Just In
- 4 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 5 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 5 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 6 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- News 14 വര്ഷത്തെ ഇടവേളയ്ക്ക് അവസാനം, രാഷ്ട്രീയത്തിലേക്ക് തിരിച്ചെത്തി ഗോവിന്ദ; ശിവസേനയില് ചേര്ന്നു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
റെട്രോ ക്ലാസിക് W800-നെ നവീകരിച്ച് Kawasaki; ഇന്ത്യയിലേക്ക് അടുത്ത വര്ഷം ആദ്യം
അന്താരാഷ്ട്ര വിപണികള്ക്കായി പുതിയ 2022 W800 മോട്ടോര്സൈക്കിള് അവതരിപ്പിച്ച് കവസാക്കി. ഏതാനും ആഴ്ചകള്ക്ക് മുമ്പ്, ഇത് യുണൈറ്റഡ് സ്റ്റേറ്റ്സില് അവതരിപ്പിച്ചിരുന്നു, ഇപ്പോള് ഈ റെട്രോ ക്ലാസിക് മോട്ടോര്സൈക്കിള് യൂറോപ്യന് വിപണികളിലും എത്തിച്ചിരിക്കുകയാണ്.
പുതിയ 2022 കവസാക്കി W800-ന് ചില കോസ്മെറ്റിക് മാറ്റങ്ങള് ലഭിക്കുന്നുണ്ടെന്നും കമ്പനി അറിയിച്ചു. അതില് പുതിയ കളര് സ്കീം, ആകര്ഷകമായ ബോഡി ഗ്രാഫിക്സ് മുതലായവ ഉള്പ്പെടുകയും ചെയ്യുന്നു. പുതുക്കിയ 2022 കവസാക്കി W800 അടുത്ത വര്ഷം ആദ്യം ഇന്ത്യന് വിപണിയില് അവതരിപ്പിക്കുമെന്നാണ് പ്രതീക്ഷിക്കുന്നത്.
ആഗോളതലത്തില്, 2022 കവസാക്കി W800 ഒരു പുതിയ ഡ്യുവല്-ടോണ് കളര് സ്കീമിലാണ് അവതരിപ്പിച്ചിരിക്കുന്നത്. ഈ കളര് സ്കീമിനെ കാന്ഡി ഫയര് റെഡ് വിത്ത് മെറ്റാലിക് ഡയാബ്ലോ ബ്ലാക്ക് എന്നാണ് കമ്പനി വിളിക്കുന്നത്.
ഇതൊരു മെറ്റാലിക് ഷേഡാണെങ്കിലും, നിലവില് ഇന്ത്യയില് വില്ക്കുന്ന W800-ന് മാറ്റ് പെയിന്റ് സ്കീം ലഭിക്കുന്നു. ഈ പുതുക്കിയ റെട്രോ ക്ലാസിക് മോട്ടോര്സൈക്കിളിന് ഫ്യുവല് ടാങ്കില് വെള്ള വരകള്ക്കൊപ്പം ധാരാളം ക്രോം ആക്സന്റുകളും ലഭിക്കുന്നുണ്ട്.
മോട്ടോര്സൈക്കിളിന്റെ സൈഡ് പാനലുകള് കറുപ്പ് നിറത്തിലാണ് പൂര്ത്തിയാക്കിയിരിക്കുന്നത്. ഇതിന്റെ റിയര് വ്യൂ മിററുകള്, ഫ്രണ്ട് ആന്ഡ് റിയര് ഫെന്ഡറുകള്, ഹെഡ്ലാമ്പ് സറൗണ്ടുകള്, എക്സ്ഹോസ്റ്റ് തുടങ്ങിയവയെല്ലാം ക്രോമില് പൂര്ത്തിയാക്കുകയും ചെയ്തിരിക്കുന്നു.
പുതിയ പതിപ്പിനെയാണ് അവതരിപ്പിച്ചിരിക്കുന്നതെങ്കിലും, ഈ റെട്രോ മോട്ടോര്സൈക്കിളിന്റെ മെക്കാനിക്കല് ഫീച്ചറുകള് പഴയതുപോലെ തന്നെ തുടരുന്നുവെന്ന് വേണം പറയാന്. പുതുക്കിയ 2022 കവസാക്കി W800 -നും കരുത്ത് നല്കുന്നത് 773 സിസി, വെര്ട്ടിക്കല്-ട്വിന്, എയര്-കൂള്ഡ്, ഫ്യൂവല്-ഇഞ്ചക്റ്റഡ് എഞ്ചിന് ആണ്.
ഈ മോട്ടോര് 6,500 rpm-ല് 48 bhp പവറും 4,800 rpm-ല് 62.9 Nm പീക്ക് ടോര്ക്കും വികസിപ്പിക്കുന്നു. എഞ്ചിന് 5-സ്പീഡ് ഗിയര്ബോക്സുമായിട്ടാണ് ഘടിപ്പിച്ചിരിക്കുന്നത്. ഈ യൂണിറ്റിന് അസിസ്റ്റും സ്ലിപ്പര് ക്ലച്ചും ലഭിക്കുന്നു.
