Just In
- 36 min ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
- 13 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 14 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 14 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
Don't Miss
- Finance കീശ നിറയ്ക്കണോ, ടാറ്റാ ഗ്രൂപ്പ് ഓഹരികൾ വാങ്ങാൻ ബ്രോക്കറേജ് നിർദ്ദേശം, ടാർഗെറ്റ് വില അറിയാം
- Movies എനിക്ക് ഭ്രാന്താണെന്ന് പറയുമായിരുന്നു; മഹേഷിന്റെ പ്രതികാരം ഇറങ്ങുമ്പോഴും ഞാന് കടത്തില് !
- Technology ഓഫർ പെരുമഴയല്ല സുനാമിയാണ്; എസ് 23 അൾട്രയ്ക്ക് 35,000 രൂപയുടെ ഡിസ്കൗണ്ടുമായി ഫ്ലിപ്പ്കാർട്ട്
- News ജാഗ്രത വേണം, ചൂടിന് കുറവില്ല; ഇന്ന് 10 ജില്ലകളിൽ ഉയർന്ന താപനില മുന്നറിയിപ്പ്
- Sports IPL 2024: അശ്വിന് നാണമില്ലേ? റണ്ണൗട്ട് പാഴാക്കിയിട്ട് ജയ്സ്വാളിനോട് കയര്ത്തു; രൂക്ഷ വിമര്ശനം
- Lifestyle Numerology Horoscope: ധനനേട്ടം, ജോലിയില് ഉയര്ച്ച, മംഗല്യഭാഗ്യം: ഈ ആഴ്ചയില് ഉയര്ച്ച ഇവര്ക്ക്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഇന്റർസെപ്റ്ററിന് എതിരാളി; പുതിയ 502C ക്രൂയിസറുമായി ബെനലി നാളെ എത്തും
ക്രൂയിസർ വിപണി കീഴടക്കി മുന്നേറുന്ന റോയൽ എൻഫീൽഡിന് വെല്ലുവിളിയായി അടുത്തിടെയായി അനേകം മോഡലുകളാണ് വിപണിയിൽ എത്തുന്നത്. ഹോണ്ടയും ജാവയും എല്ലാം വ്യത്യസ്ത തരത്തിലുള്ള മോഡലുകൾ അണിനിരത്തി കളംനിറയാൻ ശ്രമിച്ചെങ്കിലും ഒന്നും അങ്ങ് കത്തിയില്ലെന്ന് വേണം പറയാൻ.
ദേ ഇപ്പോൾ വിണിയിൽ പുതിയൊരു മോഡലുമായി ബെനലി കൂടി എത്തുകയാണ്. പുതിയ 502C ക്രൂസർ ഇന്ത്യൻ വിപണിയിൽ ഉടൻ പുറത്തിറക്കുമെന്ന് പ്രഖ്യാപിച്ചാണ് ചൈനീസ് ഉടമസ്ഥതയിലുള്ള ഇറ്റാലിയൻ ബ്രാൻഡ് എൻഫീൽഡിന് പുതിയ വെല്ലുവിളികൾ സൃഷ്ടിക്കുന്നത്.
പുതിയ ക്രൂയിസർ മോട്ടോർസൈക്കിളിനായുള്ള പ്രീ ബുക്കിംഗ് ജൂലൈ എട്ടിന് ഇന്ത്യയിൽ ആരംഭിക്കുമെന്നും കമ്പനി ആരംഭിച്ചിട്ടുണ്ട്. മോട്ടോർസൈക്കിളിന്റെ വില പ്രഖ്യാപനവും അവതരണവും 2021 ജൂലൈ എട്ടിന് ഉണ്ടായേക്കുമെന്നാണ് സൂചന.
പുതിയ ബെനലി 502C അടിസ്ഥാനപരമായി 2020 ൽ ചാര ചിത്രങ്ങളിൽ ചോർന്ന QJ SRV500 മോഡലിന്റെ പുനർനിർമ്മിച്ച പതിപ്പാണ്. റോയൽ എൻഫീൽഡ് ഇന്റർസെപ്റ്റർ 650, കവസാക്കി വൾക്കൺ എസ് എന്നിവയുടെ വിലയ്ക്ക് എതിരാളിയായാകും ക്രൂയിസറിനെ കമ്പനി ഇന്ത്യയിൽ പരിചയപ്പെടുത്തുക.
ഏകദേശം അഞ്ച് ലക്ഷം രൂപയായിരിക്കും 2021 ബെനലി 502C ക്രൂയിസറിന് നിശ്ചയിക്കുന്ന എക്സ്ഷോറൂം വില. മോട്ടോർസൈക്കിളിനെക്കുറിച്ചുള്ള കൂടുതൽ വിശദാംശങ്ങൾ ഇനിയും പ്രഖ്യാപിച്ചിട്ടില്ലെങ്കിലും ബൈക്കിന് QJ SRV500 ന് സമാനമായ 500 സിസി, പാരലൽ ട്വിൻ എഞ്ചിനാകും തുടിപ്പേകുക.
എന്നാൽ പവർഔട്ട്പുട്ട് കണക്കുകളിൽ വ്യത്യാസമുണ്ടായിരിക്കാം. 8500 rpm-ൽ പരമാവധി 47 bhp കരുത്തും 6000 rpm-ൽ 46 Nm torque ഉം ഉത്പാദിപ്പിക്കാൻ പ്രാപ്തമായിരിക്കും. ആറ് സ്പീഡ് ഗിയർബോക്സുമായാകും എഞ്ചിൻ ജോടിയാക്കിയിരിക്കുന്നത്.
502C ക്രൂയിസറിന് 17 ഇഞ്ച് ഫ്രണ്ട് / റിയർ-വീൽ സജ്ജീകരണത്തിലാകും പുറത്തിറങ്ങുക. ഒപ്പം റൈഡറിന് ഒരു കംഫർട്ട് ഓറിയന്റഡ് റൈഡിംഗ് ജോമെട്രി വാഗ്ദാനം ചെയ്യും. സവാരിക്ക് പിന്തുണയേകാൻ സിംഗിൾ, ടക്ക്, റോൾ സീറ്റ് ഉണ്ടാകും.
പൂർണ എൽഇഡി ലൈറ്റിംഗും പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്ററും ബെനലിയുടെ പുതിയ ക്രൂയിസറിലെ മറ്റ് പ്രധാന സവിശേഷതകളിൽ ഉൾപ്പെടും. ബൈക്കിൽ സജ്ജീകരിച്ചിരിക്കുന്ന ബ്രേക്കിംഗിൽ ഡ്യുവൽ 280 mm പെറ്റൽ ഡിസ്കുകൾ ഉൾപ്പെടുന്നു.
റേഡിയൽ കാലിപ്പറുകൾ മുൻവശത്താണ് ഇടംപിടിച്ചിരിക്കുന്നത്. മോട്ടോർസൈക്കിളിന് പിന്നിൽ 240 mm പെറ്റൽ ഡിസ്ക്കാണ് ബെനലി ഉൾപ്പെടുത്തിയിരിക്കുന്നത്. സുരക്ഷ വർധിപ്പിക്കുന്നതിന്റെ ഭാഗമായി ഡ്യുവൽ-ചാനൽ എബിഎസും 502C ക്രൂയിസറിലുണ്ടാകും.