മൂന്ന് ഇലക്ട്രിക് ഇരുചക്ര വാഹനങ്ങള്‍ അവതരിപ്പിച്ച് എര്‍ത്ത് എനര്‍ജി; മോഡല്‍, വില, ശ്രേണി വിവരങ്ങള്‍ ഇതാ

അടുത്തിടെ നടത്തിയ ഒരു സര്‍വേയില്‍ ഉചിതമായ അടിസ്ഥാന സൗകര്യങ്ങള്‍ ഉള്ളപ്പോള്‍ 90 ശതമാനം കാര്‍ ഉടമകളും ഇലക്ട്രിക് വാഹനങ്ങളിലേക്ക് മാറാന്‍ തയ്യാറാണെന്ന് വെളിപ്പെടുത്തിയിരുന്നു.

എന്നിരുന്നാലും, ആഗോള വിപണി ഇലക്ട്രിക് വാഹന വ്യവസായത്തില്‍ ശക്തിപ്പെടുമ്പോള്‍ ഇന്ത്യ ഇനിയും ഒരുപാട് ദൂരം സഞ്ചരിക്കാനുണ്ട്. വിപണിയില്‍ നിരവധി ബ്രാന്‍ഡുകള്‍ ഇലക്ട്രിക് മോഡലുകള്‍ അവതരിപ്പിച്ചിട്ടുണ്ടെങ്കിലും, ഇന്ത്യയിലെ മൊത്തം വാഹന വില്‍പ്പനയുടെ ഒരു ശതമാനം മാത്രമാണ് നടക്കുന്നതെന്നും റിപ്പോര്‍ട്ടുകള്‍ വ്യക്തമാക്കുന്നു.

MOST READ: സ്‌ക്രാപ്പിംഗ് നയം; 15 വര്‍ഷത്തില്‍ കൂടുതല്‍ പഴക്കമുള്ള വാഹനങ്ങള്‍ കൈവശംവെയ്ക്കുന്നത് ചെലവേറും

എന്നാല്‍ പുതിയ ഒഇഎമ്മുകള്‍ അവരുടെ ഉത്പ്പന്നങ്ങള്‍ അവതരിപ്പിക്കുന്നതിന് ഈ വില്‍പ്പന കണക്കുകള്‍ ഒരു തടസ്സമായിട്ടില്ലെന്ന് വേണം പറയാന്‍. ഇന്ത്യയിലെ ഇലക്ട്രിക് വാഹന വ്യവസായത്തിന്റെ മുന്നോടിയായ മുംബൈ ആസ്ഥാനമായുള്ള സ്റ്റാര്‍ട്ടപ്പ് എര്‍ത്ത് എനര്‍ജി 3 പുതിയ ഇലക്ട്രിക് വാഹനങ്ങള്‍ അവതരിപ്പിച്ചു.

ഗ്ലൈഡ് പ്ലസ് ഇലക്ട്രിക് സ്‌കൂട്ടറാണ് എര്‍ത്ത് എനര്‍ജി അവതരിപ്പിച്ച ആദ്യ മോഡല്‍. 92,000 രൂപയാണ് വിപണിയില്‍ സ്‌കൂട്ടറിന്റെ എക്‌സ്‌ഷോറൂം വില. 2.4W ഇലക്ട്രിക് മോട്ടോറാണ് കരുത്ത് നല്‍കുന്നത്.

MOST READ: അവതരണത്തിന് മുന്നോടിയായി കിഗര്‍ ഡീലര്‍ഷിപ്പുകളില്‍ എത്തി; കൂടുതല്‍ വിവരങ്ങള്‍ അറിയാം

ഇത് മണിക്കൂറില്‍ 60 കിലോമീറ്റര്‍ വേഗത നല്‍കുന്നു. പൂര്‍ണ്ണ ചാര്‍ജില്‍ 100 കിലോമീറ്റര്‍ ശ്രേണിയും വാഗ്ദാനം ചെയ്യുന്നു. 2.4 കിലോവാട്ട് ഇലക്ട്രിക് മോട്ടോര്‍ 3.26 bhp കരുത്തും 26 Nm torque ഉം സൃഷ്ടിക്കുന്നു. ബജാജ് ചേതക്, ടിവിഎസ് ഐക്യൂബ് തുടങ്ങിയവരാണ് വിപണിയില്‍ എതിരാളികള്‍.

സ്‌പോര്‍ട്ടി ഭാവം നല്‍കുന്ന ഇവോള്‍വ് Z ഇലക്ട്രിക് ആണ് മറ്റൊരു മോഡല്‍. 1.3 ലക്ഷം രൂപ വരെയാണ് ഈ മോഡലിന്റെ വിപണിയിലെ എക്‌സ്‌ഷോറൂം വില.

MOST READ: ഉടമസ്ഥാവകാശം എളുപ്പമാക്കാൻ സിട്രൺ; C5 എയര്‍ക്രോസിൽ ഒരുക്കുന്നത് നിരവധി വാറണ്ടി പാക്കേജുകൾ

96 AH / ലി-അയണ്‍ ബാറ്ററിയാണ് കരുത്ത്. 100 കിലോമീറ്റര്‍ പരിധിയും പിന്തുണയ്ക്കുന്നുവെന്ന് കമ്പനി അവകാശപ്പെടുന്നു. 95 കിലോമീറ്ററാണ് ഇതിന്റെ പരമാവധി വേഗത. റിവോള്‍ട്ട് RV300 ആണ് മുഖ്യ എതിരാളി.

