Just In
- 3 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 3 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 3 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 4 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Sports IPL 2024: രോഹിത് ശര്മയും ഇഷാനും പുറത്ത്! ലേലത്തില് മുംബൈ നിലനിര്ത്തുക ഈ നാലു പേരെ
- Movies തമിഴിനെ തരംതാഴ്ത്തുന്നതെന്തിന്? മലയാളത്തില് മാത്രമാണോ നല്ല സിനിമകള്? എണ്ണിപ്പറഞ്ഞ് നടന്
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇന്ത്യയ്ക്ക് പുറത്ത് വീണ്ടും പുതിയ അസംബ്ലി പ്ലാന്റ് സ്ഥാപിച്ച് Royal Enfield
ആഗോള വിപണിയില് കൂടുതല് ശ്രദ്ധ കേന്ദ്രീകരിക്കാനൊരുങ്ങി ഇരുചക്ര വാഹന നിര്മാതാക്കളായ റോയല് എന്ഫീല്ഡ്. ഇതിന്റെ ഭാഗമായി തങ്ങളുടെ രണ്ടാമത്തെ പുതിയ നിര്മ്മാണ പ്ലാന്റ് കൊളംബിയയില് കമ്പനി സ്ഥാപിച്ചു.
ഇന്ത്യയ്ക്ക് പുറത്ത് തെക്കേ അമേരിക്കയിലെ രണ്ടാമത്തെ പ്ലാന്റാണിത്. സെമി-ഡിജിറ്റല് ഇന്സ്ട്രുമെന്റ് ക്ലസ്റ്ററിനൊപ്പം ട്രിപ്പര് നാവിഗേഷന് സംവിധാനം ഘടിപ്പിച്ചിട്ടുള്ള റോയല് എന്ഫീല്ഡ് ഹിമാലയനിലാണ് നിര്മ്മാണ പ്ലാന്റ് ശ്രദ്ധ കേന്ദ്രീകരിക്കുന്നത്.
ഇപ്പോള്, ഈ കൊളംബിയന് പ്ലാന്റിന് ഇന്ത്യയില് നിന്ന് ഭാഗങ്ങള് ലഭിക്കും, അതിനാല് CBU-വിലെ ഇറക്കുമതി ഫീസ് വെട്ടിക്കുറച്ച് ഹിമാലയന്റെ വില കുറയ്ക്കുക മാത്രമല്ല, പ്രാദേശിക ജോലികളെ പിന്തുണയ്ക്കുകയും ചെയ്യുമെന്നും കമ്പനി അറിയിച്ചിട്ടുണ്ട്.
എന്നിരുന്നാലും, ഇത് തെക്കേ അമേരിക്കയിലെ റോയല് എന്ഫീല്ഡിന്റെ ആദ്യ സംഭവമല്ലെന്ന് വേണം പറയാന്. 2014 മുതല് കൊളംബിയന് വിപണിയില് സാന്നിധ്യമുള്ളതിനാല്, ചെന്നൈ ആസ്ഥാനമായുള്ള ബൈക്ക് നിര്മ്മാതാവിന് 15 സ്ഥലങ്ങളില് 57 പ്രത്യേക സ്റ്റോറുകളും 40 മറ്റ് റീട്ടെയില് സ്റ്റോറുകളും ഉണ്ട്.
ദക്ഷിണേന്ത്യക്ക് പുറമേ, റോയല് എന്ഫീല്ഡ് വടക്കേ അമേരിക്കയിലും വില്പ്പന വര്ധിപ്പിക്കാന് പദ്ധതിയിട്ടുണ്ടെന്നാണ് റിപ്പോര്ട്ടില് പറയുന്നത്. അവിടെ നിലവില് മീറ്റിയോര് 350, ഹിമാലയന്, 650 ഇരട്ടകള് എന്നീ മോഡലുകളാണ് കമ്പനി വില്ക്കുന്നത്. പുതുതായി പുറത്തിറക്കിയ ക്ലാസിക് 350 ഉടന് തന്നെ അമേരിക്കയിലേക്ക് വില്പ്പനയ്ക്ക് എത്തുമെന്നാണ് സൂചന.
നേരത്തെ പോയ വര്ഷം അവസാനത്തോടെ അര്ജന്റീനയില് കമ്പനി പുതിയ നിര്മ്മാണ പ്ലാന്റിന്റെ പ്രവര്ത്തനം ആരംഭിച്ചിരുന്നു. 119 വര്ഷത്തെ ചരിത്രത്തില് ആദ്യമായിട്ടായിരുന്നു കമ്പനി ഇന്ത്യയ്ക്ക് പുറത്ത് ഒരു നിര്മ്മാണ പ്ലാന്റ് ആരംഭിക്കുന്നത്.
ഇന്റര്സെപ്റ്റര് 650, കോണ്ടിനെന്റല് ജിടി 650, ഹിമാലയന് എന്നീ മൂന്ന് മോഡലുകളുടെ അസംബിള് പ്രവര്ത്തനമാകും തുടക്കത്തില് അവിടെ ഉണ്ടാകുകയെന്നും കമ്പനി വെളിപ്പെടുത്തിയിരുന്നു.
ബ്രാന്ഡില് നിന്നുള്ള മറ്റ് വാര്ത്തകള് പരിശോധിച്ചാല്, ഇന്ത്യന് വിപണിയിലും വില്പ്പന വര്ധിപ്പിക്കാനൊരുങ്ങുകയാണ് കമ്പനി. ഇതിന്റെ ഭാഗമായി നിര്മാതാക്കള് അടുത്തിടെ പുതിയ ക്ലാസിക് 350 മോഡലിനെ രാജ്യത്ത് അവതരിപ്പിക്കുകയും ചെയ്തിരുന്നു.
