Just In
- 5 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 7 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 8 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 8 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബിഎംഡബ്ല്യു മോട്ടോറാഡിന് വളർച്ച; പോയ വർഷം നിരത്തിലെത്തിച്ചത് 2,563 യൂണിറ്റ്
പോയ വർഷത്തിൽ മികച്ച വിൽപ്പന കൈവരിച്ച് ബിഎംഡബ്ല്യുവിന്റെ ഇരുചക്ര വാഹന വിഭാഗമായ ബിഎംഡബ്ല്യു മോട്ടോറാഡ് ഇന്ത്യ. 2020-ൽ മൊത്തം 2,563 യൂണിറ്റ് മോട്ടോർസൈക്കിളുകളാണ് കമ്പനി നിരത്തുകളിലെത്തിച്ചത്.
രാജ്യത്തെ പരമ്പരാഗത വിപണിയുടെ അവസ്ഥയെ മറികടന്ന് കമ്പനി 6.7 ശതമാനം വാർഷിക വളർച്ചയാണ് നേടിയെടുത്തിരിക്കുന്നത്. ഇത് ബ്രാൻഡിന്റെ ഇന്ത്യയിലെ എക്കാലത്തെയും മികച്ച വിൽപനയാണ് എന്ന കാര്യവും ശ്രദ്ധേയമാണ്.
2017-ൽ രാജ്യത്ത് പ്രവർത്തനം ആരംഭിച്ച കമ്പനി ആ വർഷം 252 യൂണിറ്റുകളും അതിനുശേഷം 2018-ൽ 2,187 യൂണിറ്റുകളും 2019 കലണ്ടർ വർഷം 2,403 യൂണിറ്റ് വിൽപ്പനയുമാണ് സ്വന്തമാക്കിയിരുന്നത്.
കരുത്തായി പുത്തൻ G 310 ഇരട്ടകൾ
കഴിഞ്ഞ വർഷം ആദ്യ പാദത്തിൽ 1,024 യൂണിറ്റ് വിൽപ്പന നേടി മികച്ച തുടക്കം കുറിച്ച ബിഎംഡബ്ല്യു മോട്ടോറാഡ് ആദ്യ പാദത്തിൽ 71.5 ശതമാനം വളർച്ചയാണ് നേടിയെടുത്തത്.
2020-ന്റെ ആദ്യ മൂന്ന് മാസങ്ങളിൽ ബിഎംഡബ്ല്യു മോട്ടോറാഡിന്റെ മൊത്തം ആഗോള വിൽപ്പനയുടെ 34,774 യൂണിറ്റുകളിൽ മൂന്ന് ശതമാനം സംഭാവന ഇന്ത്യയിൽ നിന്നായിരുന്നു. കമ്പനിയുടെ ഇന്ത്യയിലെ വിജയത്തിന് പിന്നിലുള്ളത് സബ് 500 സിസി മോട്ടോർസൈക്കിൾ വിഭാഗത്തിലെത്തുന്ന G 310 R, G 310 GS എന്നീ മോഡലുകളാണ്.
അതായത് വിൽപ്പനയുടെ 80 ശതമാനവും ഈ 310 മോഡലുകളുടെ സംഭാവനയാണെന്ന് സാരം. ഏകദേശം ഏകദേശം 2,050 യൂണിറ്റ് G 310 ഇരട്ടകളാണ് വിറ്റഴിച്ചത്. ഇവയ്ക്ക് പുറമെ R 1250 GS / GSA, F 750/850 GS, S 1000 RR എന്നിവയാണ് ബ്രാൻഡിന്റെ നിരയിലുള്ളത്.
2020 ഒക്ടോബറിൽ ബിഎസ്-VI നിലവാരത്തിലേക്ക് പരിഷ്ക്കരിച്ച G 310 മോഡലുകളെയും കമ്പനി ഇന്ത്യയിൽ അവതരിപ്പിച്ചു. ബിഎംഡബ്ല്യു മോട്ടോറാഡിന്റെ സഹകരണ പങ്കാളിയായ ടിവിഎസിന്റെ സഹായത്തോടെയാണ് ഈ ട്വിൻ ബൈക്കുകളെ കമ്പനി വിപണിയിൽ എത്തിക്കുന്നത്.
പുതിയ എഞ്ചിനു പുറമെ G 310 R, G 310 GS മോഡലുകളുടെ സ്റ്റൈലിംഗിനായി ചെറിയ അപ്ഡേറ്റുകളും ബിഎംഡബ്ല്യു പരിചയപ്പെടുത്തിയത് ഏറെ ശ്രദ്ധനേടി. ഇവയ്ക്ക് ഒരേ 312.2 സിസി, സിംഗിൾ സിലിണ്ടർ, ഫ്യുവൽ ഇഞ്ചക്ഷൻ, ലിക്വിഡ്-കൂൾഡ് എഞ്ചിനാണ് ഉപയോഗിക്കുന്നത്.
പ്രാദേശികമായി ഹൊസൂരിലെ സഹകരണ പങ്കാളിയായ ടിവിഎസാണ് ബൈക്കുകൾ നിർമിക്കുന്നത്. ഈ രണ്ട് ബൈക്കുകളും ജർമൻ ബ്രാൻഡിന്റെ ഏറ്റവും താങ്ങാനാവുന്ന മോഡലുകളിൽ ഒന്നാണ്.
മേൽപ്പറഞ്ഞ മോഡലുകൾക്ക് പുറമെ നിരവധി പുതിയ മോട്ടോർസൈക്കിൾ ഓഫറുകളും കഴിഞ്ഞ വർഷം ബിഎംഡബ്ല്യു ഇന്ത്യൻ വിപണിയിൽ അവതരിപ്പിച്ചു. ഇതിൽ F 900 R, F 900 XR, S 1000 XR, R 18 ക്രൂയിസർ എന്നിവ ഉൾപ്പെടുന്നു.
കൂടുതൽ ഉപഭോക്താക്കളെ കണ്ടെത്തുന്നതിനായി ബിഎംഡബ്ല്യു നിരവധി ഫിനാൻസിംഗ് പരിഹാരങ്ങളും വാഗ്ദാനം ചെയ്യുന്നുണ്ട് ഇത് 2020 ലെ ബ്രാൻഡിന്റെ വിൽപ്പന പ്രകടനത്തിൽ വലിയ പങ്കുവഹിക്കാൻ സഹായിച്ചു.