Just In
- 6 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 7 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 7 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 7 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- News ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക്
- Movies ഉര്വശി ചിത്രത്തില് ദിലീപിന് കിട്ടിയത് 3000 രൂപ; അദ്ദേഹം കരഞ്ഞുകൊണ്ട് എന്റെ അടുത്ത് വന്നു; വിജി തമ്പി
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Lifestyle മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബിഎസ്-VI കരുത്തിൽ ബുള്ളറ്റ് 350 അവതരിപ്പിച്ച് റോയൽ എൻഫീൽഡ്
പുതിയ ബിഎസ്-VI മലിനീകരണ മാനദണ്ഡങ്ങൾ പാലിക്കുന്നതിനായി തങ്ങളുടെ എൻട്രി ലെവൽ മോഡലായ ബുള്ളറ്റ് 350 ശ്രേണിയെ പരിഷ്ക്കരിച്ച് വിപണിയിൽ അവതരിപ്പിച്ച് റോയൽ എൻഫീൽഡ്. 1.21 ലക്ഷം രൂപയാണ് മോട്ടോർസൈക്കിളിന്റെ പ്രാരംഭ വില.
പുതിയ ബിഎസ്-VI മോഡലുകളെ കമ്പനി വെബ്സൈറ്റിൽ പട്ടികപ്പെടുത്തിയിട്ടുണ്ട്. റോയൽ എൻഫീൽഡ് ബുള്ളറ്റ് 350 ബിഎസ്-VI പരിഷ്ക്കരണത്തോടെ ഫ്യുവൽ ഇഞ്ചക്ഷൻ സംവിധാനമുള്ള 346 സിസി സിംഗിൾ സിലിണ്ടർ എഞ്ചിനാണ് വാഗ്ദാനം ചെയ്യുന്നത്. ഈ പുതുക്കിയ എഞ്ചിൻ 5,250 rpm-ൽ 19.1 bhp കരുത്തും 4000 rpm-ൽ 28 Nm torque ഉം ഉത്പാദിപ്പിക്കുന്നു.
പരിചിതമായ അഞ്ച് സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. കർശനമായ ബിഎസ്-VI മലിനീകരണ മാനദണ്ഡങ്ങൾ പാലിക്കുന്നതിനായി ബുള്ളറ്റ് 350-യുടെ എക്സ്ഹോസ്റ്റ് ഹെഡർ പൈപ്പിൽ ഒരു വലിയ കാറ്റലറ്റിക് കൺവെർട്ടർ ഉൾപ്പെടുത്തിയിരിക്കുന്നു. ബിഎസ്-IV മോഡലിനെയും 2020 ബിഎസ്-VI പതിപ്പിനെയും വേർതിരിച്ചറിയാൻ സഹായിക്കുന്ന ഘടകങ്ങളിലൊന്നാണ് ഇത്.
എഞ്ചിൻ നവീകരണത്തിന് പുറമെ പുതിയ ബുള്ളറ്റ് 350 ബിഎസ്-VI-ൽ മറ്റ് കോസ്മെറ്റിക് മാറ്റങ്ങളൊന്നും ഉൾപ്പെടുത്തിയിട്ടില്ല. പഴയ മോഡലിലെന്ന പോലെ തന്നെ ഇതിന് ക്രോം മാസ്കുള്ള വൃത്താകൃതിയിലുള്ള ഹെഡ്ലൈറ്റ്, ഹെഡ്ലാമ്പിന്റെ ഇരുവശത്തും ചെറിയ ഫോഗ് ലാമ്പുകൾ, സിംഗിൾ-പീസ് ട്യൂബുലാർ ഹാൻഡിൽബാർ, സിംഗിൾ-പീസ് സീറ്റ്, ക്രോം എക്സ്ഹോസ്റ്റ്, ക്ലാസിക് റിയർവ്യൂ മിററുകൾ തുടങ്ങിയവ ഇടംപിടിച്ചിരിക്കുന്നു.
മറ്റ് ഘടകങ്ങളിലും അതേപടി മുന്നോട്ടുകൊണ്ടുപോവുന്നു. 35 mm ടെലിസ്കോപ്പിക് ഫോർക്കുകളും 5-വഴി പ്രീലോഡ് ക്രമീകരിക്കാവുന്ന ഇരട്ട ഷോക്ക് അബ്സോർബറുകളും യഥാക്രമം മുന്നിലും പിന്നിലും സസ്പെൻഷൻ കൈകാര്യം ചെയ്യുന്നു. 2 പിസ്റ്റൺ ബ്രേക്ക് കാലിപ്പർ ഉള്ള 280 mm ഫ്രണ്ട് ഡിസ്കും പിൻവശത്ത് 153 mm ഡ്രം ബ്രേക്കും ബ്രേക്കിംഗ് സജ്ജീകരണത്തിൽ ഉൾപ്പെടുന്നു.
