Just In
- 9 hrs ago കേന്ദ്ര ഇവി പോളിസിയിൽ സന്തോഷം അറിയിച്ച് ബ്രാൻഡുകൾ, ടെസ്ല എത്താൻ ഇനി വൈകില്ല
- 13 hrs ago ഏറ്റവും ഡിമാന്റുള്ള മാരുതി കാറിന് 77,000 രൂപ വിലക്കുറവ്, ഫ്രോങ്ക്സ് വാങ്ങാൻ ഏറ്റവും നല്ലസമയം ഇതു തന്നെ
- 13 hrs ago കാത്തിരിപ്പ് അവസാനിപ്പിക്കാമെന്ന് ആർടിഒ... ഓഫീസുകളിലേക്ക് എത്തുന്നത് എട്ട് ലക്ഷം ലൈസൻസുകളും ആർസി ബുക്കുകളും
- 14 hrs ago ADAS, 360 ഡിഗ്രി ക്യാമറ അങ്ങനെ കുറേ ഫീച്ചറുകൾ; വേറെ ലെവലാവാൻ സ്കോഡ കുഷാഖും സ്ലാവിയയും
Don't Miss
- Sports IPL 2024: സഞ്ജു രോഹിത്തിനെപ്പോലെ, ക്യാപ്റ്റന്സി കിടു- താരതമ്യപ്പെടുത്തി ദ്രുവ് ജുറേല്
- News പ്രധാനമന്ത്രി നരേന്ദ്ര മോദിയുടെ റോഡ് ഷോ ഇന്ന് പാലക്കാട്: വോട്ടർമാർക്കായി കരുതിവെച്ച വാഗ്ദാനം എന്ത്
- Movies 'മണിക്ക് കൊടുത്തതുകൊണ്ട് ഒരിക്കലും ലാലിന് ഒരു കുഴപ്പവും വരികയില്ല എന്നൊരു അഭിപ്രായമാണ് ഞാൻ പറഞ്ഞത്'
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
- Technology രണ്ടെണ്ണം സൂപ്പറാണ്! ഇൻഫിനിക്സ് നോട്ട് 40 സീരീസ് ലോഞ്ച് ചെയ്തു
- Finance നിക്ഷേപത്തിന് ഉയർന്ന പലിശ വേണോ, നൽകാൻ പോസ്റ്റ് ഓഫീസ് റെഡിയാണ്, നോക്കുന്നോ
- Travel മലയാളികളേക്കാൾ പ്രിയം കർണ്ണാടകക്കാർക്ക്, കടലിനു നടുവിലെ കുളം!
ബിഎസ്-VI എഞ്ചിനുമായി ബുള്ളറ്റ് 350 എത്തുന്നു, ബുക്കിംഗുകൾ ആരംഭിച്ചു
ബിഎസ്-VI റോയൽ എൻഫീൽഡ് ബുള്ളറ്റ് 350 ക്കായുള്ള അനൗദ്യോഗിക ബുക്കിംഗുകൾ ആരംഭിച്ചു. ബുക്കിംഗ് തുകയായി 10,000 രൂപയാണ് ഡീലർഷിപ്പുകളിൽ ഈടാക്കുന്നത്.
പുതിയ മലിനീകരണ മാനദണ്ഡങ്ങൾക്ക് അനുസൃതമായി എഞ്ചിൻ പരിഷ്ക്കരിക്കുന്നതൊഴിച്ചാൽ വാഹനത്തിൽ മറ്റ് മാറ്റങ്ങളൊന്നും ഉണ്ടായേക്കില്ലെന്നാണ് പ്രതീക്ഷിക്കുന്നത്.
346 സിസി സിംഗിൾ സിലിണ്ടർ എയർ-കൂൾഡ് എഞ്ചിന് അടുത്തിടെ പുറത്തിറക്കിയ ക്ലാസിക് 350 ബിഎസ്-VI പതിപ്പിന്റേതു പോലെ ഇലക്ട്രോണിക് ഫ്യുവൽ ഇഞ്ചക്ഷൻ സംവിധാനം ലഭിക്കും. പരിഷ്ക്കരിച്ച എഞ്ചിനിൽ 0.71 bhp യുടെ കുറവുണ്ടാകുമ്പോൾ ടോർഖ് ഔട്ട്പുട്ട് അതേപടി നിലനിർത്തും.
അതായത് പുതിയ യൂണിറ്റ് 19.3 bhp കരുത്തിൽ 28 Nm torque ആകും ഉത്പാദിപ്പിക്കുക. എഞ്ചിൻ അഞ്ച് സ്പീഡ് ഗിയർബോക്സുമായി തന്നെ ജോടിയാക്കും.
