Just In
- 54 min ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 1 hr ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 4 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 17 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
Don't Miss
- News 92 കാരി വോട്ട് ചെയ്യുന്നതിനിടെ ഇടപെട്ടു; സിപിഎം ബ്രാഞ്ച് സെക്രട്ടറിക്കെതിര കള്ളവോട്ട് പരാതി
- Movies വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Lifestyle വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
കവസാക്കി സൂപ്പർചാർജ്ഡ് റോഡ്സ്റ്റർ Z H2; പുതിയ ടീസർ വീഡിയോ
കവസാക്കിയുടെ വരാനിരിക്കുന്ന സൂപ്പർചാർജ്ഡ് റോഡ്സ്റ്ററിന്റെ പേര് വെളിപ്പെടുത്തുന്ന ഏറ്റവും പുതിയ ടീസർ വീഡിയോ പുറത്തിറങ്ങി. Z H2 എന്നാണ് മോഡലിന് കമ്പനി നൽകിയിരിക്കുന്ന പേര്.
കവസാക്കി Z H2-ന്റെ വിവിധ സ്റ്റൈലിംഗ് ഘടകങ്ങളും ടീസർ വീഡിയോ വെളിപ്പെടുത്തുന്നു. കവസാക്കി Z1000 ന് സമാനമാണ് വരാനിരിക്കുന്ന സൂപ്പർചാർജ്ഡ് റോഡ്സ്റ്ററിന്റെ രൂപകൽപ്പന.
നിഞ്ച H2 ൽ നിന്ന് വ്യത്യസ്തമായി ഒരു പില്യൺ സീറ്റിനൊപ്പമാണ് Z H2 എത്തുന്നത്. Z1000 ൽ നിന്ന് വളരെ വ്യത്യസ്തമായ സ്പ്ലിറ്റ്-സ്റ്റൈൽ, സ്റ്റെപ്പ്-അപ്പ് ഡിസൈനുമാണ് മോഡലിന് നൽകിയിരിക്കുന്നത്.
വരാനിരിക്കുന്ന Z H2- ൽ "Z" ആകൃതിയിലുള്ള ടെയിൽലൈറ്റാണ് ഉൾപ്പെടുത്തിയിരിക്കുന്നത്. പുതിയ വീഡിയോ ദൃശ്യങ്ങളിലൂടെ ഹെഡ് ലൈറ്റിനെക്കുറിച്ച് ഒരു ധാരണ നൽകുകയും മുൻവശത്തെ ഫ്ലൈ സ്ക്രീൻ സജ്ജീകരണം വെളിപ്പെടുത്തുകയും ചെയ്യുന്നു.
ഇതിനു മുമ്പ് പുറത്തിറങ്ങിയ ആദ്യ ടീസർ വീഡിയോയിൽ കവസാക്കി റിവർ മാർക്ക് ചിഹ്നത്തിൽ ഇരട്ട-പോഡ്, എൽഇഡി ഹെഡ് ലൈറ്റും വ്യക്തമാക്കിയിരുന്നു. പുതിയ Z H2 നുള്ള പൂർണ്ണ ഡിജിറ്റൽ ഇൻസ്ട്രുമെന്റ് കൺസോളും വ്യക്തമായിരുന്നു. ഔദ്യോഗിക പ്രഖ്യാപനങ്ങളൊന്നും വന്നിട്ടില്ലെങ്കിലും സൂപ്പർചാർജ് ചെയ്ത മോഡലിൽ ബ്ലൂടൂത്ത് സംവിധാനം കാണുമെന്നാണ് പ്രതീക്ഷ.
നേക്കഡ് റോഡ്സ്റ്ററിന്റെ സ്റ്റീൽ ട്രെല്ലിസ് ഫ്രെയിം നിഞ്ച H2-വുമായി പങ്കിടും. എന്നിരുന്നാലും, Z H2-ന്റെ ഉപ ഫ്രെയിം ചെറുതായി മാറ്റിയേക്കാം. നിഞ്ച H2-ലെ അതേ ഗ്രീൻ പെയിന്റ് സ്കീം ചാസിയിൽ ഉണ്ടായിരിക്കുമെന്ന് ഉറപ്പാണ്. അതോടൊപ്പം സെൽഫ്-ഹീലിംഗ് ഫീച്ചറും ഉണ്ടാകും.
