Just In
- 25 min ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 1 hr ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
- 2 hrs ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 5 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
Don't Miss
- Lifestyle സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള്
- News അഞ്ച് ദിവസത്തേക്ക് തിരിഞ്ഞുനോക്കേണ്ട, ആഗ്രഹിച്ചതെന്തും നടക്കും; എന്തൊരു ഭാഗ്യം! ഇവര്ക്ക് രാജയോഗം
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Movies അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ
- Finance ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..?
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇരട്ട ചാനല് എബിഎസ് സുരക്ഷയില് 2019 യമഹ ഫേസര് 25, FZ 25
മോഡല് നിര അടിമുടി പുതുക്കി യമഹ. ഇരട്ട ചാനല് എബിഎസ് സുരക്ഷയില് യമഹ FZ 25, ഫേസര് 25 ബൈക്കുകള് വിപണിയില് പുറത്തിറങ്ങി. 1.33 ലക്ഷം രൂപയാണ് പുത്തന് FZ 25 -ന് വില. ഫേസര് 25 വില്പ്പനയ്ക്ക് വരിക 1.43 ലക്ഷം രൂപയ്ക്കും. മൂന്നാംതലമുറ FZ, FZ-S ബൈക്കുകളുടെ അവതരണ വേളയിലാണ് പുതുക്കിയ ഫേസര് 25, FZ 25 മോഡലുകളെ യമഹ കാഴ്ച്ചവെച്ചത്.
2019 ഫേസര് 25, FZ 25 പതിപ്പുകള്ക്ക് എബിഎസില്ലാത്ത മുന്മോഡലുകളെക്കാള് 12,000 രൂപ അധികമാണ്. നിരയിലേക്ക് കടന്നുവന്ന കൂടുതല് നിറപ്പതിപ്പുകള് പുതിയ 250 സിസി യമഹ ബൈക്കുകളുടെ ആകര്ഷണീയത കൂട്ടും. ഡാര്ക്ക് ബ്ലൂ, മാറ്റ് ബ്ലാക്ക്, സിയാന് ബ്ലൂ നിറങ്ങള് യമഹ FZ 25 -ല് അണിനിരക്കും.
ഡാര്ക്ക് മാറ്റ് ബ്ലൂ, മെറ്റാലിക് ബ്ലൂ നിറങ്ങള് ഫേസര് 25 -ല് തിരഞ്ഞെടുക്കാം. ഫെയേര്ഡ് പതിപ്പാണ് ഫേസര് 25; FZ 25 നെയ്ക്കഡ് പതിപ്പും. സ്പോര്ട്സ് ടൂറര് വിശേഷണമുള്ള ഫേസര് 25 -ന് ദീര്ഘദൂര യാത്രകള്ക്ക് അനുയോജ്യമായ വീതിയേറിയ സീറ്റിംഗ് ഘടനയാണ് ലഭിക്കുന്നത്.
ടയറുകള്ക്ക് വീതികൂടി. താഴ്ന്നിറങ്ങിയ ഹെഡ്ലാമ്പും തൊട്ടുതാഴെയുള്ള എല്ഇഡി പൊസിഷന് ലാമ്പുകളും ബൈക്കിന്റെ മാറ്റു കൂട്ടും. ഇത്തവണ ഇരട്ട ഹോണ് ഫേസര് 25 -ല് കാണാം. ഫെയറിംഗില് പതിപ്പിച്ച ഗ്രാഫിക്സിലും പുതുമ ദൃശ്യമാണ്.
Most Read: പുത്തനായി യമഹ FZ, FZ-S ബൈക്കുകള് — വില 95,000 രൂപ മുതല്
ഓഡോമീറ്റര്, ടാക്കോമീറ്റര്, ട്രിപ്പ് മീറ്റര്, ശരാശരി മൈലേജ് തുടങ്ങിയ വിവരങ്ങള് പൂര്ണ്ണ ഡിജിറ്റല് ഇന്സ്ട്രമെന്റ് ക്ലസ്റ്റര് നല്കും. ഉയര്ത്തിയ ഹാന്ഡില്ബാറും മോഡലുകളുടെ വിശേഷമായി ചൂണ്ടിക്കാട്ടാം. പിറകില് ടയര് ഹഗ്ഗറിലും സില്വര് നിറമുള്ള ഗ്രാബ് റെയിലുകളിലും കമ്പനി പരിഷ്കാരങ്ങള് നടപ്പിലാക്കിയിട്ടുണ്ട്.
41 mm ടെലിസ്കോപിക് ഫോര്ക്കുകളാണ് ഫേസര് 25 -ന് മുന്നില്. പിന്നില് ക്രമീകരിക്കാവുന്ന പ്രീലോഡുള്ള മോണോഷോക്ക് അബ്സോര്ബര് സസ്പെന്ഷന് നിറവേറ്റും. FZ 25 -ലും ഇതേ സംവിധാനം തന്നെ. മുന് ടയറില് 282 mm ഡിസ്ക്കും പിന് ടയറില് 220 mm ഡിസ്ക്കും വേഗം നിയന്ത്രിക്കാനായുണ്ട്.
ഇരട്ട ചാനല് എബിഎസ് ഇരു ബൈക്കുകളിലും ഫലപ്രദമായ സുരക്ഷ ഉറപ്പുവരുത്തും. ഒരേ എഞ്ചിനാണ് ഫേസര് 25, FZ 25 മോഡലുകളിലും. 250 സിസി ഒറ്റ സിലിണ്ടര് എഞ്ചിന് 20.9 bhp കരുത്തും 20 Nm torque ഉം പരമാവധി സൃഷ്ടിക്കാനാവും.
എയര് കൂളിംഗ് സംവിധാനം മാത്രമെ എഞ്ചിനുള്ളൂ. അഞ്ചു സ്പീഡാണ് ഗിയര്ബോക്സ്. പൂജ്യത്തില് നിന്നും നൂറു കിലോമീറ്റര് വേഗം കുറിക്കാന് ഫേസര് 25, FZ 25 ബൈക്കുകള്ക്ക് പത്തു സെക്കന്ഡുകള് മതി. മണിക്കൂറില് 140 കിലോമീറ്ററാണ് മോഡലുകളുടെ പരമാവധി വേഗം.