Just In
- 4 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 5 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 5 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 6 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- News 14 വര്ഷത്തെ ഇടവേളയ്ക്ക് അവസാനം, രാഷ്ട്രീയത്തിലേക്ക് തിരിച്ചെത്തി ഗോവിന്ദ; ശിവസേനയില് ചേര്ന്നു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
കെടിഎം 790 ഡ്യൂക്ക് വിപണിയിലേക്ക്, ആദ്യ ചിത്രങ്ങള് പുറത്ത്
ഈ വര്ഷം ഇന്ത്യയില് സജീവമാകാനുള്ള പുറപ്പാടിലാണ് കെടിഎം. ഇത്രയുംകാലം 125 ഡ്യൂക്കിനെ ഇന്ത്യയില് അവതരിപ്പിക്കേണ്ടെന്ന് തീരുമാനിച്ച കെടിഎം ഒരു സുപ്രഭാതത്തില് മോഡലിനെ ഇങ്ങോട്ടു കൊണ്ടുവന്നു. 1.18 ലക്ഷം രൂപ വിലയില് 125 സിസി ബൈക്ക് വാങ്ങാന് ആരു തയ്യാറാവുമെന്ന വിമര്ശനം ആദ്യമാസത്തെ വില്പ്പന കണക്കുകളില്തന്നെ മുനയൊടിയുകയുണ്ടായി.
ഇപ്പോള് മിഡില്വെയ്റ്റ് ശ്രേണിയില് 790 ഡ്യൂക്കുമായി കളം നിറയാന് തുനിയുകയാണ് കമ്പനി. കേട്ടതു ശരിയാണ്, രണ്ടുവര്ഷത്തിലേറെ നീളുന്ന ഇന്ത്യന് ബൈക്ക് പ്രേമികളുടെ കാത്തിരിപ്പ് കെടിഎം 790 ഡ്യൂക്ക് അവസാനിപ്പിക്കും.
ഔദ്യോഗിക വരവ് പ്രമാണിച്ച് രാജ്യത്തെ പല കെടിഎം ഡീലര്ഷിപ്പുകളും ബൈക്കിന്റെ അനൗദ്യോഗിക ബുക്കിംഗ് സ്വീകരിച്ച് തുടങ്ങി. ബുക്കിംഗ് തുക പതിനായിരം രൂപ. അടുത്തിടെ ഡീലര്ഷിപ്പില് നിന്നും ക്യാമറ പകര്ത്തിയ 790 ഡ്യൂക്കിന്റെ ചിത്രങ്ങള് സമൂഹമാധ്യമങ്ങളില് വന് പ്രചാരം നേടുകയാണ്.
2017 മിലാന് മോട്ടോര്സൈക്കിള് ഷോയിലാണ് 790 ഡ്യൂക്കിനെ കമ്പനിയാദ്യം കാഴ്ച്ചവെച്ചത്. വിദേശ നിര്മ്മിത ഘടകങ്ങള് ബജാജിന്റെ ചകാന് ശാലയില് വെച്ച് സംയോജിപ്പിച്ചാകും ബൈക്കിനെ കെടിഎം വിപണിയില് കൊണ്ടുവരിക.
Most Read: പള്സര് 220F -ന്റെ കുപ്പായമണിഞ്ഞ് പുതിയ ബജാജ് പള്സര് 180F
എന്തായാലും സ്കാല്പ്പെല് എന്ന പേരില് ലോകമെങ്ങും അറിയപ്പെടുന്ന 790 ഡ്യൂക്ക് ഇന്ത്യയില് കെടിഎമ്മിന്റെ നിര്ണ്ണായക മോഡലായി മാറും. കെടിഎം രൂപകല്പ്പന ചെയ്ത LC8C പാരലല് ട്വിന് എഞ്ചിന് തുടിക്കുന്ന ആദ്യ ബൈക്കാണിത്. 799 സിസി എഞ്ചിന് 105 bhp കരുത്തും 85 Nm torque ഉം പരമാവധി സൃഷ്ടിക്കാനാവും.
ആറു സ്പീഡാണ് ഗിയര്ബോക്സ്. ഡൗണ്ഷിഫ്റ്റ് സുഗമമാക്കാന് സ്ലിപ്പര് ക്ലച്ചിന്റെ പിന്തുണ 790 ഡ്യൂക്കിനുണ്ട്. ക്രോമിയം മോളിബ്ഡെനം നിര്മ്മിത സ്റ്റീല് അലോയ് ട്രസ് ഫ്രെയിമാണ് കെടിഎം 790 ഡ്യൂക്ക് ഉപയോഗിക്കുന്നത്.
43 mm WP അപ്സൈഡ് ഫോര്ക്കുകള് മുന്നിലും WP മോണോഷോക്ക് അബ്സോര്ബര് പിന്നിലും സസ്പെന്ഷന് നിറവേറ്റും. വേഗം നിയന്ത്രിക്കാനായി മുന് ടയറില് നാലു പിസ്റ്റണ് കാലിപ്പറുകളുള്ള 300 mm ഇരട്ട ഡിസ്ക്കാണ് ഒരുങ്ങുന്നത്.
പിന് ടയറില് രണ്ടു പിസ്റ്റണ് കാലിപ്പറുകളുള്ള 240 mm ഡിസ്ക്ക് ബ്രേക്കിംഗ് നിര്വഹിക്കും. സുരക്ഷയുടെ ഭാഗമായി ബോഷ് നിര്മ്മിത ഇരട്ട ചാനല് എബിഎസ് സംവിധാനവും 790 ഡ്യൂക്കില് കെടിഎം ഉറപ്പുവരുത്തുന്നുണ്ട്.
ടിഎഫ്ടി ഇന്സ്ട്രമെന്റ് ഡിസ്പ്ലേയും എല്ഇഡി ഹെഡ്ലാമ്പുകളും ബൈക്കിന്റെ പ്രധാന വിശേഷങ്ങളില്പ്പെടും. സ്പോര്ട്, സ്ട്രീറ്റ്, റെയിന്, ട്രാക്ക് എന്നിങ്ങനെ നാലു റൈഡിംഗ് മോഡുകള് 790 ഡ്യൂക്കില് തിരഞ്ഞെടുക്കാം. ഇതിനുപുറമെ സൂപ്പര്മോട്ടോ മോഡും ബൈക്കിലുണ്ട്.
കോര്ണറിംഗ് എബിഎസ്, ക്വിക്ക് ഷിഫ്റ്റര്, റൈഡ് ബൈ വയര് എന്നിങ്ങനെ നീളും മോഡലിലെ മറ്റു വിശേഷങ്ങള്. വീലി, ലോഞ്ച്, ട്രാക്ഷന് കണ്ട്രോള് സംവിധാനങ്ങളും 790 ഡ്യൂക്കില് എടുത്തുപറയണം. 169 കിലോയാണ് ബൈക്കിന്റെ ആകെ ഭാരം. ഇന്ധനശേഷി 14 ലിറ്ററും.
വില പ്രഖ്യാപിച്ചിട്ടില്ലെങ്കിലും ഏഴുലക്ഷം രൂപ മുതല് മോഡലിന് വില പ്രതീക്ഷിക്കാം. ഇന്ത്യന് വിപണിയില് കവാസാക്കി Z900, ട്രയംഫ് സ്ട്രീറ്റ് ട്രിപ്പിള്, ഡ്യുക്കാട്ടി മോണ്സ്റ്റര് 821 മോഡലുകളുമായാണ് 790 ഡ്യൂക്കിന്റെ മത്സരം.
Source: Maxabout