കെടിഎം, ഹസ്ഖ്‌വര്‍ണ മോഡലുകളുടെ വില വർധിപ്പിച്ചു

Published: Saturday, May 16, 2020, 20:23 [IST]

കൊറോണ വൈറസ് പകർച്ചവ്യാധി കാരണം, എല്ലാ വാഹന നിർമ്മാതാക്കളും അവരുടെ ഉൽപാദനവും വിൽപ്പനയും ഇത്രയും നാൾ നിർത്തിവെച്ചിരിക്കുകയായിരുന്നു.

എന്നാൽ ഇപ്പോൾ ലോക്ക്ഡൗണിൽ ഇളവുകൾ ലഭിച്ചതോടെ നിരവധി വാഹന നിർമ്മാതാക്കൾ അവരുടെ ഉൽ‌പാദനത്തിനൊപ്പം ഷോറൂമുകളുടേയും പ്രവർത്തനങ്ങൾ ആരംഭിച്ചിരിക്കുകയാണ്.

കെടിഎം, ഹസ്ഖ്‌വര്‍ണ മോഡലുകളുടെ വില വർധിപ്പിച്ചു

ലോക്ക്ഡൗൺ ഇളവ് കാരണം രാജ്യത്തുടനീളം പലയിടത്തും ഡീലർഷിപ്പുകളിൽ പ്രവർത്തനങ്ങൾ ആരംഭിക്കുമെന്ന് ബൈക്ക് നിർമാതാക്കളായ കെടിഎം ഇന്ത്യ അടുത്തിടെ സ്ഥിരീകരിച്ചിരുന്നു. 2020 ഏപ്രിൽ 1 മുതൽ ബി‌എസ് VI എമിഷൻ മാനദണ്ഡങ്ങൾ ഇന്ത്യയിൽ നടപ്പാക്കിയിരുന്നു.

MOST READ: ലോക്ക്ഡൗണിലും 5000 യൂണിറ്റോളം ബുക്കിംഗ് നേടിയെടുത്ത് ഇഗ്നിസ് ഫെയ്‌സ്‌ലിഫ്റ്റ്

പുതുക്കിയ എമിഷൻ മാനദണ്ഡങ്ങൾ നിലവിൽ വന്നതിനുശേഷം ആദ്യമായിട്ടാണ് ബിഎസ് VI ബൈക്കുകളുടെ വിൽപ്പന കെടിഎം ഡീലർഷിപ്പുകളിൽ അടക്കം നിരവധി ഷോറൂമുകളിലും ആരംഭിക്കുന്നത് എന്നത് ശ്രദ്ധിക്കേണ്ട കാര്യമാണ്.

രാജ്യത്തെ നിലവിലെ സാഹചര്യങ്ങളും വിപണിയിലെ പ്രതസന്ധികളും നിലനിൽക്കേ കെടിഎമ്മിനൊപ്പം ഹസ്‌ക്വർണയും തങ്ങളുടെ ബൈക്കുകളുടെ വില വർധിപ്പിച്ചിരിക്കുകയാണ്.

MOST READ: പ്രയസ് ഹൈബ്രിഡ് സെഡാന് 20 വയസ്; ആഘോഷത്തിനായി പ്രത്യേക പതിപ്പൊരുക്കി ടൊയോട്ട

ഇരു കമ്പനികളും തങ്ങളുടെ വാഹന നിരയിലെ എല്ലാ മോഡലുകളുടേയും വില വർധിപ്പിച്ചു. നിലവിലെ എക്സ്-ഷോറൂം വിലയിൽ നിന്ന് 4,096 രൂപ മുതൽ 5,109 രൂപ വരെയാണ് നിർമ്മാതാക്കൾ വില ഉയർത്തിയിരിക്കുന്നത്.

Model	Old Price	New Price	Difference
Duke 125	Rs 1,38,042	Rs 1,42,265	Rs 4,223
Duke 200	Rs 1,72,749	Rs 1,76,845	Rs 4,096
Duke 250	Rs 2,00,576	Rs 2,05,312	Rs 4,736
Duke 390	Rs 2,52,928	Rs 2,57,906	Rs 4,978
RC 125	Rs 1,55,277	Rs 1,59,629	Rs 4,352
RC 200	Rs 1,96,768	Rs 2,00,864	Rs 4,096
RC 390	Rs 2,48,075	Rs 2,53,184	Rs 5,109
390 Adventure	Rs 2,99,001	Rs 3,04,110	Rs 5,109
Svartpilen 250	Rs 1,80,032	Rs 1,84,768	Rs 4,736
Vitpilen 250	Rs 1,80,032	Rs 1,84,768	Rs 4,736

MOST READ: തെരഞ്ഞെടുത്ത മോഡലുകൾക്ക് ആനുകൂല്യങ്ങളുമായി ടാറ്റ മോട്ടോർസും

കെടിഎമ്മിന്റെ ഏറ്റവും താങ്ങാനാവുന്ന ബൈക്കായ കെടിഎം 125 ഡ്യൂക്കിന്റെ വിലയും 4,223 രൂപ വർധിച്ചു. 2018 -ൽ ഈ ബൈക്ക് ഇന്ത്യയിൽ അവതരിപ്പിച്ചതിനു ശേഷം പലതവണയായി വാഹനത്തിന്റെ വില 25,000 രൂപ വർധിച്ചതായും നമുക്ക് കണ്ടെത്താൻ കഴിയും.

ഇരുചക്ര വാഹന നിർമ്മാതാക്കളായ ഹസ്ഖ്‌വര്‍ണ അടുത്തിടെയാണ് സ്വാർട്ട്പിലൻ 250, വിറ്റ്‌പിലൻ 250 എന്നീ മോഡലുകളുമായി ഇന്ത്യൻ വിപണിയിലേക്ക് പ്രവേശിച്ചത്. ഇപ്പോൾ കമ്പനി ഇരു മോഡലുകളുടേയും വില 4,736 രൂപ വർധിപ്പിച്ചു.