Just In
- 6 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 8 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 9 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 10 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
തോറ്റുകൊടുക്കാന് തയ്യാറല്ല, പ്രതാപം തിരിച്ചുപിടിക്കാന് പുതുതലമുറ ഹീറോ കരിസ്മ — വീഡിയോ
ഒരുകാലത്ത് യുവാക്കളുടെ ലഹരിയായിരുന്നു ഹീറോ കരിസ്മ. ഇന്ത്യയില് പ്രാരംഭ സ്പോര്ട് ബൈക്ക് സെഗ്മന്റിന് തുടക്കമിട്ട കരിസ്മ നീണ്ടകാലം അരങ്ങുവാണു. എന്നാല് കൂടുതല് മോഡലുകള് ഈ നിരയില് കടന്നുവന്നതോടെ കരിസ്മയുടെ നിറംമങ്ങി. വര്ഷങ്ങള്ക്ക് ശേഷം ആദ്യതലമുറയുടെ പ്രതാപത്തില് ഊറ്റംകൊണ്ട് കരിസ്മ ZMR അവതരിച്ചെങ്കിലും മോഡല് സമ്പൂര്ണ പരാജയമായി മാറി.
പക്ഷെ തോറ്റുകൊടുക്കാന് കമ്പനി തയ്യാറല്ല. കരിസ്മയിലേറ്റ പരാജയങ്ങളില് നിന്നും പാഠങ്ങള് പഠിച്ച് ഹീറോ മോട്ടോകോര്പ്പ് തിരിച്ചുവരാന് തയ്യാറെടുക്കുന്നു. പൂര്ണ്ണ ഫെയറിങ്ങോടുള്ള ഹീറോ എക്സ്ട്രീം 200R -ന്റെ ആദ്യ ദൃശ്യങ്ങള് പുറത്തുവന്നിരിക്കുകയാണ്.
ബജാജ് പള്സര് RS200 വാഴുന്ന പ്രാരംഭ സ്പോര്ട്സ് ബൈക്ക് ശ്രേണിയില് നിറഞ്ഞുനില്ക്കാനുള്ള കമ്പനിയുടെ മുന്നൊരുക്കങ്ങള് ക്യാമറ കൈയ്യോടെ പിടികൂടി. ബൈക്ക് ഏറെക്കുറെ ഉത്പാദനസജ്ജമാണ്. പൂര്ണ്ണ ഡിജിറ്റല് ഇന്സ്ട്രമെന്റ് ക്ലസ്റ്റര്, മുന്നില് ഇരട്ട ഹെഡ്ലാമ്പുകള്, പൂര്ണ്ണ ഫെയറിങ്, കറുപ്പഴകുള്ള എഞ്ചിന് എന്നിങ്ങനെ ധാരാളം വിശേഷങ്ങള് മോഡലിലുണ്ട്.
ഒരുപക്ഷെ പുതുതലമുറ കരിസ്മയായാകും ബൈക്ക് വിപണിയിലെത്തുക. എക്സ്ട്രീം 200R -നെ അടിസ്ഥാനപ്പെടുത്തി പുതിയ 200 സിസി മോഡലിന്റെ നിര്മ്മാണത്തില് കമ്പനി മുഴുകിയ വിവരം നേരത്തെ പുറത്തുവന്നിരുന്നു. എന്നാല് ഇതാദ്യമായാണ് ബൈക്കിനെ ആരാധകര് കാണുന്നത്.
Most Read: സിക്സര് പാഞ്ഞ പന്ത് ചെന്നിടിച്ചത് ഹാരിയറിന്റെ ചില്ലില് — വീഡിയോ
മുമ്പ് കമ്പനി അവതരിപ്പിച്ച HX250R കോണ്സെപ്റ്റിന്റെ സ്വാധീനം പുതിയ മോഡലിന്റെ ഡിസൈനില് ദൃശ്യമാണ്. ആകാരത്തില് അക്രമണോത്സുക ശൈലി നിറഞ്ഞുനില്പ്പുണ്ട്. ഫെയറിങ്ങ് ഘടനയുടെ ഭാഗമായി ഉയര്ന്ന വൈസര് ബൈക്കില് ഒരുങ്ങുന്നു. ക്രാങ്ക്കേസും ഇന്ധനടാങ്കുമൊഴികെ മറ്റെല്ലാം സൈഡ് പാനലുകള് മറച്ചുപിടിക്കും.
ലളിതമായ ഡിസൈന് ശൈലിയാണ് ഇന്ധനടാങ്കിനെന്ന് പ്രത്യേകം പരാമര്ശിക്കണം. എക്സ്ഹോസ്റ്റ് പുകക്കുഴലിനെ കുറിച്ച് വ്യക്തമായ ചിത്രം ലഭ്യമല്ല. എന്നാല് സൈലന്സര് കാനിസ്റ്റര് എക്സ്ട്രീം 200R -ല് നിന്നും വേറിട്ടുനില്ക്കും. പുതിയ സുരക്ഷാ ചട്ടങ്ങള് പ്രകാരം ആന്റി - ലോക്ക് ബ്രേക്കിങ് സംവിധാം ബൈക്കില് ഒരുങ്ങുന്നുണ്ട്.
ഷാസി, എഞ്ചിന്, സസ്പെന്ഷന്, വീലുകള്, ബ്രേക്കിങ് സംവിധാനം മുതലായ ഘടകങ്ങള് മുഴുവന് എക്സ്ട്രീം 200R -ല് നിന്നാകും മോഡല് പങ്കിടുക. എക്സ്ട്രീമില് തുടിക്കുന്ന 199.6 സിസി നാലു സ്ട്രോക്ക് എഞ്ചിന് 18 bhp കരുത്തും 17 Nm torque ഉം പരമാവധി സൃഷ്ടിക്കാനുള്ള ശേഷിയുണ്ട്. ഇതേ എഞ്ചിന് യൂണിറ്റ് 'പുതുതലമുറ കരിസ്മയില്' ഇടംകണ്ടെത്തുമെങ്കില് ട്യൂണിങ് നില വ്യത്യസ്തമായിരിക്കും.
താഴ്ന്ന, ഇടത്തരം ആര്പിഎമ്മുകളില് മികവുറ്റ ടോര്ഖ് ലഭ്യമാകും വിധമാകും എഞ്ചിന്റെ പ്രകടനം. അഞ്ചു സ്പീഡ് ഗിയര്ബോക്സ് പുതിയ ബൈക്കില് തുടരുമെന്ന് പ്രതീക്ഷിക്കാം. മുന്നില് ടെലിസ്കോപിക് ഫോര്ക്കുകളാണ് സസ്പെന്ഷന് വേണ്ടി; പിന്നില് മോണോഷോക്ക് അബ്സോര്ബറുകള് ഈ കര്ത്തവ്യം നിര്വഹിക്കും.
Most Read: ബച്ചന്റെ കറക്കം ഇനി പുതിയ ബെന്സ് എംപിവിയില്
പുതിയ ബൈക്കുമായി ബന്ധപ്പെട്ട് ഔദ്യോഗിക പ്രസ്താവനകളൊന്നും ഹീറോയുടെ ഭാഗത്തുനിന്നുമുണ്ടായിട്ടില്ല. നിലവില് പുതിയ എക്സ്പള്സ് 200, 200T മോഡലുകളെ വിപണിയില് പുറത്തിറക്കാനുള്ള തിരക്കിലാണ് കമ്പനി.
Source: Creepy Pie