Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 3 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 4 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 4 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle നെഗറ്റീവ് എനര്ജിയെ പെട്ടെന്ന് കണ്ടെത്തി ഒഴിവാക്കാം
- Sports IPL 2024: 26 പന്തില് 26, പിന്നെ വെടിക്കെട്ട്! സഞ്ജു ഉപദേശിച്ചതെന്ത്? വിജയ മന്ത്രം പരാഗ് പറയുന്നു
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ബെംഗളൂരുവിലെ പ്ലാന്റില് ഉത്പാദനം അവസാനിപ്പിച്ച് ഏഥര്
ബെംഗളൂരുവിലെ പ്ലാന്റില് ഇലക്ട്രിക് സ്കൂട്ടറുകളുടെ ഉത്പാദനം അവസാനിപ്പിച്ച് ഏഥര് എനര്ജി. തമിഴ്നാട്ടിലെ ഹൊസൂരില് വരുന്ന പുതിയ നിര്മ്മാണ കേന്ദ്രത്തിലേക്ക് ഉത്പാദനം മാറ്റുന്നതിന്റെ ഭാഗമായിട്ടാണ് ബാംഗ്ലൂരിലെ പ്രവര്ത്തനങ്ങള് അവസാനിപ്പിച്ചത്.
ഏഥര് എനര്ജി സിഇഒയും സഹസ്ഥാപകനുമായ തരുണ് മേത്തയാണ് ട്വീറ്ററിലൂടെ ഇക്കാര്യം സ്ഥിരീകരിച്ചത്. വൈറ്റ്ഫീല്ഡിലുള്ള ബെംഗളൂരുവിലെ നിര്മ്മാണ കേന്ദ്രത്തിലാണ് കമ്പനി ഏഥര് ഇലക്ട്രിക് സ്കൂട്ടര് നിര്മ്മാണം ആരംഭിച്ചത്. തുടക്കത്തില്, ഒരു ദിവസം ഏഴ് വാഹനങ്ങള് മാത്രമേ ഉത്പാദിപ്പിക്കാന് കമ്പനിക്ക് കഴിഞ്ഞുള്ളൂ.
എന്നിരുന്നാലും, നിര്മ്മാണ, അസംബ്ലി പ്രക്രിയയുടെ തുടര്ച്ചയായ ഒപ്റ്റിമൈസേഷനോടൊപ്പം, ഇത് ഓരോ ഷിഫ്റ്റിനും 75 യൂണിറ്റായി വര്ദ്ധിച്ചു. പ്രാരംഭ സംഖ്യകളില് നിന്ന് ഇത് ഗണ്യമായ വര്ദ്ധനവാണെങ്കിലും, രാജ്യത്ത് വര്ദ്ധിച്ചുകൊണ്ടിരിക്കുന്ന ഏഥര് ഇലക്ട്രിക് സ്കൂട്ടറിന്റെ ആവശ്യം നിറവേറ്റാന് ഇത് പര്യാപ്തമല്ല.
MOST READ: മൂടിക്കെട്ടലുകള് ഇല്ലാതെ ടൊയോട്ട ഫോര്ച്യൂണര് ലെജന്ഡര്; അവതരണം ഉടന്
തല്ഫലമായി, ഉത്പാദനം തമിഴ്നാട്ടിലെ ഹൊസൂരില് സ്ഥാപിക്കുന്ന പുതിയ വലിയ പ്ലാന്റിലേക്ക് മാറ്റുമെന്ന് കമ്പനി പ്രഖ്യാപിച്ചു. കമ്പനിയുടെ റിപ്പോര്ട്ട് അനുസരിച്ച്, 4,00,000 ചതുരശ്രയടി വിസ്തീര്ണമുള്ള ഈ പ്ലാന്റ് പ്രതിവര്ഷം 100,000 യൂണിറ്റുകള് ഉത്പാദിപ്പിക്കാന് രൂപകല്പ്പന ചെയ്തിട്ടുള്ളതുമാണ്.
35 ദശലക്ഷം യുഎസ് ഡോളറിന്റെ പുതിയ ധനസഹായവും കമ്പനിക്ക് അടുത്തിടെ ലഭിച്ചു. ഹീറോ മോട്ടോകോര്പ്പിന്റെ പിന്തുണയോടെ സച്ചിന് ബന്സാലാണ് നിക്ഷേപത്തിന് നേതൃത്വം നല്കിയത്. രാജ്യത്തുടനീളം ബ്രാന്ഡിന്റെ ദ്രുതഗതിയിലുള്ള വിപുലീകരണത്തിനായി ഈ ഫണ്ടുകള് ഉപയോഗിക്കും.
