Just In
- 4 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 7 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 7 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 8 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
എതിരാളികളില് നിന്നും വ്യത്യസ്തനാകാന് TVS Raider 125; പ്രധാന സവിശേഷതകള് ഇങ്ങനെ
125 സിസി ശ്രേണിയില് രണ്ടാം അങ്കത്തിനെത്തുകയാണ് നിര്മാതാക്കളായ ടിവിഎസ്. ഇന്ന് രാജ്യത്ത് ഏറ്റവും കൂടുതല് വില്പ്പന നടക്കുന്ന ഒരു ശ്രേണി കൂടിയാണ് കമ്മ്യൂട്ടര് ബൈക്കുകളുടേത്.
നേരത്തെ ഈ വിഭാഗത്തില് ടിവിഎസ് മോഡലുകളെ എത്തിച്ചിരുന്നെങ്കിലും ക്ലച്ച് പിടിച്ചില്ലെന്ന് പറയുന്നതാകും ശരി. അവസാനും ആഭ്യന്തര വിപണിയിലെ വില്പ്പന അവസാനിപ്പിച്ച് കയറ്റുമതി വിപണിക്കായി മോഡല് നിര്മ്മിക്കുകയും ചെയ്തു.
അന്നുണ്ടായിരുന്ന പ്രശ്നങ്ങളെല്ലാം പരിഹരിച്ചാണ് ഇപ്പോള് പുതി റൈഡര് 125 എന്നൊരു മോഡല് അവതരിപ്പിച്ചുകൊണ്ട് അതിന്റെ പുനപ്രവേശം അടയാളപ്പെടുത്തിയിരിക്കുന്നത്.
നിര്മാതാവ് ഇതിന് ആകര്ഷകമായ രൂപകല്പ്പനയും നിരവധി മികച്ച സവിശേഷതകളും നല്കിയിട്ടുണ്ടെന്നത് എടുത്ത് പറയേണ്ട കാര്യം തന്നെയാണ്. ഇന്ത്യന് വിപണിയില് നിലവില് വില്ക്കുന്ന 125 സിസി മോട്ടോര്സൈക്കിളുകളെക്കാള് പുതിയ ടിവിഎസ് റൈഡര് 125-നെ മികച്ചതാക്കുന്ന അഞ്ച് സവിശേഷതകള് എന്തൊക്കെയെന്ന് പരിശോധിക്കാം.
പ്രീമിയം ഉപകരണങ്ങള്
ടിവിഎസ് റൈഡര് 125-ല് പൂര്ണ്ണ ഡിജിറ്റല് ഇന്സ്ട്രുമെന്റ് ക്ലസ്റ്റര് വാഗ്ദാനം ചെയ്യുന്നു, ഇത് ടണ് കണക്കിന് വിവരങ്ങള് കാണിക്കുകയും വായിക്കാന് റൈഡറെ എളുപ്പമാക്കുകയും ചെയ്യുന്നു. സമീപഭാവിയില് ഒരു ഓപ്ഷനായി TFT കണ്സോള് (SmartXonnect കണക്റ്റുചെയ്ത സാങ്കേതികവിദ്യ ഉപയോഗിച്ച്) നല്കുമെന്ന് നിര്മ്മാതാവ് സ്ഥിരീകരിക്കുകയും ചെയ്തിട്ടുണ്ട്.
ഫ്രണ്ട് ഡിസ്ക് ബ്രേക്ക് ഓപ്ഷണല് ആണ്, എന്നാല് ഷാര്പ്പായിട്ടുള്ള ലുക്കിനായി എല്ഇഡി ഹെഡ്ലൈറ്റുകളും (സംയോജിത ഇഡി ഡിആര്എല്ലുകള്ക്കൊപ്പം) എല്ഇഡി ടെയില്ലൈറ്റുകളും സ്റ്റാന്ഡേര്ഡായി വാഗ്ദാനം ചെയ്യുന്നു.
ഇതിന് പിന്നില് ഒരു മോണോഷോക്കും ലഭിക്കുന്നു, അതേസമയം മുന്വശത്ത് പരമ്പരാഗത ടെലിസ്കോപ്പിക് ഫോര്ക്കുകളാണ് ലഭിക്കുന്നത്. റൈഡര് ഒരു പുതിയ പ്ലാറ്റ്ഫോമിനെ അടിസ്ഥാനമാക്കിയാണ് ഒരുങ്ങുന്നത്. എന്നാല് ഡിസൈന് പ്രചോദനം ഉള്ക്കൊണ്ടിരിക്കുന്നത് ടിവിഎസ് നിരയിലെ തന്നെ അപ്പാച്ചെ RTR 160 4V-ല് നിന്നാണെന്ന് പറയുന്നതാകും ശരി.
സ്പോര്ട്ടിയും എന്നാല് സുഖകരവുമായ എര്ഗണോമിക്സ്
റൈഡിംഗ് എര്ണോണോമിക്സ് സ്പോര്ട്ടിയാണ്. ചെറുതായി ഉയര്ത്തിയ ഹാന്ഡിലാറുകള്ക്കും സെന്റര് സെറ്റ് ഫൂട്ട്പെഗുകളും മോട്ടോര്സൈക്കിളിനെ മികച്ചതാക്കുന്നു. മോട്ടോര്സൈക്കിളിന്റെ കൈകാര്യം ചെയ്യലും വളരെ മികച്ചതാണ്.
