Just In
- 1 hr ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 1 hr ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
- 2 hrs ago ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ'
- 2 hrs ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
Don't Miss
- News രാജസ്ഥാനില് സ്വന്തം പാർട്ടി സ്ഥാനാർത്ഥിക്ക് വോട്ട് ചെയ്യല്ലേയെന്ന അഭ്യർത്ഥനയുമായി കോണ്ഗ്രസ്
- Movies ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര്
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Lifestyle ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- Sports IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക്
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ബിഎസ് VI ഇന്റര്സെപ്റ്റര് 650 ബുക്കിങ് ആരംഭിച്ച് റോയല് എന്ഫീല്ഡ്
റോയല് എന്ഫീല്ഡിന് ഇന്ത്യന് വിപണിയില് മികച്ച വില്പ്പന നേടിക്കൊടുത്ത രണ്ട് മോഡലുകളാണ് ഇന്റര്സെപ്റ്റര് 650, കോണ്ടിനെന്റല് ജിടി 650 ബൈക്കുകള്. അടുത്തിടെ ഇരുമോഡലുകളുടെയും ബിഎസ് IV പതിപ്പിന്റെ ഉത്പാദനം കമ്പനി അവസാനിപ്പിച്ചതായി റിപ്പോര്ട്ട് എത്തിയിരുന്നു.
ഏപ്രില് ഒന്നു മുതല് ബിഎസ് VI നിലവില് വരുന്നതുകൊണ്ടാണ് ബിഎസ് IV എഞ്ചിന് നിലവാരത്തിലുള്ള ഈ മോഡലുകളുടെ ഉത്പാദനം കമ്പനി അവസാനിപ്പിച്ചത്. എന്നാല് പുതിയ റിപ്പോര്ട്ട് അനുസരിച്ച് ഇന്റര്സെപ്റ്റര് 650 ബിഎസ് VI പതിപ്പിനായുള്ള ബുക്കിങ് കമ്പനി ആരംഭിച്ചുവെന്നാണ്.
ഡീലര്ഷിപ്പുകളില് ഉണ്ടായിരുന്ന ഇന്റര്സെപ്റ്റര് 650 പഴയ പതിപ്പുകളുടെ മുഴുവന് സ്റ്റോക്കും വിറ്റു തീര്ന്നതോടെയാണ് പുതിയ പതിപ്പിനായുള്ള ബുക്കിങ് കമ്പനി ആരംഭിച്ചിരിക്കുന്നതെന്നും റിപ്പോര്ട്ടില് പറയുന്നു. 10,000 രൂപയാണ് ബുക്കിങ് തുകയായി ഡീലര്ഷിപ്പുകള് സ്വീകരിക്കുന്നത്.
ഫെബ്രുവരി പകുതിയോടെ ബൈക്ക് ഉപഭോക്താക്കള്ക്ക് കൈമാറി തുടങ്ങുമെന്നും റിപ്പോര്ട്ടില് പറയുന്നു. ബിഎസ് IV എഞ്ചിന്റെ ഉത്പാദനം അവസാനിപ്പിച്ചു എന്നതൊഴിച്ചാല് കോണ്ടിനെന്റല് ജിടി 650 -യെക്കുറിച്ച് കൂടുതല് വിവരങ്ങള് ഒന്നും തന്നെ ലഭ്യമായിട്ടില്ല.
എന്നിരുന്നാലും ഇരുമോഡലുകളുടെയും ബിഎസ് VI പതിപ്പിനെ ഒന്നിച്ചായിരിക്കും വിപണിയില് എത്തിക്കുക എന്നാണ് സൂചന. വില സംബന്ധിച്ച് കൃത്യമായ വിവരങ്ങള് ഒന്നും തന്നെ ഇല്ലെങ്കിലും 8,000 രൂപ മുതല് 10,000 രൂപ വരെ മോഡലുകളില് കമ്പനി വര്ധിപ്പിച്ചേക്കും.
സ്റ്റാന്റേര്ഡ്, ക്രോം, കസ്റ്റം എന്നീ മൂന്ന് വകഭേദങ്ങളിലാണ് ഇരുമോഡലുകളും വിപണിയില് എത്തുന്നത്. നിലവില് വിപണിയില് ഉള്ള ഇന്റര്സെപ്റ്ററിന് 2.50 ലക്ഷം മുതലും കോണ്ടിനെന്റല് ജിടി 650 -ക്ക് 2.65 ലക്ഷം രൂപ മുതലുമാണ് എക്സ്ഷോറൂം വില.
അടുത്തിടെയാണ് ഇരുമോഡലുകളിലും ചെറിയ മാറ്റങ്ങള് കമ്പനി നല്കിയത്. അതുകൊണ്ടു തന്നെ എഞ്ചിന് ബിഎസ് VI നിലവാരത്തിലേക്ക് മാറ്റും എന്നതൊഴിച്ച് മറ്റ് മാറ്റങ്ങള് ഒന്നും തന്നെ കമ്പനി നല്കിയേക്കില്ലെന്നും റിപ്പോര്ട്ടില് പറയുന്നു. 648 സിസി പാരലല് ട്വിന് സിലിണ്ടര് എന്ജിന് തന്നെ ബിഎസ് VI -ലേക്ക് നവീകരിക്കും.
നിലവില് ഈ എഞ്ചിന് 7,250 rpm -ല് 47 bhp കരുത്തും 5,250 rpm -ല് 52 Nm torque ഉം ആണ് ഉത്പാദിപ്പിക്കുന്നത്. എന്നാല് ബിഎസ് VI നിലവാരത്തിലേക്ക് ഉയര്ത്തുമ്പോള് കരുത്ത് കുറഞ്ഞേക്കുമെന്നാണ് സൂചന. ആറ് സ്പീഡ് ഗിയര്ബോക്സിനൊപ്പം സ്ലിപ്പ് അസിസ്റ്റ് ക്ലച്ച്, ഡ്യുവല് ചാനല് എബിഎസ് എന്നീ സംവിധാനങ്ങളും വാഹനത്തിലുണ്ട്.
2018 നവംബര് മാസത്തിലാണ് ഇരുമോഡലുകളെയും കമ്പനി വിപണിയില് എത്തിക്കുന്നത്. വിപണിയില് എത്തിയ നാള് മുതല് വില്പ്പനയില് മികച്ച മുന്നേറ്റം കാഴചവെയ്ക്കാനും ഇരുമോഡലുകള്ക്കും സാധിച്ചു. റോയല് എന്ഫീല്ഡ് ഇന്ത്യയില് കൊണ്ടുവരുന്ന ആദ്യ ആധുനിക ഇരട്ട സിലിണ്ടര് ബൈക്കുകളെന്ന വിശേഷണവും ഇവര്ക്കുണ്ട്.
റോയല് എന്ഫീല്ഡ് നിരകളില് കാണുന്ന ബൈക്കുകളില് നിന്നും തികച്ചും വ്യത്യസ്തമായി കാണപ്പെടുന്ന ഇന്റര്സെപ്റ്റര് 650 ഉപഭോക്തക്കളുടെ ശ്രദ്ധ ആകര്ഷിച്ചു. കരുത്തുറ്റ ഒരു എഞ്ചിനില് കോണ്ടിനെന്റല് ജിടി 650 -നെ കൂടി വിപണിയില് എത്തിയതോടെയാണ് ഇത്രയും ജനശ്രദ്ധ ആകര്ഷിക്കാന് സാധിച്ചതെന്നാണ് കമ്പനി പറയുന്നത്.