Just In
- 3 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 6 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 6 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 7 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Movies കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഇന്ത്യയിലെ മികച്ച 5 ബിഎസ് VI 125 സിസി സ്കൂട്ടറുകള്
ഇന്ത്യന് ഇരുചക്ര വാഹന വിപണിയെ സംബന്ധിച്ച് 110 സിസി മോഡലുകളാണ് ഈ ശ്രേണിയിലെ രാജാക്കന്മാര്. എന്നാല് ഇപ്പോഴത്തെ ട്രെന്ഡ് പരിശോധിക്കുകയാണെങ്കില് 125 സിസി ശ്രേണിയിലെ സ്കൂട്ടറുകള്ക്കും ആവശ്യക്കാര് ഏറെയാണ്.
അതുകൊണ്ട് തന്നെ ഈ ശ്രേണിയില് നിര്മ്മാതാക്കള് ഏതാനും മോഡലുകളെ അവതരിപ്പിക്കുകയും ചെയ്തിട്ടുണ്ട്. ഇന്ന് വിപണിയില് ലഭ്യമായ അഞ്ച് മികച്ച ബിഎസ് VI എഞ്ചിന് നിലവാരത്തിലുള്ള 125 സിസി സ്കൂട്ടറുകളെ നമ്മുക്ക് പരിചയപ്പെടാം.
ഹോണ്ട ഗ്രാസിയ 125
ഹോണ്ടയില് നിന്നുള്ള ഏറ്റവും പുതിയ ബിഎസ് VI സ്കൂട്ടറാണ് ഗ്രാസിയ 125. സ്റ്റാന്ഡേര്ഡ്, ഡീലക്സ് എന്നിങ്ങനെ രണ്ട് വകഭേദങ്ങളില് സ്കൂട്ടര് ലഭ്യമാകും. 73,336 രൂപയും, ഉയര്ന്ന പതിപ്പിന് 80,978 രൂപയുമാണ് എക്സ്ഷോറൂം വില.
MOST READ: ശ്രദ്ധ നേടി ഹീറോ എക്സ്ട്രീം 160R;അറിഞ്ഞിരിക്കേണ്ട അഞ്ച് കാര്യങ്ങൾ
എല്ഇഡിയാണ് ഹെഡ്ലാമ്പ്. ഡിയോയിലേതിന് സമാനമായ ഡേ ടൈം റണ്ണിങ് ലാമ്പും സ്കൂട്ടറില് ഇടംപിടിച്ചിട്ടുണ്ട്. നവീകരിച്ച ബോഡി പാനലുകളും സ്കൂട്ടറിന്റെ ആകര്ഷണമാണ്. പിന് ഭാഗത്തെ ടെയില് ലാമ്പിനും വ്യത്യ്സ്തമായ ഡിസൈന് ആണ്.
ഹോണ്ടയുടെ സൈലന്റ് സ്റ്റാര്ട്ട് സിസ്റ്റം, സ്റ്റാര്ട്ട്-സ്റ്റോപ്പ് സിസ്റ്റം, ഇന്റഗ്രേറ്റഡ് എഞ്ചിന് സ്റ്റാര്ട്ട് സ്വിച്ച് എന്നിവ ബിഎസ് VI ഗ്രാസിയായില് കമ്പനി ഉള്പ്പെടുത്തിയിട്ടുണ്ട്.
MOST READ: പുതിയ ഫിനാന്സ് പദ്ധതികള് അവതരിപ്പിച്ച് ഹോണ്ട
125 സിസി കരുത്തുള്ള പിജിഎം-എഫ്1 എച്ച്ഇടി (ഹോണ്ട ഇക്കോ സാങ്കേതിക വിദ്യ) എന്ഹാന്സ്ഡ് സ്മാര്ട്ട് പവര് സംവിധാനങ്ങളുള്ള എഞ്ചിനാണ് സ്കൂട്ടറില് ഇടംപിടിച്ചിരിക്കുന്നത്.
ഈ എഞ്ചിന് 8.29 bhp കരുത്തും 10.3 Nm torque ഉം സൃഷ്ടിക്കും. ഗ്രാസിയയില് നല്കിയിട്ടുള്ള എജിഎസ് സ്റ്റാര്ട്ടര് ആന്ഡ് ഐഡിലിങ്ങ് സ്റ്റോപ്പ് സിസ്റ്റം 13 ശതമാനം അധിക ഇന്ധനക്ഷമത നല്കമെന്നും കമ്പനി അവകാശപ്പെടുന്നു.
