Just In
- 7 hrs ago കേന്ദ്ര ഇവി പോളിസിയിൽ സന്തോഷം അറിയിച്ച് ബ്രാൻഡുകൾ, ടെസ്ല എത്താൻ ഇനി വൈകില്ല
- 11 hrs ago ഏറ്റവും ഡിമാന്റുള്ള മാരുതി കാറിന് 77,000 രൂപ വിലക്കുറവ്, ഫ്രോങ്ക്സ് വാങ്ങാൻ ഏറ്റവും നല്ലസമയം ഇതു തന്നെ
- 11 hrs ago കാത്തിരിപ്പ് അവസാനിപ്പിക്കാമെന്ന് ആർടിഒ... ഓഫീസുകളിലേക്ക് എത്തുന്നത് എട്ട് ലക്ഷം ലൈസൻസുകളും ആർസി ബുക്കുകളും
- 12 hrs ago ADAS, 360 ഡിഗ്രി ക്യാമറ അങ്ങനെ കുറേ ഫീച്ചറുകൾ; വേറെ ലെവലാവാൻ സ്കോഡ കുഷാഖും സ്ലാവിയയും
Don't Miss
- News പത്മജ വേണുഗോപാലിനെതിരെ പ്രതിഷേധമില്ല, മാധ്യമ വാര്ത്തകള് തെറ്റെന്ന് സികെ പത്മനാഭന്
- Movies 'മണിക്ക് കൊടുത്തതുകൊണ്ട് ഒരിക്കലും ലാലിന് ഒരു കുഴപ്പവും വരികയില്ല എന്നൊരു അഭിപ്രായമാണ് ഞാൻ പറഞ്ഞത്'
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
- Sports T20 World Cup 2024: രാഹുലിനെ തഴയും ? വന് ട്വിസ്റ്റ്, ജിതേഷിനൊപ്പം സഞ്ജു ലോകകപ്പിന്, ഈ കാരണം
- Technology രണ്ടെണ്ണം സൂപ്പറാണ്! ഇൻഫിനിക്സ് നോട്ട് 40 സീരീസ് ലോഞ്ച് ചെയ്തു
- Finance നിക്ഷേപത്തിന് ഉയർന്ന പലിശ വേണോ, നൽകാൻ പോസ്റ്റ് ഓഫീസ് റെഡിയാണ്, നോക്കുന്നോ
- Travel മലയാളികളേക്കാൾ പ്രിയം കർണ്ണാടകക്കാർക്ക്, കടലിനു നടുവിലെ കുളം!
ബിഎസ് VI കരുത്തിൽ ടിവിഎസ് സ്കൂട്ടി പെപ് പ്ലസ്; വില 50,757 രൂപ
ടിവിഎസ് നിരയിലെ ഐക്കണിക് സ്കൂട്ടാണ്, സ്കൂട്ടി പെപ് പ്ലസ്. വിപണിയില് എത്തിയിട്ട് ഏകദേശം 25 വര്ഷം പിന്നിട്ടു. സ്കൂട്ടി പെപ് പ്ലസിന്റെ ബിഎസ് VI പതിപ്പിനെ ഇപ്പോള് കമ്പനി വിപണിയില് എത്തിച്ചിരിക്കുകയാണ്.
50,757 രൂപയാണ് പുതിയ പതിപ്പിന്റെ വിപണിയിലെ വില. പഴയ ബിഎസ് IV പതിപ്പുമായി താരതമ്യപ്പെടുത്തുമ്പോള് 6,700 രൂപയുടെ വര്ധനവാണ് പുതിയ പതിപ്പില് ഉണ്ടായിരിക്കുന്നത്. തങ്ങളുടെ മോഡലുകളുടെ നവീകരിച്ച് പതിപ്പുകളെ ഏറെക്കുറെ വിപണിയില് എത്തിക്കാനായെന്നും കമ്പനി അറിയിച്ചു.
