450 X ഇലക്ട്രിക് സ്‌കൂട്ടര്‍ 3 നഗരങ്ങളില്‍ കൂടി വില്‍പ്പനയ്‌ക്കെത്തിക്കാനൊരുങ്ങി ഏഥര്‍

ഇതിന് പിന്നാലെയാണ് ഇപ്പോള്‍ പുതിയ പ്രഖ്യാപനം വന്നിരിക്കുന്നത്. ഏഥര്‍ 450X ഇലക്ട്രിക് സ്‌കൂട്ടര്‍ അധികം വൈകാതെ മൂന്ന് ഇന്ത്യന്‍ നഗരങ്ങളില്‍ കൂടി വില്‍പ്പനയ്ക്ക് എത്തും.

ഈ വര്‍ഷം ഒക്ടോബറില്‍ ഹൈദരാബാദ്, ചെന്നൈ, ബംഗളൂരു എന്നിവിടങ്ങളില്‍ സ്മാര്‍ട്ട് സ്‌കൂട്ടര്‍ വിപണിയിലെത്തുമെന്ന് എക്‌സ്പ്രസ് ഡ്രൈവ് റിപ്പോര്‍ട്ട് ചെയ്തു. സ്‌കൂട്ടറിന്റെ ഡെലിവറികളും അതേ മാസങ്ങളില്‍ പറഞ്ഞ നഗരങ്ങളില്‍ ആരംഭിക്കും.

MOST READ: ഹ്യുണ്ടായി ഗ്രാൻഡ് i10 നിയോസിന്റെ വിൽപ്പനയിൽ വൻ കുതിപ്പ്, ജൂലൈയിൽ 65 ശതമാനം വർധനവ്

ഈ നഗരങ്ങളില്‍ സ്‌കൂട്ടറിനായുള്ള പ്രീ-ബുക്കിംഗ് ആരംഭിച്ചതായും റിപ്പോര്‍ട്ടില്‍ പറയുന്നു. 2,500 രൂപയാണ് ബുക്കിംഗ് തുകയായി സ്വീകരിക്കുന്നത്. ബുക്കിംഗ് തൂക റീഫണ്ട് ചെയ്യുമെന്നും കമ്പനി അറിയിച്ചു.

450 X ഇലക്ട്രിക് സ്‌കൂട്ടറിന്റെ ആദ്യ ബാച്ച് ഒക്ടോബറില്‍ ഏഥര്‍ എനര്‍ജി പുറത്തിറക്കാന്‍ തുടങ്ങും. മാത്രമല്ല, ഏഥര്‍ എനര്‍ജി അതിന്റെ സൂപ്പര്‍ ഫാസ്റ്റ് ചാര്‍ജറുകളുടെ ഇന്‍സ്റ്റാളേഷനും ഒക്ടോബറില്‍ ആരംഭിക്കും.

MOST READ: ബിഎസ് VI സ്ട്രീറ്റ് ട്വിന്‍ അവതരിപ്പിച്ച് ട്രയംഫ്; വില 7.45 ലക്ഷം രൂപ

നിലവിലുള്ള ചാര്‍ജറുകളുമായി താരതമ്യപ്പെടുത്തുമ്പോള്‍ 50 ശതമാനം വേഗത്തില്‍ ചാര്‍ജിംഗ് നിരക്ക് ഈ ചാര്‍ജര്‍ വാഗ്ദാനം ചെയ്യുന്നു. ഏഥര്‍ 450 X-ന്റെ ലോഞ്ചിനുപുറമെ, ചെന്നൈ, ബംഗളൂരു എന്നിവിടങ്ങളിലെ ഏഥര്‍ ഗ്രിഡ് ചാര്‍ജിംഗ് ഇന്‍ഫ്രാസ്ട്രക്ചറില്‍ പബ്ലിക് ചാര്‍ജറുകളുടെ എണ്ണം വര്‍ദ്ധിപ്പിക്കാനും കമ്പനി പദ്ധതിയിടുന്നുണ്ട്.

ഈ ഫാസ്റ്റ് ചാര്‍ജറുകള്‍ മറ്റ് നഗരങ്ങളിലേക്കും ഭാവിയില്‍ എത്തിക്കും. വാഹന വ്യവസായ രംഗത്ത് രണ്ട് വര്‍ഷം പൂര്‍ത്തിയാക്കിയതായി അടുത്തിടെയാണ് കമ്പനി പ്രഖ്യാപിച്ചത്.

MOST READ: കിയ സോനെറ്റിന്റെ ബ്രോഷർ പുറത്ത്, അറിയാം അധിക സവിശേഷതകൾ

ഈ വര്‍ഷത്തിന്റെ തുടക്കത്തിലാണ് 450X അവതരിപ്പിച്ചത്. പ്ലസ്, പ്രോ എന്നീ വകഭേദത്തില്‍ എത്തിയിട്ടുള്ള ഈ വാഹനത്തിന് 99,000 രൂപയാണ് ബംഗളൂരുവിലെ എക്സ്ഷോറൂം വില. ഡല്‍ഹിയില്‍ ഇത് 85,000 ആയി കുറയുന്നുണ്ട്.

ഇലക്ട്രിക് വാഹന നയത്തില്‍ സര്‍ക്കാര്‍ സബ്സിഡി നല്‍കുന്നതിനാലാണ് ഡല്‍ഹിയില്‍ വില കുറയുന്നത്. 26 Nm torque ഉത്പാദിപ്പിക്കുന്ന 3.3 KWh/6KW മോട്ടോറാണ് ഈ വാഹനത്തില്‍ നല്‍കിയിട്ടുള്ളത്.

MOST READ: ഹോണ്ട യൂണികോണിനും വില വർധനവ്, ഇനി മുടക്കേണ്ടത് 94,548 രൂപ

3.3 സെക്കന്റില്‍ 40 കിലോമീറ്റര്‍ വേഗത കൈവരിക്കാന്‍ കഴിയുന്ന ഈ സ്‌കൂട്ടറിന്റെ പരമാവധി വേഗത മണിക്കൂറില്‍ 80 കിലോമീറ്ററാണ്. 3.35 മണിക്കൂറില്‍ ബാറ്ററി 80 ശതമാനം ചാര്‍ജ് ചെയ്യാം. 5.45 മണിക്കൂറില്‍ പൂജ്യത്തില്‍ നിന്ന് 100 ശതമാനം ചാര്‍ജ് ചെയ്യാം.