Just In
- 2 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 2 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 2 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 3 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Movies 'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ'
- News ശോഭ സുരേന്ദ്രന് വിളിച്ചു എടുത്തില്ല, നമ്പര് ചോദിച്ച് വാങ്ങുകയായിരുന്നുവെന്ന് ഇപിയുടെ മകന്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഓട്ടോ എക്സ്പോ 2020: കറ്റാനയെ ഇന്ത്യയിൽ അവതരിപ്പിച്ച് സുസുക്കി
ഇത്തവണത്തെ ഓട്ടോ എക്സ്പോ ബൈക്ക് പ്രേമികൾക്ക് നിരാശയാണ് സമ്മാനിച്ചതെങ്കിലും ജാപ്പനീസ് ഇരുചക്ര വാഹന നിർമാതാക്കളായ സുസുക്കി ഐതിഹാസിക മോഡലായ കറ്റാനയെ അവതരിപ്പിച്ച് ശ്രദ്ധനേടി.
1981 മുതൽ 2006 വരെ സുസുക്കി ആഗോള വിപണിയിൽ വിൽപ്പനക്കെത്തിച്ചിരുന്ന ഐതിഹാസിക മോഡലായ കറ്റാന 2018-ൽ ആഗോളതലത്തിൽ രണ്ടാം ജന്മമെടുത്തെങ്കിലും ഇന്ത്യയിലേക്ക് എത്തുന്നത് രണ്ട് വർഷങ്ങൾക്ക് ശേഷമാണ്.
പ്രശസ്തമായ ഒരു സ്പോർട്സ് ടൂറിംഗ് മോട്ടോർസൈക്കിളിന്റെ പേരാണ് സുസുക്കി കറ്റാനയിലൂടെ പുനരുജ്ജീവിപ്പിക്കുന്നത്. സുസുക്കി GSX-S1000F അടിസ്ഥാനമാക്കിയുള്ളതാണ് പുതിയ കറ്റാന. അതേ 999 സിസി, ഇൻ-ലൈൻ ഫോർ സിലിണ്ടർ എഞ്ചിൻ ഉപയോഗിക്കുന്ന വാഹനം 10,000 rpm-ൽ പരമാവധി 147 bhp കരുത്തും 9,500 rpm-ൽ 105 Nm torque ഉം ആണ് ഉത്പാദിപ്പിക്കുന്നത്.
ജർമ്മനിയിൽ നടന്ന 2018 ഇന്റർമോട്ട് ഷോ, അതുപോലെ ഇറ്റലിയിലെ മിലാനിൽ നടന്ന EICMA 2018 ഷോ പോലുള്ള അന്താരാഷ്ട്ര മോട്ടോർ സൈക്കിൾ ഷോകളിൽ സുസുക്കി കറ്റാന ഇതിനകം തന്നെ പ്രദർശിപ്പിച്ചിട്ടുണ്ട്. പ്രൊഡക്ഷൻ-സ്പെക്ക് കറ്റാന ഇരട്ട-സ്പാർ അലുമിനിയം ഫ്രെയിം പോലുള്ള നിരവധി ഘടകങ്ങൾ GSX-S1000F ൽ നിന്നും കടമെടുക്കുന്നു.
എങ്കിലും കറ്റാനയുടെ എർഗോണോമിക്സ് അല്പം വ്യത്യസ്തമാണ്. സ്പോർട് ടൂറിംഗ് ശ്രേണിയിലേക്ക് എത്തുന്ന കറ്റാനയ്ക്ക് സുഖപ്രദമായ സീറ്റിംഗാണ് ഉൾപ്പെടുത്തിയിരിക്കുന്നത്. ഹെഡ്ലൈറ്റ് രൂപകൽപ്പന പഴയ മോഡലിന് സമാനമാണെങ്കിലും മറ്റ് ബോഡി വർക്കുകൾ തീർച്ചയായും ആധുനികമാണ്. ഹെഡ്ലൈറ്റ് എൽഇഡിയിൽ ഒരുങ്ങിയപ്പോൾ സുസുക്കി കറ്റാനയ്ക്ക് കളർ ടിഎഫ്ടി സ്ക്രീനും ലഭിച്ചു.
മുൻവശത്ത് പൂർണ്ണമായും ക്രമീകരിക്കാവുന്ന KYB 43 mm അപ്സൈഡ് ഡൌൺ ഫോർക്കും പിന്നിൽ ഒരു ലിങ്ക്-ടൈപ്പ് മോണോഷോക്ക് സജ്ജീകരണവുമാണ് സസ്പെൻഷൻ കൈകാര്യം ചെയ്യുന്നത്. ഇലക്ട്രോണിക്സ് പാക്കേജിൽ സ്വിച്ച് ഓഫ് ചെയ്യാൻ കഴിയുന്ന മൂന്ന് ലെവൽ ട്രാക്ഷൻ കൺട്രോളും ഉൾപ്പെടുന്നു.
റേഡിയൽ കാലിപ്പറുകളും എബിഎസും ഉപയോഗിച്ച് ബ്രെമ്പോ ബ്രേക്കിംഗ് കൈകാര്യം ചെയ്യുന്നു. പുതിയ സുസുക്കി കറ്റാനയ്ക്ക് 215 കിലോഗ്രാം ഭാരമാണുള്ളത്.
ഓട്ടോ എക്സ്പോയിൽ പ്രേക്ഷകരുടെ പ്രതികരണം കണക്കാക്കുന്നതിനായാണ് കറ്റാന പ്രദർശിപ്പിച്ചിരിക്കുന്നത്. മികച്ച പ്രതികരണം ലഭിച്ചാൽ ബൈക്കിനെ ഈ വർഷം അവസാനം ഇന്ത്യയിൽ അവതരിപ്പിക്കുന്നതിനെക്കുറിച്ച് സുസുക്കി ഇന്ത്യ തീരുമാനമെടുക്കും. എന്നാൽ പൂർണമായും സിബിയു യൂണിറ്റു വഴിയാകും മോട്ടോർ സൈക്കിൾ വിപണിയിൽ എത്തുക.