Just In
- 38 min ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 1 hr ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 1 hr ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
- 2 hrs ago പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട
Don't Miss
- Lifestyle ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില്
- Movies ഐശ്വര്യ റായി മകള് ആരാധ്യയെ ബോളിവുഡ് പാര്ട്ടികളില് നിന്നും മാറ്റി നിര്ത്തുകയാണ്! കാരണമിത്
- News മുതിർന്ന പൗരന്മാരുടെ നിക്ഷേപത്തിന് 8.2 ശതമാനം വരെ പലിശ; പോസ്റ്റ് ഓഫീസിന്റെ ഈ തകർപ്പൻ സ്കീം അറിയാമോ?
- Sports T20 World Cup 2024: റിഷഭും സഞ്ജുവുമല്ല; ധോണി വിക്കറ്റ് കീപ്പറാവണം! കാരണം വീരു പറയുന്നു
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
Xtreme 160R മോഡലിനും വില കൂട്ടി, ഇനി അധികം മുടക്കേണ്ടത് 2,370 രൂപയെന്ന് Hero
ജനപ്രിയ മോഡലായ എക്സ്ട്രീം 160R എൻട്രി ലെവൽ സ്പോർട്സ് മോട്ടോർസൈക്കിളിന്റെ വില ഉയർത്തി ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ്. ബൈക്കിന്റെ എല്ലാ വകഭേദങ്ങൾക്കും മുൻ വിലകളുമായി താരതമ്യപ്പെടുത്തുമ്പോൾ 2,370 രൂപയാണ് ഉയർത്തിയിരിക്കുന്നത്.
2021 ഏപ്രിലിനുശേഷം മോട്ടോര്സൈക്കിളിന് ലഭിക്കുന്ന മൂന്നാമത്തെ വില വര്ധനവാണിത്. എക്സ്ട്രീം 160R പതിപ്പിന്റെ വേരിയന്റ് തിരിച്ചുള്ള പുതുക്കിയ എക്സ്ഷോറൂം വിലകൾ ഇങ്ങനെ;
എക്സ്ട്രീം 160R ഫ്രണ്ട് ഡിസ്ക്: 1,11,610 രൂപ
എക്സ്ട്രീം 160R ഡബിൾ ഡിസ്ക്: 1,14,660 രൂപ
എക്സ്ട്രീം 100 മില്യൺ എഡിഷൻ: 1,16,460 രൂപ
തങ്ങളുടെ മോട്ടോർസൈക്കിളുകളുടെയും സ്കൂട്ടറുകളുടെയും എക്സ്ഷോറൂം വിലകളിൽ 2021 സെപ്റ്റംബർ 20 മുതൽ വർധനവ് നടപ്പിലാക്കുമെന്ന് ഹീറോ മോട്ടോകോർപ് നേരത്തെ തന്നെ വ്യക്തമാക്കിയിരുന്നു. ക്രമാനുഗതമായി ഉയരുന്ന ചരക്ക് വിലയുടെ ആഘാതം നികത്താൻ വില പരിഷ്ക്കാരം അനിവാര്യമാണെന്നാണ് കമ്പനി വ്യക്തമാക്കിയിരിക്കുന്നത്.
വില പരിഷ്ക്കാരത്തിന് പുറമെ ബൈക്കിൽ മറ്റ് നവീകരണങ്ങളോ കൂട്ടിച്ചേർക്കലുകളോ ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കൾ നടപ്പിലാക്കിയിട്ടില്ല. വില വർധനവ് ഗണ്യമാണെങ്കിലും എൻട്രി ലെവൽ സ്പോർട്സ് മോട്ടോർസൈക്കിൾ സെഗ്മെന്റിലെ ഏറ്റവും ഡിമാൻഡുള്ള മോഡലുകളിൽ ഒന്നാണ് എക്സ്ട്രീം 160R. കുറഞ്ഞ ഭാരവും മികച്ച ഹാൻഡിലിംഗുമാണ് ബൈക്കിനെ വ്യത്യസ്തമാക്കുന്നത്.
സ്പോര്ട്സ് കമ്മ്യൂട്ടര് സെഗ്മെന്റിലെ ഏറ്റവും ഭാരം കുറഞ്ഞ മോട്ടോര്സൈക്കിളാണിത്. എക്സ്ട്രീം 160R ന്റെ പ്രാരംഭ പതിപ്പിന് 138.5 കിലോഗ്രാം ഭാരം മാത്രമാണുള്ളത്. ലുക്കിനൊപ്പം മികച്ച പെർഫോമൻസും കൂടി ഒത്തു ചേർന്നപ്പോൾ എക്ട്രീം 160R വിപണിയിൽ വൻവിജയമാണ് നേടിയെടുത്തത്.
ഹീറോയുടെ 1.R കൺസെപ്റ്റിനെ അടിസ്ഥാനമാക്കി ഒരുങ്ങിയിരിക്കുന്ന മോഡലിന് 160 സിസി സിംഗിൾ സിലിണ്ടർ എയർ-കൂൾഡ് ഫ്യുവൽ ഇഞ്ചക്ഷൻ എഞ്ചിനാണ് തുടിപ്പേകുന്നത്. ഈ ശക്തമായ 160 സിസി യൂണിറ്റ് 8,500 rpm -ല് പരമാവധി 15 bhp കരുത്തും 6,500 rpm -ല് 14 Nm torque ഉത്പാദിപ്പിക്കാൻ ശേഷിയുള്ളതാണ്.
