Just In
- 4 min ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 35 min ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 48 min ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 1 hr ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Lifestyle എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട്
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സ്വാപ്പബിൾ ബാറ്ററി ഇന്ത്യയിൽ നിർമിക്കാൻ ഹോണ്ട, ബെൻലി ഇലക്ട്രിക് സ്കൂട്ടറും അവതരിപ്പിച്ചേക്കും
ഇന്ത്യയിൽ ബാറ്ററി പായ്ക്കുകൾ ലഭ്യമാക്കാനായി ഒരു പുതിയ സംരംഭം ആരംഭിച്ച് ഇരുചക്ര വാഹന രംഗത്തെ മുൻനിരക്കാരായ ഹോണ്ട.
ഹോണ്ട പവർ പാക്ക് എനർജി ഇന്ത്യ പ്രൈവറ്റ് ലിമിറ്റഡ് എന്ന് പേരിട്ടിരിക്കുന്ന ഈ സ്ഥാപനം ജാപ്പനീസ് ബ്രാൻഡിൽ നിന്നുള്ള വരാനിരിക്കുന്ന ഇരുചക്ര വാഹനങ്ങളിലെ ബാറ്ററി സ്വാപ്പിംഗ് സാങ്കേതികവിദ്യകളുടെ ഉത്തരവാദിത്തമാണ് നിർവഹിക്കുക.
ഹോണ്ട പവർ പായ്ക്ക് എനർജി രജിസ്റ്റർ ചെയ്ത ഓഫീസ് ബെംഗളൂരുവിലാണ്. കിയോഷി ഇറ്റോയാണ് ഈ പുതിയ കമ്പനിയുടെ എംഡിയായി പ്രവർത്തിക്കുന്നത്. 135 കോടി രൂപ മുതൽ മുടക്കിലാണ് ഇത് സ്ഥാപിച്ചിരിക്കുന്നത്. ഹോണ്ട മോട്ടോർ ജപ്പാന് സബ്സിഡിയറിയിൽ 100 ശതമാനമാണ് ഓഹരിയുള്ളത്.
ഇലക്ട്രിക് വാഹനങ്ങളുടെ മൂന്ന് പ്രശ്നങ്ങൾ പരിഹരിച്ച് ഇലക്ട്രിക് മോഡലുകളുടെ (ഇവി) വികസനം ത്വരിതപ്പെടുത്താനാണ് കമ്പനി ലക്ഷ്യമിടുന്നത്. പരിമിതമായ റേഞ്ച്, ദൈർഘ്യമേറിയ ചാർജിംഗ് സമയം, ബാറ്ററികളുടെ ഉയർന്ന വില. എന്നിരുന്നാലും, സബ്സിഡിയറിയുടെ സേവനങ്ങൾ ഇലക്ട്രിക് ഇരുചക്ര വാഹന സ്ഥലത്ത് മാത്രം പരിമിതപ്പെടുത്തില്ല എന്നതാണ് ശ്രദ്ധേയം.
കർണാടകയിലെ ബെംഗളൂരുവിൽ 2022 ആദ്യ പകുതി മുതൽ ഇലക്ട്രിക് ഓട്ടോ റിക്ഷകൾക്കായി ബാറ്ററി ഷെയർ സർവീസ് ആരംഭിക്കാനും ഘട്ടം ഘട്ടമായി മറ്റ് ഇന്ത്യൻ നഗരങ്ങളിൽ പ്രവർത്തനം വ്യാപിപ്പിക്കാനും കമ്പനി പദ്ധതിയിടുന്നുണ്ട്. ഉപയോഗിച്ച ബാറ്ററികൾ പൂർണമായി ചാർജ്ജ് ചെയ്തവയുമായി കൈമാറ്റം ചെയ്യുന്നതിനായി വരിക്കാർക്ക് നഗരത്തിൽ സ്ഥിതി ചെയ്യുന്ന അടുത്തുള്ള ബാറ്ററി-സ്വാപ്പിംഗ് സ്റ്റേഷനിൽ നിന്ന് ഈ സേവനങ്ങൾ ലഭ്യമാക്കാം.
ജാപ്പനീസ് ഇരുചക്ര വാഹന നിർമാതാക്കളായ ഹോണ്ട പുതിയ പോർട്ടബിൾ, സ്വാപ്പ് ചെയ്യാവുന്ന ബാറ്ററികളെ 'ഹോണ്ട മൊബൈൽ പവർ പാക്ക് (MPP) e:' എന്ന് ബ്രാൻഡ് ചെയ്തിട്ടുണ്ട്. ഈ സേവനം ഉപയോഗിക്കുന്നതിലൂടെ സമയം ചെലവഴിക്കേണ്ടി വരില്ലെന്നതാണ് ഏറ്റവും ഗുണകരവും ആകർഷകവുമായ കാര്യം. ഈ ബാറ്ററികൾ ഹോണ്ട ഇന്ത്യയിൽ നിർമിക്കുമെന്നതാണ് മറ്റൊരു മികവായി എടുത്തു പറയാവുന്ന കാര്യം.