2020 ഏപ്രില് ഒന്നു മുതല് രാജ്യത്ത് വില്പ്പനയ്ക്ക് എത്തുന്ന വാഹനങ്ങള്ക്ക് ബിഎസ് VI നിലവാരത്തിലുള്ള എഞ്ചിന് നിര്ബന്ധമാണ്. അന്തരീക്ഷ മലിനീകരണം കുറയ്ക്കുക എന്ന ലക്ഷ്യത്തേടെയാണ് പുതിയ നടപടി. എഞ്ചിന് നവീകരണത്തിനൊപ്പം സ്കൂട്ടറില് കുറച്ച് മാറ്റങ്ങള് കൂടി കമ്പനി ഉള്പ്പെടുത്തിയിട്ടുണ്ട്.
പുത്തന് കളറുകളിലാകും പുതിയ പതിപ്പ് വിപണിയില് എത്തുന്നത്. ഇതോടെ സ്കൂട്ടര് ഇപ്പോള് ഏഴ് നിറങ്ങളില് ലഭ്യമാണ്. 90 സിസി സിംഗിള് സിലിണ്ടര് എയര് കൂള്ഡ് എഞ്ചിനാണ് സ്കൂട്ടറിന്റെ കരുത്ത്.
ഈ എഞ്ചിന് 6,500 rpm -ല് 5 bhp കരുത്തും 4,000 rpm -ല് 5.8 Nm torque ഉം ഉത്പാദിപ്പിക്കും. 95 കിലോഗ്രാം മാത്രമാണ് സ്കൂട്ടി പെപ് പ്ലസിന്റെ. ഇരുവശങ്ങളിലും ഡ്രം ബ്രേക്കാണ് നല്കിയിരിക്കുന്നത്. സുരക്ഷയ്ക്കായി സിംക്രോണൈസ്ഡ് ബ്രേക്കിങ് സംവിധാനം പുതിയ സ്കൂട്ടിയിലുണ്ട്.
1,230 mm ആണ് വീല്ബേസ്. 5 ലിറ്റര് ആണ് ഫ്യുവല് ടാങ്ക് കപ്പാസിറ്റി. മൊബൈല് ചാര്ജര് സോക്കറ്റ്, സൈഡ് സ്റ്റാന്ഡ് അലാറം, സീറ്റിനടിയിലെ സ്റ്റോറേജ് ഹുക്ക്സ്, ഓപ്പണ് ഗ്ലൗ ബോക്സ്, ഈസി സ്റ്റാന്റ് ടെക്നോളജി തുടങ്ങിയ സ്മാര്ട്ട് ഫീച്ചേഴ്സും സ്കൂട്ടറില് കമ്പനി ഉള്പ്പെടുത്തിയിട്ടുണ്ട്.
പുതിയ കളര് ഓപഷനുകള് നല്കി എന്നതൊഴിച്ചാല് ഡിസൈനിലോ, മെക്കാനിക്കല് ഫീച്ചേഴ്സിലോ കമ്പനി മാറ്റങ്ങള് ഒന്നും തന്നെ വരുത്തിയിട്ടില്ല. കഴിഞ്ഞ കാല്നൂറ്റാണ്ടിനിടയില് 45 ലക്ഷത്തിലേറെ സ്കൂട്ടി മോഡലുകള് ടിവിഎസ് വിറ്റഴിച്ചിട്ടുണ്ട്.
പ്രധാനമായും വനിതകളെ ലക്ഷ്യമിട്ടായിരുന്നു സ്കൂട്ടിയുടെ വിപണനം. സ്കൂട്ടി പെപ്പ് പ്ലസ്, സ്കൂട്ടി സെസ്റ്റ് 110 എന്നീ രണ്ട് മോഡലുകളാണ് നിലവില് ടിവിഎസിനുള്ളത്. അടുത്തിടെ മാറ്റ് എഡിഷന് എന്നൊരു പതിപ്പിനെ കൂടി കമ്പനി നിരത്തുകളില് എത്തിച്ചിരുന്നു.
കഴിഞ്ഞ ദിവസം XL 100 -ന്റെ ബിഎസ് VI പതിപ്പിനെയും കമ്പനി വിപണിയില് അവതരിപ്പിച്ചു. 43,889 രൂപയാണ് സ്കൂട്ടറിന്റെ എക്സ്ഷോറും വില. മൂന്ന് വകഭേദങ്ങളിലാണ് സ്കൂട്ടര് വിപണിയില് എത്തുന്നത്.