Just In
- 30 min ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 1 hr ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 2 hrs ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 2 hrs ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
Don't Miss
- Sports IPL 2024: കണക്കുവീട്ടാന് സിഎസ്കെ, ജയം തുടരാന് ലഖ്നൗ- ടോസ് 7 മണിക്ക്
- Lifestyle 18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത്
- Finance 1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ
- News കോൺഗ്രസ് ഭരണത്തിൽ ഹനുമാൻ ചാലിസ കേൾക്കുന്നത് പോലും കുറ്റകരം; വിദ്വേഷ പരാമർശം ആവർത്തിച്ച് മോദി
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
എക്സ്ട്രീം 1.R കണ്സെപ്റ്റ് മോഡലിനെ അവതരിപ്പിച്ച് ഹീറോ
എക്സ്ട്രീം 200R -ന്റെ പുതുതലമുറ കണ്സെപ്റ്റ് മോഡലിനെ അവതരിപ്പിച്ച് ഇരുചക്രവാഹന നിര്മ്മാതാക്കളായ ഹീറോ. ഇറ്റലിയിലെ മിലാനില് നടക്കുന്ന 2019 EICMA മോട്ടോര്സൈക്കിള് ഷോയിലാണ് കണ്സെപ്റ്റ് മോഡലിനെ കമ്പനി അവതരിപ്പിച്ചത്.
ഹീറോഎക്സ്ട്രീം 1.R എന്ന് പേരിട്ടിരിക്കുന്ന കണ്സെപ്റ്റ് മോഡല് നിലവില് വിപണിയില് ഉള്ള എക്സ്ട്രീം മോഡലില് നിന്നും വ്യത്യസ്തമായ ഡിസൈനാണ് നല്കിയിരിക്കുന്നത്. യുവതലമുറയെ ആകര്ഷിക്കുന്ന അഗ്രസീവ് ഡിസൈനാണ് വാഹനത്തിന്റെ പ്രധാന സവിശേഷത.
അഗ്രസീവ് ബോഡി ലൈനുകള്, വലിപ്പമുള്ള R സ്റ്റിക്കറോടുകൂടിയ വലിയ പെട്രോള് ടാങ്ക്, ഡ്യുവല് ടോണ് കളര് എന്നിവ ബൈക്കിന്റെ സവിശേഷതകളാണ്. സ്പോര്ട്ടി എല്ഇഡി ഹെഡ് ലാമ്പ്, സ്പോര്ട്സ് ബൈക്കുകളെപോലെ മുന്ഭാഗത്ത് കൂടുതല് ബോഡി പാനലുകളും പിന്നിലേക്ക് വരുമ്പോള് ബോഡി പാനലുകള് കുറഞ്ഞു വരുന്നതും കാണാം.
പിന്നിലെ ഉയര്ന്നു നില്ക്കുന്ന കൗളിന് അടിയില് എല്ഇഡി റെയില് ലാമ്പും ഒരു ചെറിയ ഗോപ്രൊ ക്യാമറയും കമ്പനി നല്കിയിരിക്കുന്നത് കാണാം. സ്പോര്ട് ബൈക്കുകളുടേതുപോലുള്ള സീറ്റും വാഹനത്തിന്റെ സവിശേഷതയാണ്.
ഹെഡ് ലാമ്പ്, ടെയില് ലാമ്പ്, ക്ലച്ച് ലിവറുകള്, എന്ജിന് കൗള്, ടയറുകള് എന്നിവിടങ്ങളില് ചുവപ്പു നിറത്തില് അലങ്കരിച്ചിരിക്കുന്നത് കാണാം. വലിപ്പമുള്ള മുന്നിലെ ഫോര്ക്കുകള്, മുന്ചക്രത്തില് വലതു വശത്തായി ഡിസൈന് ചെയ്തിരിക്കുന്ന വലിയ ഡിസ്ക് ബ്രെക്ക്, സ്ലിക്ക് ടയറുകള് എന്നിവയെല്ലാം പുതിയ കണ്സെപ്റ്റ് മോഡലിന്റെ സവിശേഷതയാണ്.