തമിഴ്നാട്ടില് ഒരു ഇലക്ട്രിക് വാഹന നിര്മ്മാണ പ്ലാന്റ് സ്ഥാപിക്കുന്നത് സംസ്ഥാന സര്ക്കാര് അടുത്തിടെ പ്രഖ്യാപിച്ച നിരവധി ആനുകൂല്യങ്ങള്ക്കും ഏഥര് അര്ഹമായിരിക്കും. വൈദ്യുതി നികുതിയുടെ 100 ശതമാനം ഇളവ്, ഭൂമി വാങ്ങുന്നതിനുള്ള സ്റ്റാമ്പ് ഡ്യൂട്ടി ഇളവ്, ഇലക്ട്രിക് വാഹന നികുതി ഇളവ് എന്നിവയും അതില് കൂടുതലും ഉള്പ്പെടുന്നു.
2021 ന്റെ ഒന്നാം പാദത്തോടെ 27 നഗരങ്ങളില് തങ്ങളുടെ മുന്നിര 450X ഇലക്ട്രിക് സ്കൂട്ടര് ലഭ്യമാകുമെന്ന് കമ്പനി അടുത്തിടെ പ്രഖ്യാപിച്ചിരുന്നു. രാജ്യത്ത് ബ്രാന്ഡിന്റെ ഘട്ടം -2 വിപുലീകരണത്തിന്റെ ഭാഗമാണിത്.
രാജ്യത്തെ 16 പുതിയ നഗരങ്ങളില് ഏഥര് 450X പുറത്തിറക്കുമെന്ന് കമ്പനി അറിയിച്ചതോടെ കമ്പനി ഘട്ടം 1 വിപുലീകരണ പദ്ധതി വേഗത്തില് കൈമാറി. 2020 ഡിസംബര് അവസാനത്തോടെ 150-ല് അധികം ചാര്ജിംഗ് സ്റ്റേഷനുകള് സ്ഥാപിക്കുമെന്നും കമ്പനി അറിയിച്ചിട്ടുണ്ട്.
നിലവില് 37 ഫാസ്റ്റ് ചാര്ജിംഗ് സ്റ്റേഷനുകള് ബെംഗളൂരുവിലും, 13 ഫാസ്റ്റ് ചാര്ജിംഗ് സ്റ്റേഷനുകള് ചെന്നൈയിലും പ്രവര്ത്തിക്കുന്നു. ബെംഗളൂരു (ഇന്ദിരാനഗര്), ചെന്നൈ (വാലസ് ഗാര്ഡന് സ്ട്രീറ്റ്) എന്നിവിടങ്ങളില് നിലവില് ഏഥര് സ്പെയ്സ് കേന്ദ്രങ്ങള് സ്ഥാപിച്ചിട്ടുണ്ട്.
MOST READ: ഫോര്ഡ് റേഞ്ചര് ഇന്ത്യയിലേക്ക്; പുതിയ ചിത്രങ്ങള് പുറത്ത്
പുനെയിലും അഹമ്മദാബാദിലും ഉടന് തന്നെ ടെസ്റ്റ് റൈഡുകള് ആരംഭിക്കുമെന്ന് കമ്പനി അറിയിച്ചിട്ടുണ്ട്. 450X -ന്റെ വില്പ്പനയില് ശ്രദ്ധ കേന്ദ്രീകരിക്കുന്നതിന്റെ ഭാഗമായി പഴയ പതിപ്പായ 450 മോഡലിനെ നിര്മ്മാതാക്കള് വിപണിയില് നിന്നും പിന്വലിച്ചിരുന്നു.
ഈ വര്ഷത്തിന്റെ തുടക്കത്തിലാണ് 450X എന്ന പതിപ്പിനെ ബ്രാന്ഡ് അവതരിപ്പിക്കുന്നത്. ബെംഗളൂരുവില് 99,000 രൂപയും, ഡല്ഹിയില് 85,000 രൂപയുമാണ് എക്സ്ഷോറൂം വില. ഡല്ഹിയിലെ ഇവി നയത്തിന്റെ ഭാഗമായിട്ടാണ് വിലയില് കുറവ് ഉണ്ടായിരിക്കുന്നത്.