Just In
- 6 min ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 19 min ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 41 min ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
- 2 hrs ago ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
Don't Miss
- Lifestyle എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട്
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Sports T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര്
- Movies ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഈ വര്ഷത്തേക്കുള്ള മുഴുവന് ബൈക്കുകളും കേരളത്തില് വിറ്റ് തീര്ത്ത് ജാവ
ഇന്ത്യന് ബൈക്ക് പ്രേമികള് ആഘോഷമാക്കിയ ഒരു വാര്ത്തയാണ് ജാവ ബൈക്കുകള് വിപണിയിലേക്ക് തിരിച്ച് വരുന്നു എന്നത്. ഈ വാര്ത്തയെ ഇരു കൈയ്യും നീട്ടിയാണ് ഇന്ത്യക്കാര് സ്വീകരിച്ചത്. വിപണിയിലെത്തുന്നതിന് മുമ്പ് ബുക്കിംഗുകള് നിര്ത്തി വയ്ക്കേണ്ടി വരികയെന്നാല് ജാവ എന്ന ബ്രാന്ഡിനെ അത്രത്തോളം ആളുകള് ഇഷ്ടപ്പെടുന്നു എന്നതിന് തെളിവാണത്. കേരളത്തിലും വ്യത്യസ്തമല്ല കാര്യങ്ങള്.
ഏറ്റവും പുതിയ റിപ്പോര്ട്ടുകള് അനുസരിച്ച് കേരളത്തില് ജാവ ബൈക്കുകളുടെ ബുക്കിംഗ് നിര്ത്തി വയ്ക്കാനുള്ള തീരുമാനത്തിലാണ് കമ്പനിയിപ്പോള്. ജാവ മോട്ടോര്സൈക്കിള്സിനെ സംബന്ധിച്ചിടത്തോളം രാജ്യത്തെ മികച്ച വിപണികളിലൊന്നാണ് കേരളം.
ജാവ ബൈക്കുകള് തിരിച്ച് വരുന്നു എന്ന വാര്ത്ത വന്നതു മുതല് നാളിതുവരെയും മികച്ച പ്രതികരണമാണ് ഉപഭോക്താക്കളില് നിന്നും കമ്പനിയ്ക്ക് ലഭിക്കുന്നത്. ബുക്കിംഗില് വന് വര്ധന ഉണ്ടായത് കാരണം കൊണ്ട് 2019 സെപ്തംബര് വരെയുള്ള ബുക്കിംഗ് നിര്ത്തി വച്ചിരിക്കുകയാണ് കമ്പനി.
Most Read:ടാറ്റ ഹാരിയറിനും H7X എസ്യുവിക്കും പുതിയ പെട്രോള് എഞ്ചിന്, വിവരങ്ങള് പുറത്ത്
ഈ വര്ഷത്തേക്കുള്ള മുഴുവന് ബൈക്കുകളും വിറ്റു തിര്ന്നു എന്നാണ് കമ്പനി പറയുന്നത്.
' കേരളത്തിലെ ഉപഭോക്താക്കളില് നിന്നും മികച്ച പ്രതികരണങ്ങളാണ് ഞങ്ങള്ക്ക് ലഭിക്കുന്നത്. 23-29 പ്രായപരിധിയിലുള്ളവരാണ് ബൈക്കുകള് ബുക്ക് ചെയ്തവരിലേറെയും.
മാത്രമല്ല എറ്റഴും കൂടുതല് ബുക്കിംഗുകള് ലഭിച്ചിരിക്കുന്നത് കോഴിക്കോട്, കൊച്ചി നഗരങ്ങളില് നിന്നാണ്. നിലവില് ലഭിച്ച ഓര്ഡറുകള് പൂര്ത്തിയാക്കുന്ന തിരക്കിലാണ് ഞങ്ങള് ഇപ്പോള്.' ക്ലാസിക്ക് ലെജന്ഡ് സഹസ്ഥാപകന് അനുപം ഥരേജ പറയുന്നു.
കൊച്ചിയിലെ ജാവ ഡീലര്ഷിപ്പ് ഉദ്ഘാടനത്തിടെ മാധ്യമങ്ങളോട് സംസാരിക്കുകയായിരുന്നു അദ്ദേഹം. കഴിഞ്ഞ വര്ഷമാണ് ജാവ, ജാവ ഫോര്ടി ടു എന്നീ ബൈക്കുകള് കമ്പനി വിപണിയിലെത്തിച്ചത്.
