Just In
- 2 hrs ago പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- 3 hrs ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 4 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ ഇസൂസുവുമായി അഭ്യാസം
- 5 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
Don't Miss
- Movies 'വൈദ്യൻ കൽപ്പിച്ചതും രോഗി ഇച്ഛിച്ചതും പാല്... അവളുടെ തിടുക്കം കണ്ടോ'; ജബ്രി കോമ്പോ ജയിലിൽ... കാവലായി ജിന്റോ!
- News ജോലി വാഗ്ധാനം ചെയ്ത് റഷ്യയില് എത്തിച്ചു: കബളിക്കപ്പെട്ട മലയാളികളെ തിരികെ എത്തിക്കാന് ശ്രമം തുടരുന്നു
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഇന്ത്യയ്ക്ക് പ്രിയം 650 സിസി റോയല് എന്ഫീല്ഡ് ബൈക്കുകളോട്, കെടിഎം 390 ഡ്യൂക്ക് കാഴ്ച്ചക്കാരന്
രാജ്യത്ത് ഏറ്റവുമധികം വില്ക്കപ്പെടുന്ന പ്രീമിയം ബൈക്കുകളായി റോയല് എന്ഫീല്ഡ് ഇന്റര്സെപ്റ്റര് 650 -യും കോണ്ടിനന്റല് ജിടി 650 -യും. ഇരു ബൈക്കുകളും ചേർന്ന് കഴിഞ്ഞ അഞ്ചുമാസംകൊണ്ട് നേടിയത് 5,168 യൂണിറ്റുകളുടെ വില്പ്പന. കെടിഎം 390 ഡ്യൂക്ക്, ഹോണ്ട CB300R, ബജാജ് ഡോമിനാര്, ബിഎംഡബ്ല്യു G310R, G310 GS, ടിവിഎസ് അപാച്ചെ RR 310 തുടങ്ങിയ എതിരാളികള് ഇന്റര്സെപ്റ്ററിനും കോണ്ടിനന്റല് ജിടിക്കും ഏറെ പിന്നിലാണ്.
വിപണിയില് ഇരു റോയല് എന്ഫീല്ഡ് മോഡലുകള്ക്കും ഡിമാന്ഡ് ക്രമാതീതമായി തുടരുന്നു. നിറം അടിസ്ഥാനപ്പെടുത്തി ബുക്ക് ചെയ്താല് നാലു മുതല് ആറുമാസം വരെ കാത്തിരിക്കേണ്ട സ്ഥിതി വിശേഷമാണ് ഉപഭോക്താക്കള്ക്ക് ഇപ്പോള്. ഇതേസമയം ഇന്റര്സെപ്റ്റര് 650, കോണ്ടിനന്റല് ജിടി 650 ഉത്പദാനം ഇരട്ടിയാക്കി ബൈക്കുകളുടെ കാത്തിരിപ്പു സമയം കുറയ്ക്കാന് കമ്പനി നടപടികള് സ്വീകരിച്ചിട്ടുണ്ട്.
ഇന്ത്യയ്ക്ക് പുറമെ രാജ്യാന്തര വിപണിയിലും പുത്തന് 650 സിസി ഇരട്ട സിലിണ്ടര് ബൈക്കുകള് മികച്ച അഭിപ്രായമാണ് നേടുന്നത്. നിലവില് രാജ്യത്ത് വില്പ്പനയ്ക്ക് വരുന്ന ഏറ്റവും വിലകുറഞ്ഞ ഇരട്ട സിലിണ്ടര് ബൈക്കുകളാണ് റോയല് എന്ഫീല്ഡ് ഇന്റര്സെപ്റ്റര് 650 -യും കോണ്ടിനന്റല് ജിടി 650 -യും.
