Just In
- 7 min ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
- 37 min ago അടിച്ചു ഫിറ്റായി ആഡംബര വാഹനങ്ങൾ! പിടിച്ച് അകത്തിട്ട് ഒഡീഷ പൊലീസ്, വൈറൽ വീഡിയോ കാണാം
- 1 hr ago ആക്ടിവയും ഷൈനും വാങ്ങാൻ ആളുകളുടെ ക്യൂ, ഹോണ്ട ഇതുവരെ വിറ്റത് 6 കോടി ഇരുചക്ര വാഹനങ്ങൾ
- 1 hr ago ഇരട്ട പുരസ്കാര നേട്ടവുമായി കിയ EV9! 2024 വേള്ഡ് കാര് അവാര്ഡ്സില് ഇവികളുടെ ആധിപത്യം
Don't Miss
- Lifestyle സ്പോഞ്ച് പോലുള്ള ഇഡ്ഡലിക്ക് വെറും ഗോതമ്പ് പൊടി മാത്രം
- Travel അവധിക്കാലത്തെ ഒറ്റദിവസം മതി; കറങ്ങിവരാൻ ഇഷ്ടംപോലെ സ്ഥലങ്ങൾ.. ചതുരംഗപ്പാറ , റിപ്പിൾസ്, ആനയിറങ്കൽ...
- News 238 തിരഞ്ഞെടുപ്പിൽ തോറ്റുതൊപ്പിയിട്ടു; റെക്കോർഡും കിട്ടി; ഈ തിരഞ്ഞെടുപ്പിലും പത്മരാജൻ മത്സരിക്കും
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Movies കല്യാണത്തിനായി മതം മാറി, വീട്ടില് പ്രശ്നമായി; പ്രണയ കഥ പറഞ്ഞ് നിഷാനയും ഭര്ത്താവും
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
- Technology സർവ്വവും എഐ മയം; വാട്സ്ആപ്പിലും എഐ ഫീച്ചറുകൾ എത്തുന്നു, ചാറ്റ്ബോട്ടും ഇമേജ് എഡിറ്ററും ഉടൻ എത്തും
കെടിഎം RC125 വിപണിയില് — ഇന്ത്യയിലെ ഏറ്റവും വിലകൂടിയ 125 സിസി ബൈക്ക്
പ്രാരംഭ സ്പോര്ട്സ് ബൈക്ക് ശ്രേണിയില് കുത്തക സ്ഥാപിക്കാന് കെടിഎം. 125 ഡ്യൂക്കിന് പിന്നാലെ RC125 -നെയും ഓസ്ട്രിയന് നിര്മ്മാതാക്കള് വിപണിയില് വില്പ്പനയ്ക്കു കൊണ്ടുവന്നു. മുതിര്ന്ന RC200, RC390 ബൈക്കുകളെ അനുകരിച്ച് പുറത്തിറങ്ങുന്ന RC125, ഇന്ത്യയിലെ ഏറ്റവും വിലകൂടിയ 125 സിസി ബൈക്കായി അറിയപ്പെടും.
1.47 ലക്ഷം രൂപയാണ് പുതിയ കെടിഎം RC125 -ന് ഷോറൂം വില (ദില്ലി). ഇതേസമയം, പത്തു ലക്ഷം രൂപയ്ക്ക് വില്പ്പനയ്ക്ക് വന്ന വെസ്പ 946 ജോര്ജിയോ അര്മാനി സ്കൂട്ടറാണ് ഇന്ത്യന് വിപണി കണ്ടിട്ടുള്ള ഏറ്റവും വിലയേറിയ ഇരുചക്ര വാഹനം.
എഞ്ചിന് ശേഷിയില് പിന്നിലാണെങ്കിലും ശ്രേണിയില് മുതിര്ന്ന യമഹ R15 -മായാണ് കെടിഎം RC125 -ന്റെ അങ്കം. രാജ്യമെങ്ങുമുള്ള 437 കെടിഎം ഡീലര്ഷിപ്പുകള് പുതിയ RC125 ബുക്കിങ് ആരംഭിച്ചു. ബുക്കിങ് തുക 5,000 രൂപ. ബുക്ക് ചെയ്യുന്നവര്ക്ക് ജൂണ് അവസാനം മുതല് ബൈക്കുകള് കൈമാറുമെന്ന് കമ്പനി അറിയിച്ചിട്ടുണ്ട്.
