കൊവിഡ് -19 വില്ലനായി; അന്താരാഷ്ട്ര വിപണികളിലേക്ക് ഉടനില്ലെന്ന് ഏഥര്‍

വാഹന വ്യവസായ രംഗത്ത് രണ്ട് വര്‍ഷം പൂര്‍ത്തിയാക്കിയതായതിന് പിന്നാലെയായിരുന്നു പ്രഖ്യാപനം. 2021 മാര്‍ച്ച് മാസത്തോടെ രണ്ട് അന്താരാഷ്ട്ര വിപണികളിലേക്കുകൂടി പ്രവേശിക്കുമെന്നാണ് കമ്പനി വെളിപ്പെടുത്തിയത്.

ഇതിനകം തന്നെ ചില തെക്ക് കിഴക്കന്‍ ഏഷ്യന്‍ രാജ്യങ്ങളുടെ പ്രതിനിധികളുമായി ചര്‍ച്ച നടത്തിയെന്നും കമ്പനി വക്തവ് അന്ന് വ്യക്തമാക്കിയിരുന്നു. എന്നാല്‍ പുതിയ റിപ്പോര്‍ട്ട് അനുസരിച്ച് ഈ പദ്ധതിയില്‍ കാലതാമസം വരുത്തിയതായി പ്രഖ്യാപിച്ചിരിക്കുകയാണ് ഏഥര്‍.

MOST READ: ബാബ്സ് എന്ന മോഡിഫൈഡ് V-ക്രോസിന് കൂച്ചുവിലങ്ങിട്ട് എംവിഡി

കൊവിഡ്-19 വലിയ പ്രതിസന്ധിയാണ് സൃഷ്ടിച്ചിരിക്കുന്നതെന്നും, ഇതിന്റെ ഫലമായി ഭാവി പദ്ധതികളെല്ലാം നിര്‍ത്തിവെയ്ക്കാനുമാണ് കമ്പനിയുടെ പദ്ധതി. അതേസമയം രാജ്യത്തെ പ്രവര്‍ത്തനങ്ങള്‍ കൂടുതല്‍ വ്യാപിപ്പിക്കാനും കമ്പനി പദ്ധതിയിടുന്നു.

ഞങ്ങള്‍ വരും വര്‍ഷം അന്തര്‍ദ്ദേശീയമായി പോകുന്നില്ല. ഒരുപക്ഷേ പിന്നീട് അതായത് 2020-ഓടെ മാത്രമേ അതിനെക്കുറിച്ച് ചിന്തിക്കുന്നുള്ളുവെന്നും കമ്പനി വക്താവ് വെളിപ്പെടുത്തി. എന്നാല്‍ അതിനെക്കുറിച്ചും ഉറപ്പില്ല!.

MOST READ: ഒന്ന് അങ്ങോട്ടോ ഇങ്ങോട്ടോ നീങ്ങിയാൽ പോയി; വൈറലായി ഇന്നോവ പാർക്കിംഗ് വീഡിയോ

വരും വര്‍ഷങ്ങളില്‍ ഞങ്ങള്‍ക്ക് വലിയ പദ്ധതികളുണ്ടായിരുന്നു. അന്താരാഷ്ട്ര വിപണികളിലേക്കുള്ള സജീവ സംഭാഷണങ്ങള്‍ വരെ നടന്നു. എന്നാല്‍ അപ്രതീക്ഷിതമായി എത്തിയ കൊവിഡ്-19 എല്ലാം തകിടം മറിച്ചുവെന്നും റിപ്പോര്‍ട്ടില്‍ പറയുന്നു. തെക്ക് കിഴക്കന്‍ ഏഷ്യന്‍ രാജ്യങ്ങളുടെ പ്രതിനിധികളുമായിട്ടായിരുന്നു ചര്‍ച്ചകള്‍.

തെക്ക് കിഴക്കന്‍ ഏഷ്യന്‍ രാജ്യങ്ങളില്‍ ഇലക്ട്രിക്ക് വാഹനങ്ങള്‍ക്ക് വലിയ ഡിമാന്റ് ഉള്ളതുകൊണ്ടാണ് ഈ മേഖല തുടക്കത്തില്‍ തന്നെ തെരഞ്ഞെടുത്തത്. ഈ രാജ്യങ്ങളില്‍ ഇലക്ട്രിക് വാഹനങ്ങള്‍ ചാര്‍ജിങ്ങിനുള്ള വലിയ സൗകര്യങ്ങളുണ്ട്.

MOST READ: പുതുമകളോടെ 2021 ഹിമാലയന്‍ യുഎസില്‍ അവതരിപ്പിച്ച് റോയല്‍ എന്‍ഫീല്‍ഡ്

അതുകൊണ്ട് തന്നെ ഇലക്ട്രിക് വാഹനങ്ങള്‍ക്ക് വലിയ സ്വീകാര്യതയാണ് ലഭിക്കുന്നത്. തെക്ക് കിഴക്കന്‍ ഏഷ്യയെ കൂടാതെ, യൂറോപ്പിലെയും ലാറ്റിന്‍ അമേരിക്കയിലെയും വിപണികളിലേക്ക് പ്രവേശിക്കാനും കമ്പനി ആഗ്രഹിക്കുന്നു.

അവിടങ്ങളിലും ഇലക്ട്രിക് ഇരുചക്ര വാഹനങ്ങളുടെ ആവശ്യകത വര്‍ദ്ധിച്ചുവരികയാണ്. ആവശ്യം നിറവേറ്റുന്നതിനായി പ്രാദേശിക അസംബ്ലി പ്ലാന്റുകള്‍ അന്താരാഷ്ട്ര വിപണികളില്‍ സ്ഥാപിക്കാനും ഇത് ലക്ഷ്യമിടുന്നു.

MOST READ: വിപണിയിലേക്ക് ഉടൻ, പുതിയ എൻഡവർ സ്പോർട്ട് ഡീലർമാരിലേക്ക് എത്തിത്തുടങ്ങി

ഏഥറിന്റെ മറ്റ് വാര്‍ത്തകളിലേക്ക് വന്നാല്‍ 2020 ജനുവരിയില്‍ പുറത്തിറക്കിയ 450X -ന്റെ വില്‍പ്പനയില്‍ ശ്രദ്ധ കേന്ദ്രീകരിക്കാനാണ് കമ്പനി ശ്രമിക്കുന്നത്. നിലവില്‍ സ്‌കൂട്ടര്‍ ബംഗളൂരുവില്‍ വില്‍ക്കുന്നുണ്ട്.

വരും മാസങ്ങളില്‍ ഇന്ത്യയിലുടനീളം സാന്നിധ്യം വ്യാപിപ്പിക്കാന്‍ കമ്പനി പദ്ധതിയിടുന്നു. പൂനെ, മുംബൈ, ഹൈദരാബാദ്, കൊച്ചി, അഹമ്മദാബാദ്, കൊല്‍ക്കത്ത എന്നീ നഗരങ്ങളിലേക്കും വില്‍പ്പന വ്യാപിപ്പിക്കാനാണ് കമ്പനി ശ്രദ്ധിക്കുന്നത്.

വിപണിശ്യംഖല വ്യാപിക്കുന്നതോടെ മോഡലുകളുടെ വില്‍പ്പന ഉയര്‍ത്താമെന്നാണ് കമ്പനിയുടെ പ്രതീക്ഷ. ബംഗളൂരുവില്‍ 99,000 രൂപയാണ് ഏഥര്‍ 450X എക്സ്ഷോറും വില. എന്നാല്‍ ഡല്‍ഹിയില്‍ 85,000 രൂപയുമാണ് വില.