2021 മോഡൽ യമഹ R3 വിപണിയിൽ; ഇന്ത്യയിലേക്കും എത്തിയേക്കും

2021 ജനുവരി 15 മുതൽ മോട്ടോർസൈക്കിൾ വിൽപ്പനയ്‌ക്കെത്തും. പുതിയ R3 മോഡലിന്റെ 3700 യൂണിറ്റുകൾ പ്രതിവർഷം വിൽക്കാനാണ് യമഹ ഇപ്പോൾ ലക്ഷ്യമിടുന്നത്.

2021 യമഹ R3 പതിപ്പിന് 687,500 ജാപ്പനീസ് യെന്നാണ് മുടക്കേണ്ടത്. അതായത് ഏകദേശം 4.89 ലക്ഷം രൂപ. കൂടുതൽ ഉപഭോക്താക്കളെ ആകർഷിക്കാൻ ബൈക്കിന് ആകർഷകവുമായ സിയാൻ കളർ ഓപ്ഷൻ കമ്പനി സമ്മാനിച്ചിട്ടുണ്ട്.

MOST READ: തെറ്റായ ഫാസ്ടാഗ് ഇടപാടുകള്‍ക്ക് റീഫണ്ടുകള്‍ ഇനി വേഗത്തില്‍; മാറ്റങ്ങള്‍ ഇങ്ങനെ

ഇത് എല്ലാവർക്കും ഇഷ്‌ടപ്പെടുന്ന കളർ അല്ലെങ്കിലും തീർച്ചയായും എടുത്തുപറയേണ്ട ഒരു ഘടകമാണിത്. ട്വിൻ-സിലിണ്ടർ മോട്ടോർസൈക്കിളിന്റെ ബോഡി വർക്കിന്റെ വലിയൊരു ശതമാനം സിയാൻ നിറത്തിൽ പൂർത്തിയായി.

അതോടൊപ്പം മൊത്തത്തിലുള്ള വിഷ്വൽ അപ്പീൽ വർധിപ്പിക്കുന്ന ചില ബ്ലാക്ക്ഔട്ട് ഭാഗങ്ങളും കാണാം. ചുവന്ന അലോയ് വീലുകൾ ശ്രദ്ധേയമാണ്. ഈ പുതിയ കളർ സ്കീമിന്റെ ഗ്രാഫിക്സും മോട്ടോർസൈക്കിളിന്റെ സ്പോർട്ടി സ്വഭാവവുമായി ഇഴുകിച്ചേരുന്നുണ്ട്.

MOST READ: പുതിയ കളര്‍ ഓപ്ഷനില്‍ ഥാറിന്റെ പരീക്ഷണയോട്ടം; അരങ്ങേറ്റം ഉടന്‍

പുതിയ സിയാൻ കളർ ഓപ്ഷനു പുറമെ 2021 യമഹ R3 അപ്‌ഡേറ്റ് ചെയ്ത മാറ്റ് ബ്ലാക്ക് ഷേഡിലും ലഭ്യമാണ്. പുതുക്കിയ രൂപത്തിനായി യമഹ ഈ പെയിന്റ് സ്കീം വളരെ സ്പോർട്ടിയറായി കാണപ്പെടും. ഇതോടൊപ്പം കളർ ഓപ്ഷനിൽ ഡീപ് പർപ്പിളിഷ് ബ്ലൂ മെറ്റാലിക് ഓപ്ഷനുമുണ്ട്.

മെക്കാനിക്കൽ വശങ്ങളിലേക്ക് നോക്കിയാൽ പുതിയ യമഹ R3 മാറ്റമില്ലാതെ തുടരുന്നു. അതേ 320 സിസി പാരലൽ-ട്വിൻ ലിക്വിഡ്-കൂൾഡ് എഞ്ചിൻ തന്നെയാണ് മോട്ടോർസൈക്കിളിന്റെ ഹൃദയം.

4 വാൽവുകൾക്കൊപ്പം ഒരു DOHC സജ്ജീകരിച്ചിരണമാണ് R3-യിൽ ഉള്ളത്. 10,750 rpm-ൽ‌ പരമാവധി 42 bhp പവറും 9,000 rpm-ൽ‌ 29 Nm torque ഉം ഉത്‌പാദിപ്പിക്കാൻ ശേഷിയുള്ളതാണ്. ആറ് സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്.

ഇന്ത്യയിൽ യമഹ R3 അതിന്റെ വിഭാഗത്തിലെ ഏറ്റവും മികച്ച മോട്ടോർസൈക്കിളുകളിൽ ഒന്നായിരുന്നു. അതിന്റെ രൂപത്തിനും അതിനൊത്ത പെർഫോമൻസും വളരെയധികം പേരുകേട്ടതായിരുന്നു.

എന്നാൽ ചില കാരണങ്ങളാൽ പരിഷിക്കരിച്ച മോഡലിനെ യമഹ ഇന്ത്യൻ വിപണിയിലേക്ക് കൊണ്ടുവന്നില്ല. ആഭ്യന്തര വിപണിയിൽ നിന്നും നിർത്തലാക്കിയെങ്കിലും സമീപഭാവിയിൽ ജാപ്പനീസ് ബ്രാൻഡ് പുതിയ R3 അവതരിപ്പിക്കുമെന്നാണ് പ്രതീക്ഷിക്കുന്നത്.