പുതിയ RC125 -ന്റെ ഡിസൈനില് മുതിര്ന്ന RC200 -ന്റെ സ്വാധീനം കൂടുതലായി കാണാം. സ്റ്റീല് ട്രെല്ലിസ് ഫ്രെയിമാണ് ബൈക്കിന് ആധാരം. ഇരട്ട പ്രൊജക്ടര് ഹെഡ്ലാമ്പുകള്, ക്ലിപ്പ് ഓണ് ഹാന്ഡില്ബാര്, വിഭജിച്ച സീറ്റുകള്, അണ്ടര്ബെല്ലി എക്സ്ഹോസ്റ്റ് എന്നിവയെല്ലാം കെടിഎം RC125 -ന്റെ സവിശേഷതകളാണ്.
17 ഇഞ്ചാണ് ബൈക്കിലെ അലോയ് വീലുകള്ക്ക് വലുപ്പം. മുന് ടയര് അളവ് 110/70-R17. പിന് ടയര് അളവ് 150/60-R17. 125 ഡ്യൂക്കിലെ 125 സിസി നാലു സ്ട്രോക്ക് എഞ്ചിന്തന്നെ RC125 -ലും തുടരുന്നു. ലിക്വിഡ് കൂളിങ്, ഫ്യൂവല് ഇഞ്ചക്ഷന് സംവിധാനങ്ങള് എഞ്ചിനില് സ്റ്റാന്ഡേര്ഡ് ഫീച്ചറാണ്.
Most Read: കീശ കാലിയാക്കാത്ത പ്രീമിയം എംപിവിയാകാന് റെനോ ട്രൈബര്
9,250 rpm -ല് 14.5 bhp കരുത്തും 7,000 rpm -ല് 12 Nm torque ഉം കുറിക്കാന് എഞ്ചിന് കഴിയും. ആറു സ്പീഡാണ് RC125 -ലെ ഗിയര്ബോക്സ്. സ്ലിപ്പര് ക്ലച്ചിന്റെ പിന്തുണ ബൈക്കിനുണ്ട്. ഇരു ടയറുകളിലും ഡിസ്ക്കുകളാണ് (300 mm, 230 mm) ബ്രേക്കിങ് നിറവേറ്റുക.
Most Read: ആള്ട്ടോയുടെ ചേട്ടനാവാന് മാരുതി എസ്-പ്രെസ്സോ
ഒറ്റ ചാനല് എബിഎസും മോഡലില് ഒരുങ്ങുന്നു. ഇതേസമയം മറുഭാഗത്ത് യമഹ R15, ഇരട്ട ചാനല് എബിഎസ് സംവിധാനമാണ് അവകാശപ്പെടുന്നത്. മുന്നില് അപ്സൈഡ് ഡൗണ് ഫോര്ക്കുകളും പിന്നില് മോണോഷോക്ക് അബ്സോര്ബറുകളും ബൈക്കില് സസ്പെന്ഷന് ചുമതലയേല്ക്കും.
Most Read: ലോകത്തെ ഏറ്റവും സുരക്ഷിതമായ ബൈക്കാവാന് ഡാമണ് എക്സ്
152 കിലോയാണ് ബൈക്കിന് ഭാരം. പുതിയ RC125 -ന്റെ വരവോടെ കെടിഎം ബൈക്ക് നിര ഇന്ത്യയില് പൂര്ണ്ണമായിരിക്കുകയാണ്. 125 സിസി, 200 സിസി, 390 സിസി ശ്രേണികളില് ഡ്യൂക്ക്, RC മോഡലുകള് ഇപ്പോള് കമ്പനിക്കുണ്ട്. ഇനി 390 അഡ്വഞ്ചര് പതിപ്പിനെ ഇവിടെ പുറത്തിറക്കാനുള്ള ഒരുക്കത്തിലാണ് കെടിഎം. ഈ വര്ഷാവസാനം ബൈക്കിനെ ഇന്ത്യന് വിപണിയില് പ്രതീക്ഷിക്കാം.