Just In
- 28 min ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
- 56 min ago ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ'
- 1 hr ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
- 2 hrs ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
Don't Miss
- News പത്തനംതിട്ടയില് അട്ടിമറി ഉണ്ടാകുമോ? ഇടതിന് പ്രതീക്ഷ, ആത്മവിശ്വാസം കൈവിടാതെ യുഡിഎഫ്
- Lifestyle ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ
- Sports IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ
- Movies ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള്
- Technology ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
വിൽപ്പനയിൽ കരുത്തുകാട്ടി ഹീറോയും ഹോണ്ടയും; കിതച്ച് സുസുക്കിയും എൻഫീൽഡും
ഇരുചക്ര വാഹന വിപണിയിലെ വാർഷിക വിൽപ്പനയിൽ 2.78 ശതമാനത്തിന്റെ വളർച്ച. കഴിഞ്ഞ ഓഗസ്റ്റിൽ വിറ്റഴിച്ച 14,53,723 യൂണിറ്റുകളിൽ നിന്ന് 14,94,176 യൂണിറ്റായാണ് ഇത്തവണ ഉയർന്നത്.
കൂടാതെ 2020 ജൂലൈയിൽ വിറ്റ 12,27,745 യൂണിറ്റുകളെ അപേക്ഷിച്ച് 28 ശതമാനം വർധനവാണ് പ്രതിമാസ വിൽപ്പനയിലും കമ്പനികൾ നേടിയെടുത്തിരിക്കുന്നത്.
ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ് ഓഗസ്റ്റിൽ 12 ശതമാനത്തിന്റെ വളർച്ച രേഖപ്പെടുത്തി. കഴിഞ്ഞ ഓഗസ്റ്റിൽ 5,24,003 യൂണിറ്റിൽ നിന്ന് 2020 ഓഗസ്റ്റിൽ 5,84,456 യൂണിറ്റായി വിൽപ്പന ഉയർന്നതും നേട്ടമായി.
MOST READ: പുതിയ 1200GT പ്രീമിയം ടൂറർ മോട്ടോർസൈക്കിൾ അവതരിപ്പിച്ച് ബെനലി
2020 ജൂലൈയിൽ വിറ്റ 5,06,946 യൂണിറ്റുകളെ അപേക്ഷിച്ച് പ്രതിമാസ വിൽപ്പന 15 ശതമാനം ഉയർന്നു. അതേസമയം കയറ്റുമതിയുടെ കാര്യത്തിൽ ഹീറോ 18.66 ശതമാനത്തിന്റെ ഇടിവും രേഖപ്പെടുത്തി. അർദ്ധനഗര, ഗ്രാമീണ വിപണികളിൽ നിന്ന് ശക്തമായ ഡിമാൻഡുണ്ടെന്ന് കമ്പനി പ്രസ്താവനയിൽ വെളിപ്പെടുത്തുന്നു.
സർക്കാർ നയങ്ങൾ അനുകൂലമായതിനാലും ഉപഭോക്തൃ ആത്മവിശ്വാസം വർധിക്കുന്നതിനാലും വരും മാസങ്ങളിൽ ഈ വേഗത തുടരുമെന്ന് കമ്പനി പ്രതീക്ഷിക്കുന്നു. ഹീറോയുടെ ഉത്പാദനവും 100 ശതമാനത്തോട് അടുക്കുന്നുണ്ട്.
MOST READ: ട്രാക്കിലൂടെ പായാം; M1000RR മോഡൽ പുറത്തിറക്കി ബിഎംഡബ്ല്യു മോട്ടോറാഡ്
2020 ഓഗസ്റ്റിൽ 4,28,231 യൂണിറ്റുകൾ വിറ്റ ഹോണ്ടയാണ് രണ്ടാം സ്ഥാനത്ത്. കഴിഞ്ഞ വർഷം ഓഗസ്റ്റിൽ വിറ്റ 4,25,664 യൂണിറ്റുകളെ അപേക്ഷിച്ച് വാർഷിക വിൽപ്പന ഒരു ശതമാനം ഉയർന്നു. 2020 ജൂലൈയിൽ വിറ്റ 3,09,332 യൂണിറ്റുകളെ അപേക്ഷിച്ച് 38 ശതമാനം നേട്ടമാണ് പ്രതിമാസ വിൽപനയിൽ നേടിയത്.
നടപ്പ് സാമ്പത്തിക വർഷത്തിൽ ആദ്യമായാണ് ഹോണ്ടയുടെ വിൽപന നാല് ലക്ഷം കടന്നത് എന്നതും ശ്രദ്ധേയമാണ്. എന്നാൽ ബ്രാൻഡിന്റെ ഹോണ്ട ഇരുചക്രവാഹന കയറ്റുമതി 2020 ഓഗസ്റ്റിൽ 41.47 ശതമാനം ഇടിഞ്ഞു.
