Just In
- 6 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 8 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 9 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 9 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ക്ലാസിക് ലുക്കുമായി കവാസാക്കി W800 സ്ട്രീറ്റ് വിപണിയില്
ക്ലാസിക് ലുക്കുള്ള ബൈക്കുകള്ക്ക് എന്നും വിപണിയില് മികച്ച പ്രതികരണമാണ് ലഭിക്കുന്നത്. ഇന്ത്യയിലെ പ്രീമിയം മോട്ടോര് സൈക്കിള് വിഭാഗത്തില് സാന്നിധ്യം ശക്തമാക്കാന് ജാപ്പനീസ് നിര്മ്മാതാക്കളായ കവാസാക്കി പുതിയ മോഡലിനെ വിപണിയില് എത്തിച്ചു. W800 സ്ട്രീറ്റ് എന്ന് പേരിട്ടിരിക്കുന്ന മോഡലിന് ഇന്ത്യന് വിപണിയില് 8 ലക്ഷം രൂപയാണ് വില. കഴിഞ്ഞ വര്ഷം തന്നെ തിരഞ്ഞെടുത്ത ചില കവാസാക്കി ഡീലര്ഷിപ്പുകളില് ബൈക്ക് കമ്പനി പ്രദര്ശിപ്പിച്ചിരുന്നു.
2011 മുതല് രാജ്യാന്തര വിപണിയിലുള്ള മോഡലുകളാണ് W800 ബൈക്കുകള്. ഇതിന്റെ W800 സ്ട്രീറ്റ് എന്ന പതിപ്പിനെയാണ് കവസാക്കി ഇന്ത്യയിലെത്തിച്ചിരിക്കുന്നത്. ഒറ്റ കളറില് മാത്രമേ ഈ മോഡല് വിപണിയില് ലഭ്യമാകുകയുള്ളു. കഴിഞ്ഞ ഒക്ടോബറില് തന്നെ മോഡലിനെ ഇന്ത്യയിലെത്തിച്ച് പരീക്ഷണയോട്ടങ്ങള് ആരംഭിച്ചതായും റിപ്പോര്ട്ടുകളുണ്ടായിരുന്നു. 1967 മുതല് 1975 വരെ കവസാക്കി പുറത്തിറക്കിയ W സീരിസ് ബൈക്കുകളില് നിന്നു പ്രചോദനം ഉള്ക്കൊണ്ടാണ് W800 നിര്മിച്ചിരിക്കുന്നത്.
നിരവധി ഫീച്ചറുകള് വാഹനത്തില് ഉള്പ്പെടുത്തിയിട്ടുണ്ട്. വൃത്താകൃതിയിലുള്ള ഹെഡ്ലാമ്പില് എല്ഈഡി നല്കിയിരുക്കുന്നു. മുന്നില് 320mm വലിയ ഡിസ്ക് ബ്രേക്കും, പിന്നില് 270mm ഡിസ്ക് ബ്രേക്കും കമ്പനി വാഹനത്തില് ഉള്പ്പെടുത്തിയിട്ടുണ്ട്. സുരക്ഷക്കായി അന്റി-ലോക്ക് ബ്രേക്കിങ് (എബിഎസ്) സംവിധാനവും നല്കിയിരിക്കുന്നു.
കരുത്തില് ബുള്ളറ്റിനെക്കാള് ബൈക്ക് ശക്തനെന്നാണ് കമ്പനിയുടെ അവകാശവാദം. 773 സിസി വെര്ട്ടിക്കല് ട്വിന് എയര്കൂള്ഡ് എന്ജിനാണ് വാഹനത്തിന്റെ കരുത്ത്. 6,500rpm -ല് 48bhp കരുത്തും, 2,500rpm-ല് 60Nm torque ഉം സൃഷ്ടിക്കും. അഞ്ച് സ്പീഡാണ് ഗിയര്ബോക്സ്.
