പ്രീമിയം ഫീച്ചറുകളാൽ നിറഞ്ഞ് മെറ്റിയർ 350; ഒപ്പം സെമി ഡിജിറ്റൽ ഇൻസ്ട്രുമെന്റ് ക്ലസ്റ്ററും

നിരവധി ഡിസൈൻ മാറ്റങ്ങളും മെക്കാനിക്കൽ പരിഷ്ക്കരണവും നൽകിയാണ് തണ്ടർബേർഡിന്റെ പകരക്കാരനെ റോയൽ എൻഫീൽഡ് പരിചയപ്പെടുത്താൻ പോകുന്നത്. മെറ്റിയർ 350 എന്ന് അറിയപ്പെടുന്ന അവതാരം ബ്രാൻഡിന്റെ പുത്തൻ പ്ലാറ്റ്ഫോമിനെ അടിസ്ഥാനമാക്കിയാണ് എത്തുന്നത്.

സ്റ്റൈലിംഗിനെ സംബന്ധിച്ചിടത്തോളം റോയൽ എൻഫീൽഡ് മെറ്റിയർ 350 അതിന്റെ രൂപഘടനയുടെ കാര്യത്തിൽ തണ്ടർബേർഡിനോട് സാമ്യമുള്ളതാണ്. കൂടുതൽ പ്രീമിയം ഉപകരണങ്ങളുള്ള നിലവിലുള്ള മോഡലിന്റെ പരിണാമമായി ഇതിനെ കണക്കാക്കാം.

MOST READ: ബിഎസ് VI പള്‍സര്‍ 125 സ്പ്ലിറ്റ് സീറ്റ് വില വിവരങ്ങള്‍ പുറത്ത്

വിന്റേജ് രൂപത്തിൽ പുതുതായി രൂപകൽപ്പന ചെയ്ത വൃത്താകൃതിയിലുള്ള ഹെഡ്‌ലാമ്പ് യൂണിറ്റാണ് ബൈക്കിൽ ഉൾപ്പെടുത്തിയിരിക്കുന്നത്. അതോടൊപ്പം ഇന്റഗ്രേറ്റഡ് എൽഇഡി ഡേടൈം റണ്ണിംഗ് ലൈറ്റ് ഉപയോഗിച്ച് ഹാലോജൻ യൂണിറ്റും മെറ്റിയറിൽ ഉൾപ്പെടുത്തിയിരിക്കുന്നു.

വരാനിരിക്കുന്ന ക്രൂയിസറിന്റെ ബ്ലാക്ക് എക്‌സ്‌ഹോസ്റ്റ് സിസ്റ്റത്തിന് ക്രോം ഷീൽഡ് നൽകുന്നതും കൂടുതൽ ആകർഷകമാക്കും. എന്നാൽ ഏറ്റവും ശ്രദ്ധേയമാക്കുന്ന കാര്യം മറ്റൊന്നാണ്. പരമ്പരാഗത അനലോഗ് ഇൻസ്ട്രുമെന്റ് ക്ലസ്റ്ററിന് പകരം ഇത്തവണ ബ്രാൻഡ് അവതരിപ്പിക്കുന്നത് അനലോഗ് സ്പീഡോമീറ്ററിനൊപ്പം സിംഗിൾ-പോഡ് സെമി ഡിജിറ്റൽ ക്ലസ്റ്ററാകും.

MOST READ: 100 നഗരങ്ങളില്‍ പ്രവര്‍ത്തനം പുനരാരംഭിച്ചതായി റാപ്പിഡോ

ഇത് സ്ഥിരീകരിക്കുന്ന പുതിയ ചിത്രങ്ങൾ ഗാഡിവാഡി പുറത്തുവിട്ടിട്ടുണ്ട്. ഈ ഡിജിറ്റൽ ഡിസ്പ്ലേ ഫ്യുവൽ ഗേജ്, ക്ലോക്ക്, ഓഡോമീറ്റർ, ട്രിപ്പ് എന്നിവയാകും കാണിക്കുക. അതോടൊപ്പം ഒരു ഡിജിറ്റൽ ആംപ് മീറ്ററും ഉപയോഗിച്ചേക്കാം.

ഇടതുവശത്ത് ഹെഡ്‌ലാമ്പ് ബീം നിയന്ത്രണത്തിനായി റോട്ടറി സ്വിച്ചുകൾ ഉൾപ്പെടുന്നതാണ് പുതിയ സ്വിച്ച് ഗിയർ ലേഔട്ട്. വലതുവശത്ത് സെൽഫ് ഇഗ്നിഷൻ ബട്ടണും എഞ്ചിൻ കിൽ സ്വിച്ചും ഇടംപിടിച്ചിരിക്കുന്നതും ശ്രദ്ധേയമാണ്.

MOST READ :കറുപ്പിൽ അണിഞ്ഞൊരുങ്ങി ബോണവില്ലെ T100, T120 മോഡലുകൾ, അവതരണം ജൂൺ 12-ന്

റോയൽ‌ എൻ‌ഫീൽ‌ഡ് മെറ്റിയർ‌ 350 മോഡലിന് ഏകദേശം 1.85 ലക്ഷം രൂപയാണ് എക്സ്ഷോറൂം വിലയായി പ്രതീക്ഷിക്കുന്നത്. യുവ ഉപഭോക്താക്കളെ ആകർഷിക്കുന്നതിനായി കോൺട്രാസ്റ്റ് കളർ സ്കീമുകൾ ഉപയോഗിച്ച് മെറ്റിയർ വാഗ്ദാനം ചെയ്തേക്കാം.

കൂടാതെ ഔദ്യോഗിക ആക്‌സസറികളും റോയൽ എൻഫീൽഡ് മെറ്റിയറിന് ലഭ്യമാക്കുമെന്നാണ് സൂചന. ബ്രാൻഡിന്റെ ജെ പ്ലാറ്റ്ഫോമിനെ അടിസ്ഥാനമാക്കി പുതിയ സിംഗിൾ ഡൗൺ‌ട്യൂബ് ഫ്രെയിമിലാണ് ക്രൂയിസറിന്റെ നിർമാണം പൂർത്തിയാക്കിയിരിക്കുന്നത്.

MOST READ: ഇ-ഷോപ്പ്; ഓണ്‍ലൈന്‍ വില്‍പ്പനയിലേക്ക് ചുവടുവെച്ച് ഹീറോ

അതോടൊപ്പം‌ വൈബ്രേഷനുകൾ‌ കുറയ്‌ക്കുന്നതിന്‌ കൗണ്ടർ‌ബാലൻ‌സറുകൾ‌ ഉൾ‌പ്പെടുത്താൻ‌ കഴിയും. മൊത്തത്തിലുള്ള വാസ്തുവിദ്യ ഇന്റർ‌സെപ്റ്റർ‌ 650 മോഡലിന് സമാനമാണ്. പ്രധാനമായും എഞ്ചിൻ‌ കേസിംഗ്. നിലവിലുള്ള എഞ്ചിനുമായി താരതമ്യപ്പെടുത്തുമ്പോൾ മികച്ച പരിഷ്കരണത്തിനായി മെറ്റിയർ 350-ക്ക് നവീകരിച്ച യൂണിറ്റും ഉൾപ്പെടുത്തും. ഇത് ആറ് സ്പീഡ് ഗിയർബോക്സുമായി ജോടിയാക്കും.