Just In
- 6 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 30 min ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 13 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
Don't Miss
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
യമഹ MT-15 ബുക്കിംഗ് തുടങ്ങി
പുതിയ MT-15 ബൈക്കിനെ യമഹ വിപണിയില് കൊണ്ടുവരാനിരിക്കെ മോഡലിന്റെ അനൗദ്യോഗിക ബുക്കിംഗ് ഡീലര്ഷിപ്പുകള് തുടങ്ങി. ഡീലര്ഷിപ്പ് അടിസ്ഥാനപ്പെടുത്തി രണ്ടായിരം മുതല് പതിനായിരം രൂപ വരെയാണ് നിലവില് ബൈക്കിന്റെ ബുക്കിംഗ് തുക.
R15 നിലകൊള്ളുന്ന പ്രീമിയം 150 സിസി ശ്രേണിയില് മോഡല് നിര വിപുലപ്പെടുത്താന് യമഹ ആഗ്രഹിക്കുന്നു. MT-15 ഇതിലേക്കുള്ള കരുനീക്കമാണ്. പ്രാരംഭ സ്പോര്ട്സ് ബൈക്ക് R15 -ന്റെ നെയ്ക്കഡ് പതിപ്പാണ് പുതിയ MT-15. പരീക്ഷണയോട്ടത്തിനിടെ മോഡലിനെ ഒരുവട്ടം ക്യാമറ പകര്ത്തുകയുണ്ടായി.
എഞ്ചിനും മറ്റു മെക്കാനിക്കല് ഘടകങ്ങളെല്ലാം മൂന്നാംതലമുറ R15 -ല് നിന്ന് MT-15 പങ്കിടും. R15 ഇന്ത്യയില് വരുന്നതുപോലെ പ്രീമിയം പരിവേഷങ്ങള് പരമാവധി അഴിച്ചുകളഞ്ഞാകും MT-15 വിപണിയില് എത്തുക. അപ്സൈഡ് ഡൗണ് ഫോര്ക്കുകള് ടെലിസ്കോപിക് ഫോര്ക്കുകളായി രൂപാന്തരപ്പെടും.
സമകാലിക അലോയ് വീലുകളും പിന് മഡ്ഗാര്ഡുമായിരിക്കും ബൈക്കില്. ഇന്ധനടാങ്കില് പരിഷ്കാരങ്ങളുണ്ടെന്ന് പുറത്തുവന്ന ചിത്രങ്ങളില് വ്യക്തം. സസ്പെന്ഷനിലും ചിലവുകുറയ്ക്കല് നടപടികള് പ്രതീക്ഷിക്കാം. എന്തായാലും R15 ഉപയോഗിക്കുന്ന അണ്ടര്ബോണ് ഷാസി MT15 -ലും കമ്പനി പിന്തുടരും.
നീളംകൂടിയ സീറ്റുകളും വീതികൂടിയ ഹാന്ഡില്ബാറും പിറകിലേക്ക് വലിഞ്ഞ ഫൂട്ട് പെഗുകളും പുതിയ MT-15 -ന്റെ സവിശേഷതയാണ്. R15 -ലുള്ള 155 സിസി നാലു സ്ട്രോക്ക് എഞ്ചിന് പങ്കിടുമെങ്കിലും ബൈക്കിന്റെ കരുത്തുത്പാദനം വ്യത്യസ്തമായിരിക്കും.
ഇടത്തരം, താഴ്ന്ന ആര്പിഎമ്മുകളില് മികവുറ്റ ടോര്ഖ് ഉറപ്പുവരുത്താനാകും MT-15 -ല് കമ്പനി ശ്രദ്ധിക്കുക. ഗതാഗതക്കുരുക്ക് മുറുകുന്ന നഗര സാഹചര്യങ്ങളില് മിക്കപ്പോഴും ഇടത്തരം, താഴ്ന്ന ആര്പിഎമ്മുകളിലാണ് ബൈക്കുകള് തുടരാറ്. പ്രാരംഭ സ്പോര്ട്സ് ബൈക്കിലുപരി പ്രതിദിനാവശ്യങ്ങള്ക്ക് ചേരുന്ന പ്രീമിയം കമ്മ്യൂട്ടര് ബൈക്കായി MT-15 -നെ കൊണ്ടുവരാന് കമ്പനി താത്പര്യപ്പെടുന്നു.
ഉയര്ന്ന ആര്പിഎമ്മില് പരമാവധി കരുത്ത് സൃഷ്ടിക്കാന് പാകത്തിലാണ് R15 -ലെ എഞ്ചിന് പ്രവര്ത്തനം. നിലവില് 155 സിസി ഒറ്റ സിലിണ്ടര് എഞ്ചിന് 19 bhp കരുത്തും 15 Nm torque ഉം സൃഷ്ടിക്കാനാവും. ലിക്വിഡ് കൂളിംഗ്, ഫ്യൂവല് ഇഞ്ചക്ഷന് സംവിധാനങ്ങളുടെ പിന്തുണ എഞ്ചിനുണ്ട്.
Most Read: മൈലേജല്ല, സുരക്ഷയാണ് പ്രധാനം — മാരുതിക്ക് ടാറ്റയുടെ മുഖമടച്ച മറുപടി
ആറു സ്പീഡ് മാനുവല് ഗിയര്ബോക്സ് തന്നെയായിരിക്കും MT-15 -ലും. പുതിയ സുരക്ഷാ ചട്ടങ്ങള് മാനിച്ച് ഇരട്ട ചാനല് എബിഎസ് MT-15 -ല് എന്തായാലും പ്രതീക്ഷിക്കാം. ഇരട്ട ചാനല് എബിഎസ് കരുത്തില് മൂന്നാംതലമുറ R15 -നെ യമഹ അവതരിപ്പിച്ചതും അടുത്തിടെയാണ്.
വിപണിയില് 1.2 ലക്ഷം രൂപയോളം യമഹ MT-15 -ന് വില പ്രതീക്ഷിക്കാം. ടിവിഎസ് അപാച്ചെ RTR 160 4V, ബജാജ് പള്സര് NS160, സുസുക്കി ജിക്സര് 155 എന്നിവരുമായാണ് ബൈക്കിന്റെ മത്സരം.
Source: Rushlane