Most Read: ഇടിയില് മലക്കം മറിഞ്ഞ് ടിയാഗൊ, യാത്രക്കാര് സുരക്ഷിതര് — ടാറ്റയ്ക്ക് നന്ദിയറിയിച്ച് ഉടമ
2.37 ലക്ഷം രൂപ മുതല് ഇന്റര്സെപ്റ്റര് 650 -ക്ക് വില ആരംഭിക്കും. കെടിഎം 390 ഡ്യൂക്ക്, ബിഎംഡബ്ല്യു G310 R തുടങ്ങിയ ഒറ്റ സിലിണ്ടര് പ്രീമിയം ബൈക്കുകളെക്കാള് കുറഞ്ഞ വിലയിലാണ് ഇന്റര്സെപ്റ്റര് വരുന്നതെന്ന കാര്യം ശ്രദ്ധേയം. ഇതേസമയം, കോണ്ടിനന്റല് ജിടി 650 കുറച്ചുകൂടി ഉയര്ന്ന വില കുറിക്കും.
2.49 ലക്ഷം രൂപയ്ക്കാണ് മോഡല് ഷോറൂമില് അണിനിരക്കുന്നത്. വിലയില് വ്യത്യാസമുണ്ടെങ്കിലും ഇരു മോഡലുകളും ഒരേ അടിത്തറയും എഞ്ചിനുമാണ് പങ്കിടുന്നത്. സ്ട്രീറ്റ് ബൈക്ക് ശൈലിയാണ് ഇന്റര്സെപ്റ്റര് 650 -ക്ക്. കോണ്ടിനന്റല് ജിടി 650 റെട്രോ കഫെ റേസര് ഗണത്തില്പ്പെടും.
ഇരു ബൈക്കുകളിലും കമ്പനി പുതുതായി വികസിപ്പിച്ച 647 സിസി പാരലല് ട്വിന് എഞ്ചിനാണ് തുടിക്കുന്നത്. എയര് കൂളിങ്, ഓയില് കൂളിങ് സംവിധാനങ്ങള് എഞ്ചിനിലുണ്ട്. 47 bhp കരുത്തും 52 Nm torque ഉം എഞ്ചിനില് പരമാവധി സമന്വയിക്കും. ഇന്ത്യയില് റോയല് എന്ഫീല്ഡ് നിര്മ്മിച്ചിട്ടുള്ളതില്വെച്ച് ഏറ്റവും കരുത്തുറ്റ എഞ്ചിന് യൂണിറ്റാണിത്.
Most Read: വാങ്ങാന് ആളില്ലെന്ന് കരുതി ബജാജ് ഡോമിനാര് മോശം ബൈക്കല്ല: രാജീവ് ബജാജ്
താഴ്ന്ന ആര്പിഎമ്മില് കൂടുതല് ടോര്ഖ് ഉറപ്പുവരുത്താന് 27 ഡിഗ്രി ചെരിവുള്ള ക്രാങ്ക്കേസ് എഞ്ചിന്റെ ഭാഗമാവുന്നു. സിംഗിള് ഓവര്ഹെഡ് കാംഷാഫ്റ്റില് നാലു വാല്വ് ഹെഡുകളാണ് ഒരുങ്ങുന്നത്. ഒപ്പം ഫ്യൂവല് ഇഞ്ചക്ഷന് സംവിധാനം എഞ്ചിന്റെ പ്രകടനക്ഷമതയെ സ്വാധീനിക്കും.
സ്ലിപ്പര് ക്ലച്ചുള്ള ആറു സ്പീഡ് ഗിയര്ബോക്സ് ഇരു ബൈക്കുകളില് ഇടംപിടിക്കുന്നുണ്ട്. ബുള്ളറ്റുകളില് നിന്നും വേറിട്ടുനില്ക്കുന്ന ചടുലമായ ശബ്ദം പുറപ്പെടുവിക്കാന് എക്സ്ഹോസ്റ്റിന് കഴിയും. മറ്റു ഇരട്ട സിലിണ്ടര് ബൈക്കുകളെ അപേക്ഷിച്ച് റോയല് എന്ഫീല്ഡ് മോഡലുകളുടെ മെയിന്റനന്സ് ചിലവുകള് നാമമാത്രമാണെന്നതും ഇവിടെ സൂചിപ്പിക്കണം. 2,500 രൂപയില് താഴെ മാത്രമേയുള്ളൂ ഇരു ബൈക്കുകളുടെയും ആദ്യ സര്വീസ് ചിലവ്. 500 കിലോമീറ്ററില് ബൈക്കുകള് ആദ്യം സര്വീസിന് കൊണ്ടുചെല്ലണം.