Just In
- 11 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 13 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 14 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 14 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- News തൃശൂർ പൂരം നിർത്തിവെച്ചു, ചരിത്രത്തില് ആദ്യം: ഒടുവില് വഴങ്ങി, വെടിക്കെട്ട് പകല് വെളിച്ചത്തില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കരുത്തും മൈലേജും വര്ധിപ്പിച്ചു; ബിഎസ് VI സ്പോര്ട്ടിനെ അവതരിപ്പിച്ച് ടിവിഎസ്
ശ്രേണിയിലെ എന്ട്രി ലെവല് മോഡലായ സ്പോര്ട്ടിനെ നവീകരിച്ച് ഇരുചക്ര വാഹന നിര്മ്മാതാക്കളായ ടിവിഎസ്. കഴിഞ്ഞ ദിവസം സ്കൂട്ടര് നിരയില് നിന്നും സ്കൂട്ടി പെപ് പ്ലസിന്റെ നവീകരിച്ച് പതിപ്പിനെ കമ്പനി വിപണിയില് അവതരിപ്പിച്ചിരുന്നു.
കിക്ക് സ്റ്റാര്ട്ട്, സെല്ഫ് സ്റ്റാര്ട്ട് എന്നിങ്ങനെ രണ്ട് വകഭേദങ്ങളിലാണ് ബൈക്കിനെ വിപണയില് എത്തിച്ചിരിക്കുന്നത്. കിക്ക് സ്റ്റാര്ട്ടിന് 51,750 രൂപയാണ് എക്സ്ഷോറും വില. നിലവില് വില്പ്പനയില് ഉള്ള ബിഎസ് IV പതിപ്പുമായി താരതമ്യപ്പെടുത്തുമ്പോള് 3,633 രൂപയുടെ വര്ധനവാണ് ഉണ്ടായിരിക്കുന്നത്.
നവീകരിച്ച് വിപണിയില് എത്തിയിരിക്കുന്ന സെല്ഫ് സ്റ്റാര്ട്ട് മോഡലിന് 58,925 രൂപയാണ് വില. പഴയ പതിപ്പുമായി താരതമ്യപ്പെടുത്തുമ്പോള് 8,017 രൂപയുടെ വര്ധവ് ഉണ്ടായിരിക്കുന്നതു കാണാം. ഫ്യുവല് ഇഞ്ചക്ഷന് സംവിധാനത്തോടെയാണ് ബൈക്കിന് അവതരിപ്പിച്ചിരിക്കുന്നത്.
അതുകൊണ്ട് തന്നെ കൂടുതല് മൈലേജും ബൈക്കില് കമ്പനി അവകാശപ്പെടുന്നുണ്ട്. പഴയ പതിപ്പിനെക്കാള് മൈലേജ് 15 ശതമാനം കൂടിയിട്ടുണ്ടെന്നാണ് കമ്പനി അവകാശപ്പെടുന്നത്.
സാധാരണ എഞ്ചിന് നവീകരണത്തിന്റെ ഭാഗമായി മിക്ക ബൈക്കുകളുടെയും ടോര്ഖും കരുത്തും കുറഞ്ഞപ്പോള് സ്പോര്ട്ടിന്റെ കാര്യത്തില് സംഭവിച്ചത് നേരെ മറിച്ചാണെന്നും കമ്പനി പറയുന്നു. 109.7 സിസി ബിഎസ് VI എഞ്ചിനാണ് ബൈക്കിന്റെ കരുത്ത്.
ഈ എഞ്ചിന് 8.29 bhp കരുത്തും 8.7 Nm torque ഉം സൃഷ്ടിക്കും. നാല് സ്പീഡാണ് ഗിയര്ബോക്സ്. അതേസമയം 99 സിസി ആയിരുന്നു പഴയ ബിഎസ് IV എഞ്ചിന്.
7.48 bhp കരുത്തും 7.5 Nm torque ഉം ആയിരുന്നു ഈ എഞ്ചിന് സൃഷ്ടിച്ചിരുന്നത്. പുത്തന് മോഡലിന്റെ ഭാരവും 1.5 കിലോഗ്രാം കൂടിയിട്ടുണ്ട്. ഗ്രൗണ്ട് ക്ലിയറന്സും 170 mm ല് നിന്നും 175 mm ആയി വര്ദ്ധിപ്പിച്ചു.
എല്ഇഡി ഡേ ടൈം റണ്ണിങ് ലാമ്പുകളും, ട്യൂബ്ലെസ്സ് ടയറുകളും പുതിയ ബൈക്കിന്റെ സവിശേഷതകളാണ്. മുന്നില് ടെലിസ്കോപ്പിക് ഫോര്ക്കുകളും പിന്നില് ഇരട്ട സ്പ്രിംഗ് ഷോക്ക് അബ്സോര്ബറുകളുമാണ് സസ്പെന്ഷന് കൈകാര്യം ചെയ്യുന്നത്.
സുരക്ഷയ്ക്കായി മുന്നില് 30 mm ഡ്രം ബ്രേക്കും പിന്നില് 110 mm ഡ്രം ബ്രേക്കുമാണ് നല്കിയിരിക്കുന്നത്. കോമ്പി ബ്രേക്ക് സംവിധാനവും ഇതിനൊപ്പം നല്കിയിട്ടുണ്ട്. വോള്കാനോ റെഡ്, മെര്ക്കുറി ഗ്രേ എന്നീ സിംഗിള് ടോണ് നിറങ്ങളിലും ബ്ലാക്ക്/റെഡ്, വൈറ്റ്/പര്പ്പിള്, വൈറ്റ്/റെഡ് എന്നീ ഡ്യുവല് ടോണ് നിറങ്ങളിലും ബൈക്ക് വില്പ്പനയ്ക്ക് എത്തും.
ടിവിഎസ് നിരയിലെ ഐക്കണിക് സ്കൂട്ടായ സ്കൂട്ടി പെപ് പ്ലസിനെ നവീകരിച്ച് കഴിഞ്ഞ ദിവസം വിപണിയില് എത്തിച്ചിരുന്നു. 50,757 രൂപയാണ് പുതിയ പതിപ്പിന്റെ വിപണിയിലെ വില. പഴയ ബിഎസ് IV പതിപ്പുമായി താരതമ്യപ്പെടുത്തുമ്പോള് 6,700 രൂപയുടെ വര്ധനവാണ് പുതിയ പതിപ്പില് ഉണ്ടായിരിക്കുന്നത്.
തങ്ങളുടെ മോഡലുകളുടെ നവീകരിച്ച് പതിപ്പുകളെ ഏറെക്കുറെ വിപണിയില് എത്തിക്കാനായെന്നും കമ്പനി അറിയിച്ചു. 2020 ഏപ്രില് ഒന്നു മുതല് രാജ്യത്ത് വില്പ്പനയ്ക്ക് എത്തുന്ന വാഹനങ്ങള്ക്ക് ബിഎസ് VI നിലവാരത്തിലുള്ള എഞ്ചിന് നിര്ബന്ധമാണ്. അന്തരീക്ഷ മലിനീകരണം കുറയ്ക്കുക എന്ന ലക്ഷ്യത്തേടെയാണ് പുതിയ നടപടി.