ദില്ലി എക്സ്ഷോറൂം കണക്കനുസരിച്ച് ജാവ ബൈക്കിന് 1.64 ലക്ഷം രൂപയും ജാവ ഫോര്ടി ടു ബൈക്കിന് 1.55 ലക്ഷം രൂപയുമാണ് വില. ഉപഭോക്താക്കളില് നിന്നുമുള്ള ഡിമാന്ഡ് വര്ധിച്ചതിനാല് ഇരട്ട ചാനല് എബിഎസോട് കൂടിയ ജാവ, ജാവ ഫോര്ടി ടു ബൈക്കുകളും കമ്പനി പിന്നീട് അവതരിപ്പിച്ചു.
ഉപഭോക്താക്കള് ഓര്ഡര് ചെയ്ത ഒറ്റ ചാനല് എബിഎസ് ബൈക്കില് നിന്നും ഇരട്ട ചാനല് എബിഎസിലേക്ക് ഓര്ഡര് മാറ്റാനുള്ള സൗകര്യവും ജാവ അടുത്തിടെ ഒരുക്കിയിരുന്നു. ഇരട്ട ചാനല് എബിഎസ് വരുമ്പോള് ജാവയ്ക്ക് 1.73 ലക്ഷം രൂപയും ഫോര്ടി ടുവിന് 1.64 ലക്ഷം രൂപയുമാവും വില. 2019 മാര്ച്ച് തൊട്ട് ബൈക്കുകള് ഡെലിവറി നടത്തുമെന്നാണ് ജാവ അറിയിച്ചിരുന്നത്.
എന്നാല് ഇരട്ട ചാനല് എബിഎസ് ബൈക്കുകള് ഓര്ഡര് ചെയ്തവര് ജൂണ് വരെ കാത്തിരിക്കേണ്ടി വരും. 293 സിസി ശേഷിയുള്ള ഒറ്റ സിലിണ്ടര് ലിക്വിഡ് കൂളിംഗ് എഞ്ചിനാണ് ജാവയുടെ ഇരു ബൈക്കുകളിലും ഉള്ളത്. ഇത് 27 bhp കരുത്തും 28 Nm torque ഉം പരമാവധി സൃഷ്ടിക്കും.
ഉടന് തന്നെ പ്രാബല്യത്തില് വരാനിരിക്കുന്ന ഭാരത് സ്റ്റേജ് VI (BS VI) മാര്ഗനിര്ദ്ദേശങ്ങള് പാലിച്ചായിരിക്കും എഞ്ചിന് ഉണ്ടാവുക. ബൈക്ക് പ്രേമികള് ആകാംക്ഷയോടെ കാത്തിരിക്കുന്ന മറ്റൊരു ജാവ ബൈക്കാണ് പെറാക്ക്.
Most Read:ഇനിയില്ല ജിപ്സി, ഐതിഹാസിക എസ്യുവിയെ മാരുതി പിന്വലിച്ചു
334 സിസി ശേഷിയുള്ള ലിക്വിഡ് കൂളിംഗ് എഞ്ചിനുള്ള പെറാക്ക്, ബോബര് ഗണത്തില് പെടുന്നതാണ്. 30 bhp കരുത്തും 31 Nm torque ഉം സൃഷ്ടിക്കാന് കഴിവുള്ളതായിരിക്കും എഞ്ചിന്. 1.89 ലക്ഷം രൂപയാണ് ജാവ പെറാക്കിന്റെ എക്സ്ഷോറൂം വില.
ജൂണ് - ജൂലൈ മാസങ്ങളില് പെറാക്ക് വില്പ്പനയ്ക്കെത്തുമെന്ന് കമ്പനി ആദ്യം അറിയിച്ചിരുന്നെങ്കിലും മറ്റ് രണ്ട് മോഡലുകളുടെ ഡിമാന്ഡില് വന് വര്ധനവുണ്ടായപ്പോള് പെറാക്ക് വില്പ്പനയ്ക്കെത്തിക്കുന്നത് അല്പ്പമൊന്ന് ദീര്ഘിപ്പിക്കുകയായിരുന്ന ജാവ. ഏതായാലും 2019 അവസാനത്തോടെ തന്നെ ജാവ പെറാക്ക് വിപണിയിലെത്തുമെന്നാണ് പ്രതീക്ഷിക്കുന്നത്.