Just In
- 1 hr ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 2 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 2 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
- 3 hrs ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
Don't Miss
- News 48 മണിക്കൂര് ഒരു തുള്ളി മദ്യം കിട്ടില്ല, ബിവറേജും ബാറും അടച്ചിടും; കേരളത്തില് നാളെ മുതല് ഡ്രൈ ഡേ
- Lifestyle മദ്യപിച്ച് വാഹനമോടിച്ച വ്യക്തിയെ വെറുതെവിട്ട് കോടതി, കാരണം ഓട്ടോ ബ്ര്യൂവറി സിന്ഡ്രം അഥവാ മദ്യപാന രോഗം
- Movies ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പുത്തൻ ബിഎസ്-VI പൾസർ RS200 ഡീലർഷിപ്പുകളിൽ എത്തി; ഡെലിവറി ഉടൻ ആരംഭിക്കും
ബജാജ് തങ്ങളുടെ ജനപ്രിയ മോഡലായ പൾസർ ശ്രേണിയെ ബിഎസ്-VI ന് അനുസൃതമായി പരിഷ്ക്കരിച്ച് വിപണിയിൽ എത്തിക്കുകയാണ്. അതിന്റെ ഭാഗമായി സ്പോർട്സ് കമ്മ്യൂട്ടർ ബൈക്കായ പൾസർ RS200 ന്റെ നവീകരിച്ച പതിപ്പ് ഡീലർഷിപ്പുകളിൽ എത്തിത്തുടങ്ങി.
പുതിയ ബിഎസ്-VI പൾസർ RS200 ന് 1,43,717 രൂപയായിരിക്കും എക്സ്ഷോറൂം വില. ഇത് നിലവിലെ ബിഎസ്-IV പതിപ്പിനേക്കാൾ ഏകദേശം 3,000 രൂപയോളം വർധനവാണ് സൂചിപ്പിക്കുന്നത്. ബജാജ് മോട്ടോർസൈക്കിളുകളുടെ മറ്റ് ബിഎസ്-VI പതിപ്പുകളെപ്പോലെ തന്നെ പൾസർ RS200 നും അതിന്റെ രൂപകൽപ്പനയിലും സ്റ്റൈലിംഗിലും വലിയ മാറ്റങ്ങളൊന്നും ഉണ്ടാകില്ല.
എങ്കിലും പുതുക്കിയ ഗ്രാഫിക്സും പുതിയ കളർ ഓപ്ഷനുകളും മാത്രമാണ് ബൈക്കിലെ പുതിയ കൂട്ടിച്ചേർക്കലുകളായി പറയാൻ സാധിക്കുന്നത്. എന്നിരുന്നാലും പുതിയ കളർ ഓപ്ഷനുകളെക്കുറിച്ചുള്ള വിശദമായ വിവരങ്ങൾ കമ്പനി ഇതുവരെ വെളിപ്പെടുത്തിയിട്ടില്ല.
ഗ്രാഫൈറ്റ് ബ്ലാക്ക്, റേസിംഗ് ബ്ലൂ, റേസിംഗ് റെഡ് എന്നീ മൂന്ന് കളർ ഓപ്ഷനുകളിലാണ് നിലവിലുള്ള മോഡൽ വാഗ്ദാനം ചെയ്യുന്നത്. പുതിയ മോഡലിനൊപ്പം ഇതേ കളർ ഓപ്ഷനുകൾ തുടരാനാണ് സാധ്യത.
ബിഎസ്-VI എഞ്ചിനെക്കുറിച്ച് പറയുമ്പോൾ പവർ, ടോർഖ് ഔട്ട്പുട്ട് എന്നിവയിൽ വലിയ മാറ്റങ്ങളൊന്നും ഉണ്ടാകാൻ സാധ്യതയില്ല. മാത്രമല്ല, ബിഎസ്-IV മോഡലിൽ നിലവിൽ ഉപയോഗിക്കുന്ന എഞ്ചിൻ ഇതിനകം തന്നെ ഫ്യുഴൽ ഇഞ്ചക്ഷനുമായാണ് വിപണിയിൽ എച്ചുന്നത്. അതായത് നവീകരിച്ച എഞ്ചിന് കുറഞ്ഞ പരിഷ്ക്കരണങ്ങൾ മാത്രമാണ് വേണ്ടിവരിക.
