യൂറോപ്യൻ വിപണിക്കായി പുതിയ വെർസിസ് 1000 S വേരിയന്റ് പുറത്തിറക്കി കവസാക്കി

വെർസിസ് 1000 SE LT പ്ലസിൽ നിന്ന് വ്യത്യസ്തമായി S വേരിയന്റിന് ഷോവയുടെ സ്കൈഹൂക്ക് ഇലക്ട്രോണിക് സജ്ജീകരിച്ച റൈഡ് അഡ്ജസ്റ്റ്മെന്റ് സാങ്കേതികവിദ്യ ഉൾക്കൊള്ളുന്ന കവസാക്കി ഇലക്ട്രോണിക് കൺട്രോൾ സസ്പെൻഷൻ ലഭിക്കുന്നില്ല.

പകരം S പതിപ്പ് രണ്ട് അറ്റത്തും മാനുവലി അഡ്‌ജസ്റ്റബിൾ സജ്ജീകരണമാണ് പരിചയപ്പെടുത്തുന്നത്. യഥാർഥത്തിൽ പുതിയ 2021 കവസാക്കി വെർസിസ് 1000 S ലിറ്റർ ക്ലാസ് ടൂറർ ശ്രേണിയുടെ മിഡിൽ വേരിയന്റാണ്. ഇതിന് 14,227 യൂറോയാണ് വിലയായി നിശ്ചയിച്ചിരിക്കുന്നത്. അതയായത് ഏകദേശം 12.26 ലക്ഷം രൂപ.

MOST READ: പുതിയ 650 സിസി ക്രൂയിസർ മോഡലുമായി റോയൽ‌ എൻ‌ഫീൽ‌ഡ് ഒരുങ്ങുന്നു; സ്പൈ ചിത്രങ്ങൾ പുറത്ത്

സ്റ്റാൻഡേർഡ് വെർസിസ് 1000 S കൂടാതെ അധിക ആക്‌സസറികളുള്ള ടൂറർ, ടൂറർ പ്ലസ്, ഗ്രാൻഡ് ടൂറർ എന്നീ മൂന്ന് അധിക മോഡലുകളും നിന്നും ഉപഭോക്താക്കൾക്ക് മോട്ടോർസൈക്കിൾ തെരഞ്ഞെടുക്കാം.

ടൂറർ വേരിയന്റിൽ പന്നിയറുകളും പ്രൊട്ടക്റ്റീവ് ടാങ്ക് പാഡുകളുമാണ് ബ്രാൻഡ് വാഗ്‌ദാനം ചെയ്യുന്നത്. അതേസമയം ടൂറർ പ്ലസ് പതിപ്പ് എൽഇഡി ഫോഗ് ലൈറ്റുകളിൽ നിന്ന് കൂടുതൽ പ്രയോജനം ചെയ്യുന്നു.

MOST READ: ഉത്സവ സീസൺ ആഘോഷമാക്കാൻ ഹോണ്ടയുടെ 'സൂപ്പർ 6' ഓഫർ; വാഗ്‌ദാനം 11,000 രൂപ വരെയുള്ള ആനുകൂല്യങ്ങൾ

പൂർണമായി ലോഡുചെയ്‌ത ഗ്രാൻഡ് ടൂററിന് ഒരു ടോപ്പ് കേസ്, ജിപിഎസ് ബ്രാക്കറ്റ്, ഫ്രെയിം സ്ലൈഡറുകൾ എന്നിവ ലഭിക്കുന്നു എന്നതും ശ്രദ്ധേയമാണ്.

സിക്‌സ് ആക്‌സിസ് IMU, കവസാക്കി ട്രാക്ഷൻ കൺട്രോൾ, കവസാക്കി ഇന്റലിജന്റ് ബ്രേക്കിംഗ് സിസ്റ്റം, മൾട്ടിപ്പിൾ റൈഡിംഗ് മോഡുകൾ, കവസാക്കി ക്വിക്ക് ഷിഫ്റ്റർ, കോർണറിംഗ് ആക്സിലറി ലൈറ്റുകൾ എന്നിവയെല്ലാം വെർസിസ് 1000 S മോഡലിന്റെ ഫീച്ചർ പട്ടികയിൽ ഇടംപിടിക്കുന്നു.

MOST READ: കെടിഎം 250 അഡ്വഞ്ചറിനായി ബുക്കിംഗ് ആരംഭിച്ച് ഡീലര്‍ഷിപ്പുകള്‍; അരങ്ങേറ്റം ഉടന്‍

തീർന്നില്ല, അവയോടൊപ്പം സ്മാർട്ട്‌ഫോൺ കണക്റ്റിവിറ്റി, ഹീറ്റഡ് ഗ്രിപ്പുകൾ, ക്രൂയിസ് കൺട്രോൾ സിസ്റ്റം എന്നിവ വെർസിസ് 1000 S പതിപ്പിലെ മറ്റ് സവിശേഷത പട്ടികയിൽ ഉൾപ്പെടുന്നു.

മെക്കാനിക്കൽ സവിശേഷതകളിൽ യൂറോ 5 കംപ്ലയിന്റ്, 1,043 സിസി, ഇൻലൈൻ നാല് സിലിണ്ടർ എഞ്ചിനാണ് ലിറ്റർ ക്ലാസ് ടൂറർ മോട്ടോർസൈക്കിൾ ഉപയോഗിക്കുന്നത്. ഇത് പരമാവധി 118 bhp കരുത്തിൽ 102 Nm torque ഉത്പാദിപ്പിക്കാൻ ശേഷിയുള്ളതാണ്.