അതേസമയം ബൈക്കിന്റെ എഞ്ചിന് സംബന്ധമായ കാര്യങ്ങളോ, മറ്റ് സവിശേഷതകളോ ഒന്നും തന്നെ ഹീറോ വെളിപ്പെടുത്തിയിട്ടില്ല. നിലവില് വിപണിയില് ഉള്ള ബൈക്കിന്റെ പ്ലാറ്റ്ഫോമില് തന്നെയാകും പുതിയ ബൈക്കും വിപണിയില് എത്തുക.
വലിയൊരു ബൈക്കായി തോന്നുമെങ്കിലും 140 കിലോഗ്രാമില് താഴെ മാത്രമായിരിക്കും വാഹനത്തിന്റെ ഭാരം എന്നും കമ്പനി അവകാശപ്പെട്ടു. കണ്സെപ്റ്റ് മോഡലില് നിന്നും മാറി യഥാര്ത്ഥ ബൈക്ക് ഡിസൈനിലേക്ക് വരുമ്പോള് ഇവയില് ഇത്തരം സവിശേഷതകള് കമ്പനി ഉള്പ്പെടുത്തുമോ എന്ന് വ്യക്തമല്ല.
Most Read: ആറുമാസമായി വില്പ്പനയില്ലാതെ ഹീറോ കരിസ്മ
ലിക്വിഡ് കൂള്ഡ് അല്ലെങ്കില് ഓയില് കൂള്ഡ് പെര്ഫോമന്സ് സ്വഭാവമുള്ള എന്ജിനാവും എക്സ്ട്രീം 1.R -ല് കമ്പനി നല്കുക. ഇപ്പോഴുള്ള 200സിസി എക്സ് പ്ലാറ്റ്ഫോമില് എക്സ്ട്രീം 200R, എക്സ്ട്രീം 200S, എക്സ്പള്സ് 200, എക്സ്പള്സ് 200T എന്നിങ്ങനെ നാലു ബൈക്കുകളാണ് ഹീറോ വില്ക്കുന്നത്.
Most Read: ഇന്ത്യയില് ലഭ്യമായ മികച്ച ഇലക്ട്രിക്ക്-ഹൈബ്രിഡ് കാറുകള്
ഹീറോയുടെ പ്രാരംഭ അഡ്വഞ്ചര് ടൂറര് മോട്ടോര് സൈക്കിളായ എക്സ്പള്സ് 200 അടുത്തിടെയാണ് 10,000 യൂണിറ്റുകളെന്ന നാഴികക്കല്ല് പിന്നിട്ടത്. 2019 മെയ് മാസത്തില് വിപണിയിലെത്തിയ എക്സ്പള്സ് 200 ബൈക്കുകള് കമ്പനിയുടെ ഏറ്റവും മികച്ച വില്പ്പനയുള്ള 200 സിസി മോട്ടോര്സൈക്കിളുകളായി മാറുകയും ചെയ്തു.
Most Read: ഒരു ലക്ഷം യൂണിറ്റ് വിൽപ്പന പിന്നിട്ട് സുസുക്കി ബർഗ്മാൻ സ്ട്രീറ്റ് 125
റോഡ് അധിഷ്ഠിത മോട്ടോര്സൈക്കിളാണ് ഹീറോ എക്സ്പള്സ് 200. ഇതിന്റെ കാബ്യൂറേറ്റഡ് വകഭേദത്തിന് 97,000 രൂപയും ഫ്യുവല് ഇഞ്ചക്ഷന് മോഡലിന് 1.05 ലക്ഷം രൂപയുമാണ് എക്സ്ഷോറൂം വില. നേരത്തെ വിപണിയിലുണ്ടായിരുന്ന ഇംപള്സിന്റെ പിന്ഗാമിയായാണ് പുതിയ എക്സ്പള്സ് ബൈക്കുകള്.