സിംഗിൾ ചാനൽ എബിഎസും മോട്ടോർസൈക്കിളിൽ തെരഞ്ഞെടുക്കാൻ സാധിക്കും. ബുള്ളറ്റ് 350-യുടെ ഭാരം 195 കിലോഗ്രാമാണ്. റോയൽ എൻഫീൽഡിൽ നിന്നുള്ള ഏറ്റവും താങ്ങാനാവുന്ന മോഡലാണ് സ്റ്റാൻഡേർഡ് ബുള്ളറ്റ് 350.
റോയൽ എൻഫീൽഡ് ബുള്ളറ്റ് 350 ബിഎസ്-VI സ്റ്റാൻഡേർഡ്, ഇലക്ട്രിക് സ്റ്റാർട്ട് എന്നീ രണ്ട് വകഭേദങ്ങളിൽ ലഭ്യമാകും. സ്റ്റാൻഡേർഡ് പതിപ്പിന് ബ്ലാക്ക്, ഫോറസ്റ്റ് ഗ്രീൻ, ബുള്ളറ്റ് സിൽവർ, ഫീനിക്സ് ബ്ലാക്ക് എന്നിങ്ങനെ നാല് കളർ ഓപ്ഷനുകളിൽ തെരഞ്ഞെടുക്കാൻ സാധിക്കും.
Most Read: തണ്ടർബേർഡിന്റെ പിൻഗാമിയായി മെറ്റിയർ എത്തുന്നു, കാണാം സ്പൈ ചിത്രങ്ങൾ
സിൽവർ, ഫീനിക്സ് ബ്ലാക്ക് കളർ മോഡലുകൾക്ക് 1,21,583 രൂപയാണ് എക്സ്ഷോറൂം വില. ബ്ലാക്ക്, ഫോറസ്റ്റ് ഗ്രീൻ ബുള്ളറ്റ് 350-ക്ക് 1,27,750 രൂപയുമാണ് വില.
Most Read: അഡ്വഞ്ചർ 390-യുടെ തകർപ്പൻ പ്രകടനം കാണാം, പുത്തൻ പരസ്യ വീഡിയോയുമായി കെടിഎം
ജെറ്റ് ബ്ലാക്ക്, റീഗൽ റെഡ്, റോയൽ ബ്ലൂ എന്നിങ്ങനെ മൂന്ന് കളർ ഓപ്ഷനുകളിൽ ബുള്ളറ്റ് 350 ഇലക്ട്രിക് സ്റ്റാർട്ട് ബിഎസ്-VI ലഭ്യമാണ്. ഇവയ്ക്കെല്ലാം ഒരേ 1,37,194 രൂപയാണ് എക്സ്ഷോറൂം വില.
Most Read: രൂപത്തിലും ഭാവത്തിലും കരുത്തിലും കേമനായി പുത്തൻ ഹോണ്ട CBR2500RR ജൂലൈയിൽ എത്തും
റെട്രോ ക്ലാസിക് നിർമാതാക്കളുടെ ഏറ്റവും ജനപ്രിയമായ ക്ലാസിക് 350, ഹിമാലയൻ, 650 ട്വിൻ ബൈക്കുകളുടെ ബിഎസ്-VI കംപ്ലയിന്റ് മോഡലുകൾ ഇതിനോടകം തന്നെ വിപണിയിൽ എത്തിച്ച് വിതരണവും ആരംഭിച്ചിരുന്നു കമ്പനി.
ജനപ്രിയ മോഡലായ ക്ലാസിക് 350 ഇഷ്ടപ്പെടുന്നവർക്ക് തെരഞ്ഞെടുക്കാൻ സാധിക്കുന്ന ഒരു ബദൽ മോഡലാണിത്. ഏപ്രിലിൽ ഭാരം കുറഞ്ഞതും താങ്ങാനാവുന്നതുമായ ഒരു വാഹനത്തെ പുറത്തിറക്കാൻ തയാറെടുക്കുകയാണ് റെട്രോ മോട്ടോർസൈക്കിൾ നിർമാതാക്കൾ.