MOST READ: മിനി കൂപ്പറായി രൂപം മാറി പ്രീമിയർ പദ്മിനി
സുസുക്കി ആക്സസ് 125
ഈ ശ്രേണിയിലെ മറ്റൊരു മികച്ച മോഡലാണ് ആക്സസ് 125. 2020 ജനുവരി മാസത്തില് ബിഎസ് VI -ലേക്ക് നവീകരിച്ച പതിപ്പിനെ ജാപ്പനീസ് നിര്മ്മാതാക്കള് അവതരിപ്പിച്ചിരുന്നു.
അഞ്ച് വകഭേദങ്ങളിലാണ് സ്കൂട്ടര് വിപണിയില് എത്തുന്നത്. അടുത്തിടെ വില വര്ധനവിന്റെ ഭാഗമായി നിര്മ്മാതാക്കള് മോഡലിന്റെ വില ഉയര്ത്തിയിരുന്നു. 1,700 രൂപയുടെ വര്ധനവാണ് വകഭേദങ്ങളില് വരുത്തിയിരിക്കുന്നത്.
MOST READ: ടൊയോട്ട വെല്ഫയറിന് ജനപ്രീതി വര്ധിച്ചു; ജൂണില് വിറ്റത് 49 യൂണിറ്റുകള്
ഇതോടെ പ്രാരംഭ പതിപ്പിന്റെ വില 68,800 രൂപയായി വര്ധിച്ചു. നവീകരിച്ച 124 സിസി സിംഗിള് സിലിണ്ടര് എഞ്ചിനാണ് സ്കൂട്ടറിന്റെ കരുത്ത്. ഈ എഞ്ചിന് 6,750 rpm -ല് 8.7 bhp കരുത്തും 5,500 rpm -ല് 10 Nm torque ഉം ആണ് ഉത്പാദിപ്പിക്കുന്നത്.
മെച്ചപ്പെട്ട പ്രകടനത്തിനും ഇന്ധനക്ഷമത വര്ധിപ്പിക്കുന്നതിനും ഫ്യുവല് ഇഞ്ചക്ഷന് സംവിധാനമാണ് എയര്-കൂള്ഡ് മില്ലില് വരുന്നത്. എല്ഇഡി ഹെഡ്ലാന്വിനൊപ്പം സെമി-ഡിജിറ്റല് ഇന്സ്ട്രുമെന്റ് കണ്സോള്, ഫ്യുവല് ലിഡ്, സ്പെഷ്യല് എഡിഷന് പതിപ്പുകളില് യുഎസ്ബി ചാര്ജിംഗ് പോയിന്റ്, ഫ്രണ്ട് ആപ്രോണിലെ ചെറിയ സ്റ്റോറേജ് സ്പേസ് എന്നിവ സവിശേഷതകളാണ്.
ടിവിഎസ് എന്ടോര്ഖ് 125
ഈ ശ്രേണിയിലെ മറ്റൊരു ജനപ്രീയ ഓഫറാണ് എന്ടോര്ഖ് 125. ഡ്രം, ഡിസ്ക്, റേസ് എഡീഷന് എന്നിങ്ങനെ മൂന്ന് വകഭേദങ്ങളിലാണ് മോഡലല് വിപണിയില് എത്തുന്നത്.
ഇതില് ഡ്രം പതിപ്പിന് 66,885 രൂപയും, ഡിസ്ക് പതിപ്പിന് 70,885 രൂപയും റേസ് എഡീഷന് പതിപ്പിന് 73,365 രൂപയുമാണ് എക്സ്ഷോറൂം വില. 124.8 സിസി എഞ്ചിനാണ് സ്കൂട്ടറിന്റെ കരുത്ത്. ഈ എഞ്ചിന് 7,000 rpm -ല് 9.25 bhp കരുത്തും 5,500 rpm -ല് 10.5 Nm torque ഉം ഉത്പാദിപ്പിക്കും.
എല്ഇഡി ഹെഡ്ലാമ്പ്, T-ആകൃതിയിലുള്ള എല്ഇഡി ടെയില്ലാമ്പ്, ഡയമണ്ട് കട്ട് അലോയ് വീലുകള്, ബാറ്റ്വിംഗ് സ്റ്റൈല് എല്ഇഡി ഡേ ടൈം റണ്ണിങ് ലാമ്പുകള്, ഇന്കമിംഗ് കോള് / എസ്എംഎസ് അലേര്ട്ടുകള്, നാവിഗേഷന് അസിസ്റ്റ് എന്നിവയ്ക്കായി ബ്ലൂടൂത്ത് കണക്റ്റിവിറ്റിയുള്ള പൂര്ണ്ണ ഡിജിറ്റല് ഇന്സ്ട്രുമെന്റ് ക്ലസ്റ്റര് എന്നിവയാണ് സ്കൂട്ടറിലെ സവിശേഷതകള്.
