് എഞ്ചിൻ ഘടിപ്പിച്ചിരിക്കുന്നത്.
എക്സ്പൾസ് 200 T-യിൽ കാണുന്ന താഴ്ന്ന എക്സ്ഹോസ്റ്റ് സെറ്റുമായി താരതമ്യപ്പെടുത്തുമ്പോൾ എക്സ്പൾസ് 200 ന് ഉയർന്ന എക്സോസ്റ്റ് ലഭിക്കുന്നു. സ്മാർട്ട്ഫോൺ കണക്റ്റിവിറ്റിയുള്ള ഡിജിറ്റൽ ഇൻസ്ട്രുമെന്റ് കൺസോളും ടേൺ ബൈ ടേൺ നാവിഗേഷനും എൽഇഡി ഹെഡ്, ടെയിൽ ലാമ്പുകളും രണ്ട് മോഡലുകളിലും ഉൾപ്പെടുന്നു.
Most Read: ബെനലി ഇംപെരിയാലെ 400; അറിഞ്ഞിരിക്കേണ്ട അഞ്ച് കാര്യങ്ങൾ
സിയറ്റ് ഗ്രിപ്പ് ടയറുകളാണ് എക്സ്പള്സ് 200 -ല് ഉൾപ്പെടുത്തിയിരിക്കുന്നത്. ഉയര്ന്ന മുന് മഡ്ഗാര്ഡ്, സമ്പ് ഗാര്ഡ്, നക്കിള് ഗാര്ഡ് തുടങ്ങിയ ഘടകങ്ങള് ബൈക്കിന്റെ അഡ്വഞ്ചര് പരിവേഷത്തെ ഉയർത്തിപ്പിടിക്കും. ഹീറോ എക്സ്പള്സ് 200T -യിലും ചിത്രം ഏറെക്കുറെ സമാനമാണ്. എന്നാല് സ്പോക്ക് വീലുകള്ക്ക് പകരം 17 ഇഞ്ച് അലോയ് വീലുകളാണ് ഇതിൽ വാഗ്ദാനം ചെയ്യുന്നത്.
Most Read: ട്രിപ്പിൾ റൈഡിംഗിന് ഓസ്ട്രേലിയയിൽ 66,000 രൂപ പിഴയടച്ച് ഇന്ത്യൻ റൈഡർ
പരമ്പരാഗത ടെലിസ്കോപ്പിക് ഫ്രണ്ട് ഫോർക്കുകളും 7 സ്റ്റെപ്പ് അഡ്ജസ്റ്റബിൾ മോണോഷോക്കും ആണ് സസ്പെൻഷൻ കൈകാര്യം ചെയ്യുന്നത്. 276 mm ഫ്രണ്ട്, 220 mm റിയർ പെറ്റൽ ടൈപ്പ് ഡിസ്ക് ബ്രേക്കുകളും വാഗ്ദാനം ചെയ്യുന്നു. ഒറ്റ ചാനല് എബിഎസാണ് ഇരു ബൈക്കുകളിലും സുരക്ഷ ഉറപ്പുവരുത്തുക.
Most Read: തണ്ടർബേർഡിന്റെ ബേസ് പതിപ്പ് വിപണിയിലെത്തിക്കാൻ റോയൽ എൻഫീൽഡ്
കാൻഡി ബ്ലേസിംഗ് റെഡ്, ബ്ലാക്ക്, മാറ്റ് ഷീൽഡ് ഗോൾഡ്, മാറ്റ് ആക്സിസ് ഗ്രേ എന്നിവയാണ് എക്സ്പൾസ് 200 T-യിലെ കളർ ഓപ്ഷനുകൾ. ഹീറോ എക്സ്പൾസ് 200 സ്പോർട്സ് റെഡ്, ബ്ലാക്ക് നിറങ്ങളിലും അവതരിപ്പിച്ചിരിക്കുന്നു.