14 ലിറ്ററാണ് ഫ്യൂവല് ടാങ്ക് കപ്പാസിറ്റി. പൂര്ണമായും വിദേശത്ത് നിര്മ്മിച്ച് ഇറക്കുന്നതിനാല് മോഡലിന് വില ബുള്ളറ്റിനെക്കാള് ഇരട്ടിയാണ്. 2190mm നീളവും 790mm വീതിയും 1075mm ഉയരവും 1465mm വീല്ബേസും 125mm ഗ്രൗണ്ട് ക്ലിയറന്സും ബൈക്കിനുണ്ട്.
ഇന്തോനേഷ്യയടക്കം നിരവധി സൗത്ത് ഏഷ്യന് രാജ്യങ്ങളില് നിര്മാണം അവസാനിപ്പിച്ച്, വന് വിപണി ലക്ഷ്യമിട്ടാണ് കാവസാക്കി W800 മോഡലിനെ ഇന്ത്യന് നിരത്തിലെത്തിക്കുന്നത്. 2017 മുതല് ഇന്ത്യന് വിതരണക്കാരായ ബജാജ് ഓട്ടോയുമായുള്ള ബന്ധം കവസാക്കി അവസാനിപ്പിച്ചിരുന്നു. മുന്തിയ ബൈക്കുകളുടെ വില്പ്പന ഇന്ത്യയില് ഗണ്യമായി ഉയരുമെന്നാണ് കവസാക്കി മോട്ടോഴ്സിന്റെ പ്രതീക്ഷ.
വിപണിയില് പ്രീമിയം ബൈക്കുകള്ക്കുള്ള പ്രിയം ഏറുമെന്നാണ് കവസാക്കി ഇന്ത്യ മാനേജിങ് ഡയറക്ടര് തുതാക യമാഷിത വ്യക്തമാക്കിയത്. 800 സിസിക്ക് താഴെയുള്ള കവസാക്കി ബൈക്കുകള് നിലവില് ഇന്ത്യയിലാണ് അസംബിള് ചെയ്യുന്നത്. അധികം വൈകാതെ പുതിയ മോഡലുകളും ഇവിടെ തന്നെ അസംബിള് ചെയ്യാനാകുമെന്നും അദ്ദേഹം പറഞ്ഞു.
ദീര്ഘദൂര യാത്രികരായ യുവാക്കളെ ലക്ഷ്യം വെച്ച് തന്നെയാണ് മോഡലിനെ വിപണിയില് അവതരിപ്പിച്ചിരിക്കുന്നത്. ബുള്ളറ്റിനൊപ്പം തന്നെ ട്രയംഫ് ബോണ്വില്ല സ്ട്രീറ്റ്, ഡ്യുക്കാട്ടി സ്ക്രാബ്ളര് മോഡലുകളാണ് കവസാക്കി W800 സ്ട്രീറ്റിന്റെ നിരത്തിലെ എതിരാളികള്.
അടുത്തിടെയാണ് 2019 കവാസാക്കി വേര്സിസ് 1000 -നെ കമ്പനി വിപണിയില് അവതരിപ്പിച്ചത്. 10.69 ലക്ഷം രൂപയാണ് നവീകരിച്ച വേര്സിസ് 1000 -ന് വില. കറുപ്പും വെളുപ്പും ഇടകലര്ന്ന ഒരൊറ്റ നിറപ്പതിപ്പ് മാത്രമെ ബൈക്കിലുള്ളൂ. വിദേശനിര്മ്മിത ഘടകങ്ങള് ഇറക്കുമതി ചെയ്ത് സംയോജിപ്പിച്ചാണ് മോഡലിനെ കവാസാക്കി വിപണിയില് കൊണ്ടുവരുന്നത്. നിലവില് ഇന്ത്യയിലെ ഏറ്റവും വില കുറഞ്ഞ അഡ്വഞ്ചര് ടൂററെന്ന വിശേഷണം കവാസാക്കി വേര്സിസ് 1000 -നുണ്ട്.