ഹീറോ ഡെസ്റ്റിനി 125
രാജ്യത്തെ ഏറ്റവും താങ്ങാനാവുന്ന 125 സിസി സ്കൂട്ടറുകളില് ഒന്നാണ് ഹീറോ ഡെസ്റ്റിനി 125. രണ്ട് വകഭേദങ്ങളിലെത്തുന്ന സ്കൂട്ടറിന്റെ പ്രാരംഭ പതിപ്പിന് 65,310 രൂപയാണ് എക്സ്ഷോറൂം വില.
ഫ്യൂവല് ഇഞ്ചക്ഷന് സംവിധാനത്തോടുകൂടിയുള്ള 124.6 സിസി സിംഗിള് സിലിണ്ടര് എഞ്ചിനാണ് സ്കൂട്ടറിന്റെ കരുത്ത്. ഈ എഞ്ചിന് 6,750 rpm -ല് 8.70 bhp കരുത്തും 5,000 rpm -ല് 10.2 Nm torque ഉം ഉത്പാദിപ്പിക്കും.
ഫ്യൂവല് ഇഞ്ചക്ഷന് സംവിധാനം ഉള്ളതുകൊണ്ട് പഴയ പതിപ്പിനെക്കാള് അധിക മൈലേജും പുതിയ മോഡലില് കമ്പനി വാഗ്ദാനം ചെയ്യുന്നു. 11 ശതമാനം ഉയര്ന്ന ഇന്ധനക്ഷമതയും 10 ശതമാനം മികച്ച ആക്സിലറേഷനും പുതിയ സ്കൂട്ടര് സമ്മാനിക്കുമെന്നാണ് കമ്പനിയുടെ ആവകാശവാദം.
ഹീറോയുടെ i3S ടെക്നോളജിയും സ്കൂട്ടറിന്റെ സവിശേഷതയാണ്. എല്ഇഡിയാണ് ഹെഡ്ലാമ്പുകള്. എല്ഇഡി ഡേ ടൈം റണ്ണിങ് ലാമ്പുകള്, ത്രീ ഡിയിലുള്ള ലോഗോ, പുതിയ മാറ്റ് ഗ്രേ സില്വര് കളര് ഓപ്ഷന് എന്നിവയാണ് പുതിയ ബിഎസ് VI ഡെസ്റ്റിനിയിലെ പുതുമകളാണ്.
ഹോണ്ട ആക്ടിവ 125
വര്ഷങ്ങളായി നിരത്തിലെ ജനപ്രീയ മോഡലാണ് ആക്ടിവ 125. പോയ വര്ഷം തന്നെ (2019 സെപ്തംബര്) ബിഎസ് VI പതിപ്പിനെ നിര്മ്മാതാക്കള് വിപണിയില് എത്തിച്ചിരുന്നു.
രണ്ട് വകഭേദങ്ങളിലെത്തുന്ന മോഡലിന്റെ പ്രാരംഭ പതിപ്പിന് 68,042 രൂപയാണ് എക്സ്ഷോറൂം വില. ഫ്യുവല് ഇഞ്ചകഡ് സംവിധാനമുള്ള 124 സിസി സിംഗിള് സിലിണ്ടര് എഞ്ചിനാണ് സ്കൂട്ടറിന്റെ കരുത്ത്.
ഈ എഞ്ചിന് 6,500 rpm -ല് 8.29 bhp കരുത്തും 5,000 rpm -ല് 10.3 Nm torque ഉം ഉത്പാദിപ്പിക്കും. പഴയ മോഡലിനെക്കാള് നീളവും വീതിയും ഉയരവും പുതിയ മോഡലിന് കൂടുതലുണ്ട്. പുതിയ ഡിസൈനിലുള്ള എല്ഇഡി ഹെഡ്ലാമ്പ്, സൈഡ് സ്റ്റാന്ഡ് ഇന്ഡികേറ്റര്, എക്സ്റ്റേണല് ഫ്യുവല് ക്യാപ് എന്നിവ ബിഎസ് VI ആക്ടിവയുടെ സവിശേഷതകളാണ്.
പുതിയ ഡിജിറ്റല് അനലോഗ് ഇന്സ്ട്രുമെന്റ് കണ്സോളും സ്കൂട്ടറില് ലഭ്യമാണ്. മൈലേജ്, സൈഡ് സ്റ്റാന്ഡ് ഇന്ഡഡിക്കേറ്റര്, പിന്നിട്ട ദൂരം തുടങ്ങിയ വിവരങ്ങള് അറിയാന് പുതിയ കണ്സോളിലൂടെ സാധ്യമാകുന്നു. ഇന്ധനക്ഷമത വര്ധിപ്പിക്കാന് ഐഡില് സ്റ്റാര്ട്ട് സ്റ്റോപ്പ് സിസ്റ്റവും വാഹനത്തിലുണ്ട്.