നിഞ്ച H2-ന്റെ അതേ 998 സിസി ഇൻ-ലൈൻ നാല് സിലിണ്ടർ, ലിക്വിഡ് കൂൾഡ്, 16-വാൽവ്, ഒറ്റ സൂപ്പർചാർജറുള്ള DOHC എഞ്ചിനാകും പുതിയ മോഡലിലും കവസാക്കി അവതരിപ്പിക്കുക. ഇത് 11,500 rpm-ൽ 231 bhp കരുത്തും 11,000 rpm-ൽ 141.7 Nm torque ഉം ഉത്പാദിപ്പിക്കുന്നു.
Most Read: ഗോ, ഗോ പ്ലസ് മോഡലുകൾക്ക് വില വർധിപ്പിച്ച് ഡാറ്റ്സൻ
എന്നാൽ പുതിയ റോഡ്സ്റ്ററിനായി കവസാക്കി മിക്കവാറും മോട്ടോർ ട്യൂൺ ചെയ്യാൻ സാധ്യതയുണ്ട്. ആറ് സ്പീഡ് ഗിയർബോക്സിലേക്ക് എഞ്ചിൻ ഘടിപ്പിക്കും. അതിൽ ഹൈഡ്രോളിക് അസിസ്റ്റ് / സ്ലിപ്പർ ക്ലച്ച്, കവസാക്കി ക്വിക്ക് ഷിഫ്റ്റർ എന്നിവ ഉൾപ്പെടും.
Most Read: വിൽപ്പനയിൽ പുതിയ നാഴികക്കല്ല് പിന്നിട്ട് ടൊയോട്ട ഗ്ലാൻസ
കവസാക്കി വികസിപ്പിച്ച ഡോഗ് റിംഗ് സ്റ്റൈൽ ട്രാൻസ്മിഷൻ H2 ന്റെ സവിശേഷതയാണെന്ന് കവസാക്കി പ്രേമികൾക്ക് അറിയാവുന്ന കാര്യമാണ്. സമാന സവിശേഷത Z H2-ലും ലഭ്യമാകുമെന്ന് പ്രതീക്ഷിക്കുന്നു.
Most Read: ബെനലി ലിയോൺസിനൊ 250; അറിഞ്ഞിരിക്കേണ്ട അഞ്ച് കാര്യങ്ങൾ
മികച്ച ഹാർഡ്വെയർ സജ്ജീകരണത്തിലൂടെ Z H2-നെ കവസാക്കി സജ്ജമാക്കും. അതിനാൽ ബ്രേക്കിംഗ്, സസ്പെൻഷൻ സജ്ജീകരണം എന്നിവയും നിഞ്ച H2-വുമായി പങ്കിടുമെന്നാണ് സൂചന. അതോടൊപ്പം 43 mm ഇൻവേർട്ടഡ് ഫ്രണ്ട് ഫോർക്കും ഒരു യൂണി ട്രാക്കും, Öhlins TTX36 ഗ്യാസ് ചാർജ് ചെയ്ത പിൻ ഷോക്കും വാഹനത്തിന്റെ ഭാഗമാകും. റോഡ്സ്റ്ററിൽ Öhlins ഇലക്ട്രോണിക് സ്റ്റിയറിംഗ് ഡാംപറും കാണുമെന്നാണ് ലഭിക്കുന്ന വിവരം.
ബ്രെംബോ-സോഴ്സ്ഡ് കാലിപ്പറുകൾ മോട്ടോർ സൈക്കിളിന്റെ ബ്രേക്കിംഗിനെ കൂടുതൽ മെച്ചപ്പെടുത്തും. സമഗ്രമായ ഒരു ഇലക്ട്രോണിക് പാക്കേജ് സുരക്ഷിതമായ യാത്രയും സൗകര്യവും ഉറപ്പാക്കും.