ഇവോള്‍വ് R ആണ് ശ്രേണിയിലെ ഉയര്‍ന്ന മോഡല്‍. 1.42 ലക്ഷം രൂപയാണ് ഈ മോഡലിന്റെ എക്‌സ്‌ഷോറൂം വില. 12.5 കിലോവാട്ട് ഇലക്ട്രിക് മോട്ടോര്‍ 17 bhp കരുത്തും 54 Nm torque ഉം സമ്മാനിക്കുന്നു.

MOST READ: XUV300 പെട്രോള്‍ ഓട്ടോമാറ്റിക് അവതരിപ്പിച്ച് മഹീന്ദ്ര; വില 9.95 ലക്ഷം രൂപ

110 കിലോമീറ്ററാണ് പരമാവധി വേഗത. പൂര്‍ണ ചാര്‍ജില്‍ 100 കിലോമീറ്റര്‍ ശ്രേണി വരെ വാഗ്ദാനം ചെയ്യുമെന്നും കമ്പനി അവകാശപ്പെടുന്നു. മൂന്ന് മോഡലുകളും ചാര്‍ജ് ചെയ്യുന്നതിന് 2.5 മണിക്കൂര്‍ വരെ സമയം ആവശ്യമാണ്.

എന്നാല്‍ ഫാസ്റ്റ് ചാര്‍ജര്‍ ഉപയോഗിച്ചാല്‍ 40 മിനിറ്റിനുള്ളില്‍ പൂജ്യം മുതല്‍ 80 ശതമാനം വരെ ചാര്‍ജ് ചെയ്യാം. ഓട്ടോമാറ്റിക് ഹെഡ്‌ലാമ്പുകള്‍, ഇരുണ്ടതും ലൈറ്റ് മോഡില്‍ കാണുന്നതിന് റൈഡേഴ്സിനെ സഹായിക്കുന്ന എല്‍സിഡി ഡിസ്പ്ലേ, ബാറ്ററി SOC, തത്സമയ ശ്രേണി, ടിബിടി, നാവിഗേഷന്‍ മുതലായ ഫീച്ചറുകള്‍ മുഴുവന്‍ ശ്രേണിയും ഉള്‍ക്കൊള്ളുന്നു.

മാര്‍ഷല്‍ ഗ്രേ, ജെറ്റ് ബ്ലാക്ക്, വൈറ്റ് എന്നീ 3 നിറങ്ങളില്‍ മൂന്ന് മോഡലുകളും വാഗ്ദാനം ചെയ്യുന്നു. എര്‍ത്ത് എനര്‍ജി ഇന്ന് പുറത്തിറക്കിയ എല്ലാ പുതിയ ഇലക്ട്രിക് വാഹനങ്ങളും സ്മാര്‍ട്ട് ഇന്‍ ട്രൂ സെന്‍സ് എന്ന നൂതന സവിശേഷതകളോടെയാണ് വരുന്നത്.

സാങ്കേതികവിദ്യയില്‍ ഇത് ഒന്നാമതാണെന്ന് കമ്പനി അവകാശപ്പെടുന്നു. ഇത് അടിസ്ഥാനപരമായി ഇന്റര്‍നെറ്റ് കണക്റ്റുചെയ്ത സവിശേഷത അപ്ലിക്കേഷനാണ്. തത്സമയ നാവിഗേഷന്‍ നില, ഇന്‍കമിംഗ് കോളുകള്‍ / സന്ദേശ അലേര്‍ട്ട്, യാത്രാ ചരിത്രം, നിലവിലെ ലക്ഷ്യസ്ഥാനം എന്നിവ സ്‌ക്രീനില്‍ സൂക്ഷിക്കാന്‍ ഈ സാങ്കേതികവിദ്യ റൈഡറെ സഹായിക്കുന്നു.

ഫുഡ് ഡെലിവറി ഏജന്റുമാര്‍ക്ക് മൂന്നാം കക്ഷി ഉപയോഗ മോഡലും അപ്ലിക്കേഷന്‍ അനുവദിക്കുന്നു. മുഴുവന്‍ ഓര്‍ഡര്‍ മാപ്പിംഗും ഡിസ്‌പ്ലേ സ്‌ക്രീനില്‍ തന്നെ എളുപ്പത്തില്‍ ചെയ്യാന്‍ കഴിയും.

ദുബൈ ആസ്ഥാനമായുള്ള മാതൃ കമ്പനിയായ ഗ്രുഷി എനര്‍ജി പ്രൈവറ്റ് ലിമിറ്റഡിന്റെ അനുബന്ധ സ്ഥാപനമായ എര്‍ത്ത് എനര്‍ജി 2017-ലാണ് പ്രവര്‍ത്തനം ആരംഭിച്ചത്. മുംബൈയിലെ വസായിയില്‍ 7000 ചതുരശ്രയടി ആര്‍ & ഡി സജ്ജീകരണം കമ്പനി സ്ഥാപിക്കുകയും ലി-ഓണ്‍ ബാറ്ററി പായ്ക്കുകള്‍ നിര്‍മ്മിക്കുകയും ചെയ്യുന്നു.