Just In
- 10 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 11 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 11 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 12 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
വാങ്ങാന് ആളുകളുടെ നീണ്ട ക്യൂ, 650 സിസി ബൈക്കുകളുടെ ഉത്പാദനം റോയല് എന്ഫീല്ഡ് കൂട്ടി
പുതിയ ഇന്റര്സെപ്റ്റര് 650, കോണ്ടിനന്റല് ജിടി 650 ബൈക്കുകളെ കിട്ടാന് ഇന്ത്യന് ബൈക്ക് പ്രേമികള്ക്ക് ഒരുവര്ഷം കാത്തിരിക്കേണ്ടി വന്നു. 2017 മിലാന് മോട്ടോര്സൈക്കിള് ഷോയില് പിറന്ന ബൈക്കുകള് 2018 നവംബറിലാണ് ഇന്ത്യന് തീരത്തെത്തിയത്. കരുതിയതുപോലെ കോണ്ടിനന്റല് ജിടി 650 -യും ഇന്റര്സെപ്റ്റര് 650 -യും രാജ്യത്ത് വലിയ ഹിറ്റായിക്കഴിഞ്ഞു.
നിലവില് നാലു മുതല് ആറു മാസം വരെ കാത്തിരിക്കണം 650 സിസി റോയല് എന്ഫീല്ഡ് ബൈക്കുകള് ബുക്ക് ചെയ്താല് കൈയ്യില് കിട്ടാന്. കൂട്ടത്തില് ഇന്റര്സെപ്റ്റര് 650 മോഡലിനാണ് ആവശ്യക്കാര് കൂടുതല്. എന്നാല് ബുക്കിങ്ങിന് ആനുപാതികമായി ബൈക്കുകള് പുറത്തിറക്കാന് കമ്പനി ബദ്ധപ്പെടുകയാണ് ഇപ്പോള്.
ഫെബ്രുവരിയില് ചെന്നൈ ശാലയില് തൊഴിലാളികള് പണിമുടക്ക് നടത്തിയത് ബൈക്കുകളുടെ ഉത്പാദനത്തെ സാരമായി ബാധിച്ചു. എന്തായാലും മോഡലുകള്ക്കായുള്ള കാത്തിരിപ്പ് സമയം കുറയ്ക്കാന് വേണ്ട നടപടികള് റോയല് എന്ഫീല്ഡ് എടുത്തിരിക്കുകയാണ്. ചെന്നൈ ശാലയില് 650 സിസി ബൈക്കുകളുടെ ഉത്പാദനം കമ്പനി കൂട്ടി.
ഇതുവരെ 2,500 യൂണിറ്റുകള് പ്രതിമാസം പുറത്തിറക്കിയ റോയല് എന്ഫീല്ഡ്, ഇനി ബുക്കിങ് അടിസ്ഥാനപ്പെടുത്തി 4,000 മുതല് 5,000 യൂണിറ്റുകള് വരെ ഓരോ മാസവും ഉത്പാദിപ്പിക്കും. ബൈക്കുകളുടെ കാത്തിരിപ്പ് സമയം ഗണ്യമായി കുറയ്ക്കാന് ഈ നടപടി ഉപകരിക്കുമെന്ന പ്രതീക്ഷയിലാണ് ആരാധകര്.
Most Read: കുത്തൊഴുക്കുള്ള പുഴയ്ക്ക് മുന്നിലും മുട്ടുമടക്കാതെ മഹീന്ദ്രഥാർ — വീഡിയോ
വില്പ്പനയ്ക്ക് വന്നതുമുതല് കോണ്ടിനന്റല് ജിടി 650, ഇന്റര്സെപ്റ്റര് 650 മോഡലുകളുടെ വില്പ്പന ഉയരുകയാണ്. നവംബറില് ഇരു ബൈക്കുകളും ചേര്ന്ന് 325 യൂണിറ്റുകളുടെ വില്പ്പന കുറിച്ചപ്പോള് ഡിസംബറില് വില്പ്പന 629 യൂണിറ്റുകളിലെത്തി. ജനുവരിയില് വില്പ്പന 1,069 യൂണിറ്റുകളായി ഉയര്ന്നു. ഫെബ്രുവരിയില് 1,445 യൂണിറ്റുകള് കമ്പനി വില്ക്കുകയുണ്ടായി.
ഇന്ത്യയ്ക്ക് പുറമെ യുകെ, അമേരിക്ക, തായ്ലാന്ഡ്, ഓസ്ട്രേലിയ തുടങ്ങിയ രാജ്യങ്ങളിലും കോണ്ടിനന്റല് ജിടി 650, ഇന്റര്സെപ്റ്റര് 650 ബൈക്കുകളെ കമ്പനി അണിനിരത്തുന്നുണ്ട്. 650 സിസി ഇന്റര്സെപ്റ്ററും കോണ്ടിന്റല് ജിടിയും ലഭിച്ചവര് മികച്ച അഭിപ്രായമാണ് മോഡലുകളെ കുറിച്ച് രേഖപ്പെടുത്തുന്നത്.
മറ്റു ഇരട്ട സിലിണ്ടര് ബൈക്കുകളെ അപേക്ഷിച്ച് റോയല് എന്ഫീല്ഡ് മോഡലുകളുടെ മെയിന്റനന്സ് ചിലവുകള് നാമമാത്രമാണെന്നതും ശ്രദ്ധേയം. 2,500 രൂപയില് താഴെ മാത്രമേയുള്ളൂ ഇരു ബൈക്കുകളുടെയും ആദ്യ സര്വീസ് ചിലവ്. 500 കിലോമീറ്ററില് ബൈക്കുകള് ആദ്യം സര്വീസിന് കൊണ്ടുചെല്ലണം.
പതിനായിരം കിലോമീറ്ററില് മോഡലുകളുടെ രണ്ടാം സര്വീസും നടത്തണം. പണത്തിനൊത്ത മൂല്യമാണ് കോണ്ടിനന്റല് ജിടി, ഇന്റര്സെപ്റ്റര് 650 ബൈക്കുകളുടെ മുഖ്യാകര്ഷണം. റോയല് എന്ഫീല്ഡ് ഇന്റര്സെപ്റ്റര് 650 -ക്ക് വില 2.50 ലക്ഷം രൂപ. 2.65 ലക്ഷം രൂപയ്ക്കാണ് കോണ്ടിനന്റല് ജിടി 650 ഷോറൂമുകളിലെത്തുന്നത്.
ഇരു ബൈക്കുകളിലുമുള്ള 648 സിസി പാരലല് ട്വിന് എഞ്ചിന് 47 bhp കരുത്തും 52 Nm torque ഉം സൃഷ്ടിക്കാനുള്ള ശേഷിയുണ്ട്.