എന്നിരുന്നാലും, നിലവിലെ ഇന്ത്യ-സ്പെക്ക് മോഡലുമായി താരതമ്യപ്പെടുത്തുമ്പോള് പവര് ഫിഗര് 52 bhp ഉയര്ത്തിയാണ് ട്യൂണ് ചെയ്തിരിക്കുന്നതെന്നും റിപ്പോര്ട്ടില് പറയുന്നു. കവസാക്കി W800 ഡബിള് ക്രാഡില് ഫ്രെയിമിനെ അടിസ്ഥാനമാക്കിയുള്ളതാണ്.
ഐക്കണിക് W1 മോട്ടോര്സൈക്കിളുകളില് നിന്ന് പ്രചോദനം ഉള്ക്കൊണ്ട് ക്ലാസിക്-റെട്രോ സ്റ്റൈലിംഗാണ് കവസാക്കി W800 മുന്നോട്ട് കൊണ്ടുപോകുന്നത്. W800-ന് ഒരു പഴയ സ്കൂള് ഡിസൈന് ഭാഷ വാഗ്ദാനം ചെയ്യുന്നു. സ്റ്റൈലിഷ് ഡിസൈന് വാഗ്ദാനം ചെയ്യുന്ന സ്ലീക്ക് സ്വീപ്പിംഗ് കോണ്ടറുകളുമായും ഇത് വരുന്നു.
വൃത്താകൃതിയിലുള്ള എല്ഇഡി ഹെഡ്ലാമ്പുകള്, കൊത്തുപണികളുള്ള ഫ്യുവല് ടാങ്കുകള്, ഒരു ജോടി ക്രോം എക്സ്ഹോസ്റ്റ് പൈപ്പുകള് എന്നിവയാണ് ഇതിന് കൂടുതല് റെട്രോ സ്റ്റൈല് വാഗ്ദാനം ചെയ്യുന്നത്.
സ്പീഡോമീറ്ററിനും ടാക്കോമീറ്ററിനുമുള്ള ഡ്യുവല്-പോഡ് ഇന്സ്ട്രുമെന്റ് ക്ലസ്റ്ററുകള്, മള്ട്ടിഫങ്ഷണല് എല്സിഡി സ്ക്രീന്, സുഖപ്രദമായ വിന്റേജ് റൈഡിംഗ് പൊസിഷന്, കനംകുറഞ്ഞ സ്പോര്ട്ടി ഹാന്ഡ്ലിംഗ്, ഗംഭീരമായ മഫ്ളര് ഡിസൈന് എന്നിവയും കാവസാക്കി W800-ല് ലഭ്യമാണ്.
മുന്വശത്ത് ടെലിസ്കോപിക് ഫോര്ക്കുകളും പിന്നില് ഡ്യുവല് സ്പ്രിംഗ് ലോഡഡ് ഷോക്ക് അബ്സോര്ബറുകളുമാണ് മോട്ടോര്സൈക്കിളിന് ലഭിക്കുന്നത്. ബ്രേക്കിംഗിനായി, ഈ റെട്രോ ക്ലാസിക് മോട്ടോര്സൈക്കിളിന് മുന്നില് 320 mm ഡിസ്ക് ബ്രേക്കും പിന്നില് 270 mm ഡിസ്ക് ബ്രേക്കും ലഭിക്കുന്നു.
മാത്രമല്ല ഡ്യുവല്-ചാനല് എബിഎസും സ്റ്റാന്ഡേര്ഡായി ലഭിക്കുന്നുണ്ട്. നിലവിൽ 7.26 ലക്ഷം രൂപയാണ് കവസാക്കി W800-ന്റെ വില. വരാനിരിക്കുന്ന മോഡലിന് നിലവിലെ വിലയേക്കാള് നേരിയ വര്ധനവ് ഉണ്ടാകുമെന്ന് പ്രതീക്ഷിക്കാം.
അതേസമയം ആഗോള വിപണിയില്, കമ്പനി W800 സ്ട്രീറ്റിനൊപ്പം ക്ലാസിക് രൂപത്തിലുള്ള W800, W800 കഫെ എന്നിവയും വില്ക്കുന്നുണ്ട്. എന്നാല് ഇവ രണ്ടും ഇനിയും ഇന്ത്യയില് വില്പ്പനയ്ക്ക് എത്തിയിട്ടില്ലെന്ന് വേണം പറയാന്.
ഒരു CKD യൂണിറ്റായാണ് കവസാക്കി W800 ഇന്ത്യയിലേക്ക് ഇറക്കുമതി ചെയ്യുന്നത്. രാജ്യത്ത് അവതരിപ്പിച്ചുകഴിഞ്ഞാല്, ഇത് പുതിയ ട്രയംഫ് സ്ട്രീറ്റ് ട്വിന്, റോയല് എന്ഫീല്ഡ് 650-ഇരട്ടകള് (ഇന്റര്സെപ്റ്റര്, കോണ്ടിനെന്റല് ജിടി 650) എന്നിവയ്ക്കെതിരെയാകും റെട്രോ ശൈലിയിലുള്ള മോട്ടോര്സൈക്കിള് മത്സരിക്കുക.