എഞ്ചിൻ അഞ്ച് സ്പീഡ് ഗിയർബോക്സുമായാണ് ജോടിയാക്കിയിരിക്കുന്നത്. വെറും 4.7 സെക്കൻഡിനുള്ളിൽ 60 കിലോമീറ്റർ വേഗത കൈവരിക്കാനും ഹീറോ എക്ട്രീം 160R ബൈക്കിന് സാധിക്കും. കിടലൻ പെർഫോൻസിനൊപ്പം ആധുനിക സവിശേഷതകളാലും സമ്പന്നമാണ് ഹീറോയുടെ ഈ മോട്ടോർസൈക്കിൾ.
എല്ലാ വിവരങ്ങളും വൃത്തിയുള്ള ലേഔട്ടിൽ പ്രദർശിപ്പിക്കുന്ന നെഗറ്റീവ് എൽസിഡി ഡിജിറ്റൽ ഇൻസ്ട്രുമെന്റ് ക്ലസ്റ്ററാണ് ബൈക്കിലെ മറ്റൊരു പ്രത്യേകത. പൂർണ എൽഇഡി ലൈറ്റിംഗ് സിസ്റ്റം, ട്യൂബ്ലെസ് ടയറുകൾ, ഇരുവശത്തും 17 ഇഞ്ച് അലോയ് വീലുകൾ, സിംഗിൾ-ചാനൽ എബിഎസ് എന്നിവ പോലുള്ള ആകർഷകമായ സവിശേഷതകൾ ഹീറോ എക്ട്രീം 160R-ൽ ഉണ്ട്.
മറ്റ് ഉപയോഗപ്രദമായ സവിശേഷതകളിൽ ഹസാർഡ് ലൈറ്റ് സ്വിച്ച്, സൈഡ് സ്റ്റാൻഡ് എഞ്ചിൻ കട്ട് ഓഫ് സ്വിച്ച് എന്നിവയും ഹീറോ വാഗ്ദാനം ചെയ്യുന്നുണ്ട്. ബൈക്കിൽ 8 കിലോമീറ്റർ വേഗതയിൽ പോകാൻ സഹായിക്കുന്ന ഒരു ഗ്ലൈഡ് ഫീച്ചറും ഇതിൽ ഉൾപ്പെടുത്തിയിട്ടുണ്ട്.
എൻട്രി ലെവൽ സ്പോർട്സ് ബൈക്കിന്റെ സസ്പെൻഷൻ ക്രമീകരണങ്ങളിൽ മുൻവശത്ത് ടെലിസ്കോപ്പിക് ഫോർക്കുകളും പിന്നിൽ പ്രീലോഡ് ക്രമീകരിക്കാവുന്ന മോണോഷോക്കുമാണ് ഹീറോ അണിനിരത്തിയിരിക്കുന്നത്. അതേസമയം ബ്രേക്കിംഗിനായി ഫ്രണ്ടിൽ ഡിസ്ക് ബ്രേക്ക് സ്റ്റാൻഡേർഡായി ലഭിക്കുമ്പോൾ പിന്നിൽ ഡിസ്ക് ബ്രേക്ക് ഒരു ഓപ്ഷനായാണ് കമ്പനി നൽകുന്നത്.
വിപണിയില് 100 ദശലക്ഷം യൂണിറ്റ് പ്രൊഡക്ഷന് നാഴികക്കല്ല് പിന്നിട്ടതിന്റെ ഭാഗമായി ഹീറോ എക്ട്രീം 160R മോട്ടോർസൈക്കിളിന് ഒരു 100 മില്യൺ എഡിഷനും ഹീറോ അവതരിപ്പിച്ചിട്ടുണ്ട്. സ്റ്റാന്ഡേര്ഡ് മോഡലില് നിന്ന് ഈ ബൈക്കിനെ വേറിട്ട് നിര്ത്തുന്നതിനായി പ്രത്യേക, ഡ്യുവല്-ടോണ് കളർ ഓപ്ഷനാണ് ബ്രാൻഡ് സമ്മാനിച്ചിരിക്കുന്നത്.
അതോടൊപ്പം തന്നെ ഹെഡ്ലൈറ്റ് മാസ്ക്, ഫ്യുവൽ ടാങ്ക്, മോട്ടോര്സൈക്കിളിന്റെ പിന് പാനല് എന്നിവയില് റെഡ് / വൈറ്റ് ഡ്യുവല്-ടോണ് പെയിന്റ് ഫിനിഷും ഹീറോ ഒരുക്കിയിട്ടുണ്ട്. എക്സ്ട്രീം 160R 100മില്യണ് പതിപ്പ് ഒരൊറ്റ വേരിയന്റില് മാത്രമാണ് പുറത്തിറക്കിയിരിക്കുന്നത്.
ഇന്ത്യൻ വിപണിയിലെ എൻട്രി ലെവൽ സ്പോർട്സ് മോട്ടോർസൈക്കിൾ സെഗ്മെന്റിൽ ബജാജ് പൾസർ NS160, അപ്പാച്ചെ RTR 160 4V, സുസുക്കി ജിക്സർ, ഹോണ്ട ഹോർനെറ്റ് 2.0 തുടങ്ങിയ മോഡലുകളുമായാണ് ഹീറോ എക്ട്രീം 160R മത്സരിക്കുന്നത്.
എക്ട്രീം 160R ബൈക്കിന് പുറമെ അഡ്വഞ്ചര്-ടൂറിംഗ് മോട്ടോര്സൈക്കിളുകളായ എക്സ്പള്സ് 200, എക്സ്പള്സ് 200T എന്നിവയുടെ വിലയിലും ഹീറോ മോട്ടോകോർപ് വർധനവ് നടപ്പിലാക്കിയിട്ടുണ്ട്. ഇരുമോഡലുകള്ക്കും 2,350 രൂപയുടെ വര്ധനവാണ് കമ്പനി വരുത്തിയിരിക്കുന്നത്.