MOST READ: 2021 മോഡൽ Z900 പുറത്തിറക്കി കവസാക്കി; കൂട്ടിന് പുതിയ മൂന്ന് കളർ ഓപ്ഷനുകളും
ഓഗസ്റ്റിൽ 321,058 യൂണിറ്റുകളുടെ മൊത്തം വിൽപ്പനയുള്ള ബജാജ് ഓട്ടോയാണ് മൂന്നാം സ്ഥാനത്ത്. കഴിഞ്ഞ വർഷം ഇതേ കാലയളവിൽ വിറ്റ 325,300 യൂണിറ്റുകളെ അപേക്ഷിച്ച് വാർഷിക വിൽപന ഒരു ശതമാനം ഇടിഞ്ഞെങ്കിലും ആഭ്യന്തര വിപണിയിൽ ഓഗസ്റ്റിൽ മൊത്തം 178,220 യൂണിറ്റുകൾ ബജാജ് വിറ്റഴിച്ചു.
2020 ജൂലൈയിൽ വിറ്റ 152,474 യൂണിറ്റുകളെ അപേക്ഷിച്ച് പ്രതിമാസ വിൽപ്പനയും 17 ശതമാനം വർധിച്ചു. ഓഗസ്റ്റിൽ ബജാജിന്റെ കയറ്റുമതി ആറ് ശതമാനവും കുറഞ്ഞു. കഴിഞ്ഞ ഓഗസ്റ്റിൽ 152,276 യൂണിറ്റിൽ നിന്ന് ഇത്തവണയത് 142,838 യൂണിറ്റായി.
MOST READ: പരിഷ്കരിച്ച 2021 CB 125 F അവതരിപ്പിച്ച് ഹോണ്ട
ടിവിഎസ് മോട്ടോർ ഓഗസ്റ്റിൽ 277,226 യൂണിറ്റുകളാണ് നിരത്തിലെത്തിച്ചത്. കഴിഞ്ഞ വർഷം ഓഗസ്റ്റിൽ വിറ്റ 275,851 യൂണിറ്റിന് സമാനമാണിത്. 2020 ജൂലൈയിൽ വിറ്റ 1,89,647 യൂണിറ്റുകളെ അപേക്ഷിച്ച് 46 ശതമാനം വളർച്ച പ്രതിമാസ വിൽപ്പനയിൽ കമ്പനി കൈവരിച്ചിട്ടുണ്ട്. അതേസമയം കയറ്റുമതിയിൽ വളർച്ച രേഖപ്പെടുത്തിയ ഏക കമ്പനിയാണ് ടിവിഎസ്.
2020 ഓഗസ്റ്റിൽ ആഭ്യന്തര വിപണിയിലെ വിൽപ്പനയിൽ നഷ്ടം നേരിട്ട ബ്രാൻഡുകളിൽ സുസുക്കി മോട്ടോർസൈക്കിൾ ഇന്ത്യ, റോയൽ എൻഫീൽഡ് എന്നിവ ഉൾപ്പെടുന്നു. കഴിഞ്ഞ മാസം 57,901 യൂണിറ്റായിരുന്നു സുസുക്കിയുടെ വിൽപ്പന. ഇത് എട്ട് ശതമാനത്തിന്റെ ഇടിവാണ് സൂചിപ്പിക്കുന്നത്.
റെട്രോ ക്ലാസിക് മോട്ടോർസൈക്കിൾ നിർമാതാക്കളായ റോയൽ എൻഫീൽഡിന്റെ വാർഷിക വിൽപ്പനയിൽ അഞ്ച് ശതമാനത്തിന്റെ ഇടിവാണ് ഉണ്ടായത്. കഴിഞ്ഞ ഓഗസ്റ്റിലെ 52,904 യൂണിറ്റിൽ നിന്നും ഇത്തവണയത് 50,144 യൂണിറ്റായി ചുരുങ്ങി.
എങ്കിലും 2020 ജൂലൈയിൽ വിറ്റ 37,925 യൂണിറ്റുകളെ അപേക്ഷിച്ച് പ്രതിമാസ വിൽപനയിൽ 32 ശതമാനം വളർച്ച കൈവരിച്ചത് ആശ്വാസകരമാണ്. എന്നാൽ കയറ്റുമതി വിപണിയിൽ ബ്രാൻഡിന് 38 ശതമാനം നഷ്ടമാണ് ഉണ്ടായിരിക്കുന്നത്.