പുതിയ മലിനീകരണ മാനദണ്ഡങ്ങൾ പാലിക്കുന്നതിനായി ബിഎസ്-VI പൾസർ RS200 ന് നവീകരിച്ച കാറ്റലറ്റിക് കൺവെർട്ടർ ഉണ്ടായിരിക്കും. അതോടൊപ്പം O2 സെൻസറും ഉണ്ടാകും.
ബിഎസ്-IV മോഡൽ 9750 rpm-ൽ 24.5 bhp കരുത്തും 8000 rpm-ൽ പരമാവധി 18.6 Nm torque ഉം ഉത്പാദിപ്പിക്കുന്നു. ഈ കണക്കുകളിൽ നിന്ന് നേരിയ വ്യത്യാസം മാത്രമാകും ബിഎസ്-VI പൾസർ RS200 ന് ഉണ്ടാവുക. ആറ് സ്പീഡ് ഗിയർബോക്സും മുമ്പത്തേതിന് സമാനമായിരിക്കും.
നിലവിൽ പൾസർ RS200 ന് മണിക്കൂറിൽ പരമാവധി 140.8 വേഗത കൈവരിക്കാൻ സാധിക്കും. ബിഎസ്-VI ലേക്ക് നവീകരിക്കുന്നതോടെ ഇതിലും കുറവുണ്ടാകാൻ സാധ്യത കാണുന്നു.
മെക്കാനിക്കലുകളുടെ കാര്യത്തിൽ ഒരേയൊരു പ്രധാന വ്യത്യാസം ഇരട്ട-ചാനൽ എബിഎസിന്റെ കൂട്ടിച്ചേർക്കലാണ്. നിലവിലെ മോഡലിന് സിംഗിൾ-ചാനൽ എബിഎസ് മാത്രമേ ലഭിക്കൂ. ഡ്യുവൽ പ്രൊജക്ടർ ഹെഡ്ലാമ്പുകൾ, പെരിമീറ്റർ ഫ്രെയിം, ക്രിസ്റ്റൽ എൽഇഡി ടെയിൽ ലാമ്പുകൾ എന്നിവ മോട്ടോർസൈക്കിൾ മുന്നോട്ടു കൊണ്ടുപോകും.
ടെലിസ്കോപ്പിക് ഫ്രണ്ട് സസ്പെൻഷൻ, കാനിസ്റ്ററിനൊപ്പം നൈട്രോക്സ് മോണോ റിയർ ഷോക്ക് അബ്സോർബർ എന്നിവയാണ് സസ്പെൻഷൻ കൈകാര്യം ചെയ്യുക. ഡ്യുവൽ ചാനൽ എബിഎസുമായി സംയോജിപ്പിച്ച 300 mm ഫ്രണ്ട് ഡിസ്കും 230 mm റിയർ ഡിസ്കും ബ്രേക്കിംഗ് സിസ്റ്റത്തിൽ ഉൾപ്പെടുന്നു. ട്യൂബ് ലെസ് ടയറുകളുള്ള മോട്ടോസൈക്കിളിന് ഇരുവശത്തും 17 ഇഞ്ച് വീലുകളാണ് നൽകുന്നത്.
വിപണിയിൽ മത്സരം തുടരുന്നതിന് ബജാജ് അതിന്റെ ബിഎസ്-VI മോഡലുകൾക്കായി ആക്രമണാത്മക വിലനിർണയ തന്ത്രം പിന്തുടരുന്നതായാണ് മനസിലാക്കാൻ സാധിക്കുന്നത്. മറ്റ് പ്രമുഖ ബ്രാൻഡുകളുടെ ബിഎസ്-VI സ്കൂട്ടറുകൾക്കും മോട്ടോർ സൈക്കിളുകൾക്കും 5,00 മുതൽ 10,000 രൂപ വരെ വർധിച്ചപ്പോൾ ബജാജിന്റെ നവീകരിച്ച ബൈക്കുകൾ താരതമ്യേന കുറഞ്ഞ നിരക്കിൽ വാഗ്ദാനം ചെയ്യുന്നു.
പൾസർ RS200 ന്റെ കാര്യത്തിൽ, ഉപഭോക്താക്കൾക്ക് ബിഎസ്-VI എഞ്ചിൻ, ഡ്യുവൽ-ചാനൽ എബിഎസ് എന്നിവ ലഭിക്കുന്നുത് കണക്കിലെടുക്കുമ്പോൾ 3,000 രൂപയുടെ വർധനവ് സ്വാഗതാർഹമാണ്.