മുന്നില് 80/100 ടയറും പിന്നില് 100/90 ടയറും ലഭിക്കുമ്പോള് 17 ഇഞ്ച് അലോയ് വീലുകളില് ഷോഡും ആ ലുക്കിനെ മികച്ചതാക്കുന്നുവെന്ന് വേണം പറയാന്. മികച്ച ഗ്രിപ്പ് വാഗ്ദാനം ചെയ്യുന്നു, കൂടാതെ 123 കിലോഗ്രാം കര്ബ് വെയ്റ്റ് വളവുകളിലെ യാത്രയേയും എളുപ്പമാക്കുന്നു.
ശക്തവും കാര്യക്ഷമവുമായ എഞ്ചിന്
ടിവിഎസ് റൈഡര് 125-ന്റെ 124.8 സിസി എയര്/ഓയില്-കൂള്ഡ്, സിംഗിള് സിലിണ്ടര് എഞ്ചിന് 11.38 bhp പരമാവധി കരുത്തും 11.2 Nm പരമാവധി ടോര്ക്കും സൃഷ്ടിക്കുന്നു.
5 സ്പീഡ് സീക്വന്ഷ്യല് ഗിയര്ബോക്സാണ് ട്രാന്സ്മിഷന് ചുമതലകള് കൈകാര്യം ചെയ്യുന്നത്. ബൈക്കില് രണ്ട് റൈഡിംഗ് മോഡുകള് ലഭ്യമാണ് - പവര്, ഇക്കോ. ഇതിനൊപ്പം തന്നെ സ്റ്റാര്ട്ട്/സ്റ്റോപ്പ് സിസ്റ്റവും മോട്ടോര്സൈക്കിളില് കമ്പനി അവതരിപ്പിക്കുന്നുണ്ട്. അതിന്റെ എതിരാളികളില് ചില മോഡലുകള്ത്ത് രണ്ടാമത്തേ ഓപ്ഷന് ലഭിക്കുന്നുണ്ട്. എന്നാല് ആദ്യത്തേത് ഈ വിഭാഗത്തിന് ആദ്യമാണെന്ന് വേണം പറയാന്.
ടിവിഎസ് ഈ മോട്ടോര്സൈക്കിളിന് 67 കിലോമീറ്റര് ഇന്ധനക്ഷമതയും അവകാശപ്പെടുന്നുണ്ട്. ഇക്കോ, പവര് എന്നിങ്ങനെ രണ്ട് റൈഡിംഗ് മോഡുകളാണ് മോട്ടോര് സൈക്കിളിന് ലഭിക്കുന്നത്. ഇതില് ഇക്കോ മോഡില്, ഇന്ധനം ലാഭിക്കുന്നതിന് അനുകൂലമായി വാഹനം ഓടാതിരിക്കുമ്പോള് കുറച്ച് നിമിഷങ്ങള്ക്ക് ശേഷം എഞ്ചിന് യാന്ത്രികമായി ഓഫാകും. ത്രോട്ടില് തിരിച്ച് നിങ്ങള്ക്ക് എഞ്ചിന് വീണ്ടും ആരംഭിക്കാം.
മികച്ച ഡിസൈന്
ചെറിയ ബഡ്ജറ്റില് നിങ്ങള് ഒരു മികച്ച ഡിസൈനുള്ള മോട്ടോര്സൈക്കിളിനായി തെരയുകയാണെങ്കില്, റൈഡര് 125 ഒരു മികച്ച തെരഞ്ഞെടുപ്പാണെന്ന് വേണം പറയാന്. അതിന്റെ രൂപകല്പ്പന അതിനെ ഒരു വലിയ ബൈക്ക് പോലെയാണ്.
ഇതിന് ഒരു ട്രാന്സ്ഫോര്മര്-എസ്ക്യൂ ഹെഡ്ലാമ്പ്, മസ്കുലര് ഫ്യുവല് ടാങ്ക്, സ്പ്ലിറ്റ്-സീറ്റ് സെറ്റപ്പ് മുതലായവ ലഭിക്കും. കളര് ഓപ്ഷനുകളില് ഫിയറി യെല്ലോ, സ്ട്രൈക്കിംഗ് റെഡ്, ബ്ലേസിംഗ് ബ്ലൂ, വിക്കഡ് ബ്ലാക്ക് എന്നിവ ലഭിക്കുകയും ചെയ്യും.
പണത്തിനുള്ള മൂല്യം
ടിവിഎസ് റൈഡര് 125 -ന്റെ മുന് ഡിസ്ക് ബ്രേക്ക് വേരിയന്റിന് നിലവില് 77,500 രൂപയാണ് എക്സ്ഷോറൂം വില. ഡ്രം ബ്രേക്ക് പതിപ്പിന് 85,469 രൂപയും എക്സ്ഷോറൂം വിലയായി നല്കണം. എതിരാളികളായ ഗ്ലാമര് എക്സ്ടെക്കിനേക്കാളും ഹോണ്ട SP125 നെക്കാളും കൂടുതല് ചെലവേറിയതല്ല റൈഡര് 125. എന്നിരുന്നാലും മികച്ച സജ്ജീകരണവും മികച്ച രൂപവുമാണ് മോട്ടോര്സൈക്കിളിനുള്ളത്.