ബ്രാൻഡിന്റെ ബെൻലി ഇ ഇലക്ട്രിക് സ്കൂട്ടറിനും കരുത്ത് പകരുന്ന അതേ ബാറ്ററി പായ്ക്കാണിത്. ഈ വർഷം ജൂണിൽ പൂനെയ്ക്ക് സമീപം പരീക്ഷണയോട്ടവും ഈ സ്കൂട്ടർ നടത്തിയിരുന്നു. ദൈനംദിന പിക്കപ്പ്, ഡെലിവറി സേവനങ്ങൾക്കായി പ്രത്യേകം വികസിപ്പിച്ചെടുത്തതാണ് ഈ ഇലക്ട്രിക് സ്കൂട്ടർ. അടുത്ത വർഷം ഇത് ഇന്ത്യയിൽ അവതരിപ്പിക്കുമെന്നാണ് പ്രതീക്ഷിക്കുന്നത്.
ബെൻലി ഇലക്ട്രിക് സ്കൂട്ടർ 2019-ൽ നടന്ന 46-ാമത് ടോക്കിയോ മോട്ടോർ ഷോയിലാണ് ആദ്യമായി അവതരിപ്പിക്കപ്പെട്ടത്. രണ്ട് 48V, 20.8Ah ലിഥിയം അയൺ ബാറ്ററികൾ അടങ്ങുന്ന ഹോണ്ടയുടെ MPP-യിൽ നിന്ന് ഊർജ്ജം ലഭിക്കുന്ന ഒരു ഇലക്ട്രിക് മോട്ടോറാണ് സ്കൂട്ടറിന് തുടിപ്പേകുന്നത്.
ബെൻലി e I, ബെൻലി e I പ്രോ, ബെൻലി e II, ബെൻലി e II പ്രോ എന്നിങ്ങനെ നാല് വേരിയന്റുകളിലാണ് ഇലക്ട്രിക് സ്കൂട്ടർ വിപണിയിൽ എത്തുന്നത്. വ്യത്യസ്ത മോട്ടോർ സ്പെസിഫിക്കേഷനുകളോടെയാണ് ഈ മോഡലുകൾ വാഗ്ദാനം ചെയ്യുന്നത്.
ബെൻലി e I, ബെൻലി I പ്രോ എന്നിവയിൽ 2.8 kW (3.8 bhp) ഇലക്ട്രിക് മോട്ടോറും 13 Nm ടോർഖ് ഔട്ട്പുട്ട് നൽകുന്നു. മറുവശത്ത് ബെൻലി e II, ബെൻലി II പ്രോ എന്നിവ 4.2 kW (5.7 bhp) ഇലക്ട്രിക് മോട്ടോർ ഉപയോഗിച്ച് 15 Nm പീക്ക് ടോർഖ് ആണ് വികസിപ്പിക്കുന്നത്.
പെർഫോമൻസിനെ സംബന്ധിച്ചിടത്തോളം ബെൻലി e I, I പ്രോ എന്നിവയ്ക്കായി ഒരു ഫ്ലാറ്റ് റോഡിൽ 30 കിലോമീറ്റർ വേഗതയാണ് ഹോണ്ട അവകാശപ്പെടുന്നത്. ഈ രണ്ട് വകഭേദങ്ങളും ഒറ്റ ചാർജിൽ 87 കിലോമീറ്റർ റേഞ്ച് വാഗ്ദാനം ചെയ്യുന്നു. കൂടുതൽ പ്രീമിയം പതിപ്പായ ബെൻലി e II, II പ്രോ എന്നിവയ്ക്ക് ഒരു ഫ്ലാറ്റ് റോഡിൽ 60 കിലോമീറ്ററാണ് ഉയർന്ന വേഗത.
അതേസമയം ഒറ്റ ചാർജിൽ റേഞ്ച് 43 കിലോമീറ്റർ ആയി കുറയും. ബെൻലി e I, ബെൻലി I Pro എന്നിവയ്ക്ക് പരമാവധി 30 കിലോഗ്രാം ഭാരം ഉപയോഗിച്ച് 12 ഡിഗ്രി ചരിവ് വരെ മലകയറ്റം സാധ്യമാണ്. ബെൻലി e II, ബെൻലി II പ്രോ എന്നിവയ്ക്ക് 60 കിലോഗ്രാം ഭാരമുള്ള കാർഗോ ലോഡ് ഉപയോഗിച്ച് അതേ ചായ്വ് മറികടക്കാൻ കഴിയും. ഉയർന്ന വേരിയന്റുകൾ റിവേഴ്സ് അസിസ്റ്റ് ഫീച്ചറോടുകൂടിയാണ് വിൽപ്പനയ്ക്ക് എത്തുന്നത്.