Just In
- 31 min ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 1 hr ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 2 hrs ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
Don't Miss
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
650 സിസി റോയല് എന്ഫീല്ഡ് ബൈക്കുകളുടെ കരുത്തുകൂട്ടാം, പവര്ട്രോണിക് ഇസിയു വിപണിയില്
റോയല് എന്ഫീല്ഡ് ഇന്റര്സെപ്റ്റര് 650, കോണ്ടിനന്റല് ജിടി 650 ബൈക്കുകള്ക്ക് പുതിയ 'പ്ലഗ് ആന്ഡ് പ്ലേ' ഇസിയുവുമായി പവര്ട്രോണിക്. ഇരു ബൈക്കുകളുടെ കരുത്തുത്പാദനവും പ്രകടനവും കൂട്ടാന് പവര്ട്രോണിക് ഇസിയുവിന് കഴിയും. 22,000 രൂപയാണ് പുതിയ ഇസിയുവിന് കമ്പനി നിശ്ചയിച്ചിരിക്കുന്ന വില.
ഓപ്ഷനല് എക്സ്ട്രാ വ്യവസ്ഥയില് ഇരു ബൈക്കുകള്ക്കും ഹാന്ഡില്ബാര് മാപ്പ് സ്വിച്ചും കമ്പനി സമര്പ്പിക്കും. മാപ്പ് സ്വിച്ചുണ്ടെങ്കില് ബൈക്കില് വിവിധ പവര് മോഡുകള് തിരഞ്ഞെടുക്കാന് ഉടമയ്ക്ക് അവസരമുണ്ട്. 1,300 രൂപയാണ് ഹാന്ഡില്ബാര് മാപ്പ് സ്വിച്ചിന് വില.
648 സിസി എഞ്ചിനില് മൂന്നു മുതല് അഞ്ചു bhp വരെ കരുത്ത് കൂട്ടാന് ഇസിയുവിന് കഴിയുമെന്നാണ് പവര്ട്രോണിക്കിന്റെ അവകാശവാദം. 3 Nm torque ഉം കൂടും. നിലവില് 47 bhp കരുത്തും (7,250 rpm -ല്) 52 Nm torque -മാണ് (5,250 rpm -ല്) ഇരു ബൈക്കുകളിലുമുള്ള 648 സിസി പാരലല് ട്വിന് എഞ്ചിന് സൃഷ്ടിക്കുന്നത്.
പ്ലഗ് ആന്ഡ് പ്ലേ ഇസിയു ഘടിപ്പിച്ചാല് ഇരു മോഡലുകളുടെയും ത്രോട്ടില്, എഞ്ചിന് പ്രതികരണം മെച്ചപ്പെടുമെന്ന് പവര്ട്രോണിക് പറയുന്നു. ഇതിനായി ഇന്ധന, ഇഗ്നീഷന് വിഭാഗങ്ങളില് പുതിയ ഇസിയു യൂണിറ്റ് നിയന്ത്രണങ്ങള് ഏര്പ്പെടുത്തും. എഞ്ചിന് വേഗം 12,000 rpm വരെ ഉയര്ത്താന് പവര്ട്രോണിക് ആവിഷ്കരിച്ചിരിക്കുന്ന ഇസിയുവിന് ശേഷിയുണ്ട്.
റേസ് മോഡെങ്കില് എഞ്ചിന് വേഗം 15,000 rpm തൊടും. സങ്കീര്ണമായ ഉപകരണങ്ങളുടെ സഹായമില്ലാതെ ബൈക്കുകളില് പുതിയ പ്ലഗ് ആന്ഡ് പ്ലേ ഇസിയു ഘടിപ്പിക്കാം. പ്രീ ട്യൂണ് ചെയ്ത ഇരട്ട മാപ്പുകള്ക്കൊപ്പമാണ് ഇസിയു ഒരുങ്ങുന്നത്. ചൂടിനെയും വെള്ളത്തിനെയും പ്രതിരോധിക്കാന് ഇസിയുവിലെ വയറിങിന് കഴിയും.
ഒരു വര്ഷത്തെ പരിധിയില്ലാത്ത റിപ്ലേസ്മെന്റ് വാറന്റിയാണ് പ്ലഗ് ആന്ഡ് പ്ലേ ഇസിയുവിന് പവര്ട്രോണിക് നല്കുന്നത്. ഇതേസമയം, റോയല് എന്ഫീല്ഡിന്റെ ഔദ്യോഗിക ആക്സസറികളുടെ പട്ടികയില് പവര്ട്രോണിക് ഇസിയുവിന് സ്ഥാനമില്ലെന്ന് ഇവിടെ പ്രത്യേകം ഓര്മ്മപ്പെടുത്തുന്നു.
പവര്ട്രോണിക് ഇസിയു ഘടിപ്പിച്ചാല് ഇന്റര്സെപ്റ്റര്, കോണ്ടിനന്റല് ജിടി മോഡലുകളുടെ വാറന്റി നഷ്ടപ്പെടുമോയെന്ന കാര്യത്തില് സ്ഥിരീകരണമില്ല. ഇസിയു വാങ്ങാന് താത്പര്യമുള്ളവര് സമീപത്തുള്ള റോയല് എന്ഫീല്ഡ് സര്വീസ് സെന്ററില് നിന്നും വിവരങ്ങള് ചോദിച്ചറിയുന്നത് ഉത്തമമായിരിക്കും.
ഇസിയുവിന് പുറമെ S&S ബിഗ് ബോര് എഞ്ചിന് കിറ്റും റോയല് എന്ഫീല്ഡ് ഇന്റര്സെപ്റ്റര്, കോണ്ടിനന്റല് ജിടി ബൈക്കുകള്ക്കായി പവര്ട്രോണിക് സമര്പ്പിക്കുന്നുണ്ട്. എഞ്ചിന് കിറ്റിന്റെ പശ്ചാത്തലത്തില് 865 സിസി ശേഷിയിലേക്ക് ബൈക്കുകള് ഉയരും. 50,000 രൂപയാണ് S&S ബിഗ് ബോര് എഞ്ചിന് കിറ്റിന് വില.