റോയൽ എൻഫീൽഡ് ബുള്ളറ്റ് 350 ബിഎസ്-VI പുതിയ കളർ ഓപ്ഷനുകളിൽ വിപണിയിൽ അവതരിപ്പിക്കാൻ സാധ്യതയുണ്ട്. ഇതിൽ ഇലക്ട്രിക്, കിക്ക് സ്റ്റാർട്ട് വകഭേദങ്ങൾ തന്നെ ഓഫർ ചെയ്യുമെന്ന് പ്രതീക്ഷിക്കുന്നു.
ഫ്യുവൽ ഇഞ്ചക്ഷന്റെ കൂട്ടിച്ചേർക്കൽ ഏകദേശം 10,000 മുതൽ 12,000 രൂപ വരെ വില വർധനവിന് വഴിവെച്ചേക്കാം. പ്രാരംഭ മോഡലായ കിക്ക് സ്റ്റാർട്ട് പതിപ്പിന് നിലവിൽ 1.21 ലക്ഷം രൂപയാണ് എക്സ്ഷോറൂം വില.
ഫ്രെയിം, സസ്പെൻഷൻ, ബ്രേക്ക്, മറ്റ് ഘടകങ്ങൾ എന്നിവ ഇപ്പോൾ മാറ്റമില്ലാതെ തുടരും. പരമ്പരാഗത ടെലിസ്കോപ്പിക് ഫ്രണ്ട് ഫോർക്ക്, ട്വിൻ റിയർ ഷോക്ക് അബ്സോർബറുകൾ എന്നിവ റെട്രോ ക്ലാസിക് മോട്ടോർസൈക്കിളിൽ സജ്ജീകരിച്ചിരിക്കുന്നു.
280 mm ഫ്രണ്ട് ഡിസ്കും 153 mm റിയർ ഡ്രമ്മുമാണ് ബ്രേക്കിംഗ്. സിംഗിൾ-ചാനൽ എബിഎസ് ഒരു സ്റ്റാൻഡേർഡ് ഫിറ്റ്മെന്റാണ്. 3.75 x 19 ടയറുകളാൽ പൊതിഞ്ഞ സ്പോക്ക്ഡ് വീലുകളിലാണ് മോട്ടോർസൈക്കിളിൽ ലഭ്യമാകുന്നത്.
2020 റോയൽ എൻഫീൽഡ് ബുള്ളറ്റ് 350 ബിഎസ്-VI വരും ദിവസങ്ങളിൽ വിപണിയിലെത്തും. ജനപ്രിയ ക്ലാസിക് 350-ന് ഇഷ്ടപ്പെടുന്നവർക്ക് തെരഞ്ഞെടുക്കാൻ ,സാധിക്കുന്ന ഒരു ബദൽ മോട്ടോർസൈക്കിളാണിത്. എൻഫീൽഡിന്റെ നിലവിലെ ശ്രേണിയിലെ ഏറ്റവും വില കുറഞ്ഞ മോഡലും ബുള്ളറ്റ് 350 യാണ്.
എന്നാൽ ഈ വർഷം അവസാനത്തോടെ ഭാരം കുറഞ്ഞതും താങ്ങാനാവുന്നതുമായ ഒരു വാഹനത്തെ പുറത്തിറക്കാൻ തയാറാവുകയാണ് റെട്രോ മോട്ടോർസൈക്കിൾ നിർമാതാക്കൾ. ചെറുപ്പക്കാരായ സ്ത്രീ പ്രേക്ഷകരെ ലക്ഷ്യമാക്കിയാണ് ഇതിന്റെനിർമാണം പൂർത്തിയാക്കുന്നത്.
ഇതിന് എക്സ്പ്ലോറർ എന്ന് പേര് നൽകാനാണ് സാധ്യത. പുതിയ ഉൽപ്പന്നം റെട്രോ ക്ലാസിക് ഡിസൈൻ സ്വീകരിക്കുമെങ്കിലും കൂടുതൽ യുവത്വ ആകർഷണം മോഡലിൽ ഉൾപ്പെടുത്താൻ സാധ്യതയുണ്ട്.
പുതിയ മലിനീകരണ നിമയം വരുന്നതിന്റെ ഭാഗമായി 500 സിസി ബൈക്കുകളുടെ ഉത്പാദനം കമ്പനി അവസാനിപ്പിച്ചിരുന്നു. ഈ മോഡലുകളൾക്ക് കാര്യമായ വിൽപ്പന ലഭിക്കുന്നില്ല എന്നതും ഇതിന് പ്രചോദനമായിട്ടുണ്ട്. ഇതിന്റെ ഭാഗമായി ക്ലാസിക്ക് 500 ന്റെ ലിമിറ്റഡ് എഡിഷന് മോഡല് കമ്പനി വിപണിയിൽ എത്തിച്ചിട്ടുണ്ട്. ഇത് പരിമിത യൂണിറ്റുകളിൽ മാത്രമായിരിക്കും എത്തുക.