കമ്പനിയുടെ ഏറ്റവും കൂടുതല് വിറ്റഴിക്കപ്പെടുന്ന റെട്രോ ക്രൂയിസറിന്റെ പുതുക്കിയ പതിപ്പ് നിരവധി മാറ്റങ്ങളോടെയാണ് വിപണിയില് എത്തുന്നത്. പുതിയ പതിപ്പിന്റെ പ്രാരംഭ വില ആരംഭിക്കുന്നത് 1.84 ലക്ഷം രൂപയില് നിന്നാണ്. ഉയര്ന്ന പതിപ്പിനായി 2.15 ലക്ഷം രൂപയും എക്സ്ഷോറൂം വിലയായി നല്കണം.
നേരത്തെ വിപണിയില് എത്തിയ മീറ്റിയോര് 350 മോട്ടോര്സൈക്കിളിനെ അടിസ്ഥാനമാക്കിയാണ് ഏറ്റവും പുതിയ റോയല് എന്ഫീല്ഡ് ക്ലാസിക് 350-യും ഒരുങ്ങുന്നത്. മീറ്റിയര് 350-യെ J-പ്ലാറ്റ്ഫോമിലാണ് ഇത് നിര്മ്മിച്ചിരിക്കുന്നത്. കൂടാതെ, പുതിയ ക്ലാസിക് 350-ന് മീറ്റിയോര് 350 ല് നിന്ന് നിരവധി പ്രധാന ഘടകങ്ങള് ലഭിക്കുന്നു.
349 സിസി സിംഗിള് സിലിണ്ടര് ഫോര് സ്ട്രോക്ക് എഞ്ചിനാണ് കരുത്ത് നല്കുന്നത്. 5 സ്പീഡ് ഗിയര്ബോക്സുമായി എഞ്ചിന് ജോടിയാക്കുകയും ചെയ്യുന്നു. ഈ യൂണിറ്റ് 6,100 rpm-ല് 20.2 bhp കരുത്തും 4,000 rpm-ല് 27 Nm torque ഉം ഉത്പാദിപ്പിക്കും.
നിരവധി സവിശേഷതകളുമായിട്ടാണ് മോഡല് വരുന്നത്. ട്രിപ്പര് ടേണ്-ബൈ-ടേണ് നാവിഗേഷന് സിസ്റ്റം ലഭിക്കുന്ന ബ്രാന്ഡിന്റെ രണ്ടാമത്തെ മോഡലാണിത്. കഴിഞ്ഞ തലമുറ മോഡലില് നിന്ന് വ്യത്യസ്തമായി, പൈലറ്റ് ലാമ്പുകള്, പുതിയ ഹെഡ്ലാമ്പുകള്, ഫ്യുവല് ഗേജ്, എല്സിഡി ഇന്ഫര്മേഷന് പാനല് എന്നിവ ഉള്ക്കൊള്ളുന്ന പുതുക്കിയ ഇന്സ്ട്രുമെന്റ് ക്ലസ്റ്റര് മോട്ടോര്സൈക്കിളിന് ലഭിക്കുന്നു.
മികച്ച എര്ഗണോമിക്സിനായി ഹാന്ഡില്ബാറും കമ്പനി അപ്ഡേറ്റ് ചെയ്തു. യുഎസ്ബി ചാര്ജര്, പുതുതായി രൂപകല്പ്പന ചെയ്ത ടെയില് ലൈറ്റ്, അപ്ഡേറ്റ് ചെയ്ത എക്സ്ഹോസ്റ്റ്, 13 ലിറ്റര് ശേഷിയുള്ള ഫ്യുവല് ടാങ്ക്, കൂടുതല് സൗകര്യപ്രദമായ റൈഡിംഗ് അനുഭവത്തിനായി പുതുക്കിയ സീറ്റുകള് എന്നിവയും പുതിയ ക്ലാസിക് 350-യുടെ സവിശേഷതകളാണ്.
മുന്വശത്ത് 19 ഇഞ്ചും പിന്നില് 18 ഇഞ്ച് ട്യൂബ്ലെസ് ടയറുകളാണ് മോട്ടോര്സൈക്കിന് ലഭിക്കുന്നത്. ചക്രങ്ങള് മള്ട്ടിസ്പോക്ക്, അലോയ് ഓപ്ഷനുകളില് ലഭ്യമാണെന്നും കമ്പനി അറിയിച്ചിട്ടുണ്ട്.
സുരക്ഷയ്ക്കായി മുന്നില് 300 mm ഡിസ്ക് ബ്രേക്കും പിന്നില് 270 mm ഡിസ്ക് ബ്രേക്കുമാണ് നല്കിയിരിക്കുന്നത്. പിന് ചക്രത്തില് 153 mm ഡ്രം ബ്രേക്ക് ലഭിക്കുന്ന പിന് ഡ്രം വേരിയന്റും മോഡലില് ലഭ്യമാണ്.
സിംഗിള്, ഡ്യുവല് ചാനല് എബിഎസ് ഓപ്ഷനുകളുമായാണ് ഇത് വരുന്നത്. സസ്പെന്ഷനായി, മോട്ടോര്സൈക്കിളിന് 41 mm ടെലിസ്കോപ്പിക് ഫ്രണ്ട് ഫോര്ക്കുകളും 130 mm ട്രാവലും 6 സ്റ്റെപ്പ് അഡ്ജസ്റ്റബിള് ട്വിന്-ട്യൂബ് എമല്ഷന് ഷോക്ക് അബ്സോര്ബറുകളും പിന്ഭാഗത്ത് ലഭിക്കും.
ക്രോം റെഡ്, ക്രോം ബ്രോണ്സ്, ഡാര്ക്ക് സ്റ്റെല്ത്ത് ബ്ലാക്ക്, ഡാര്ക്ക് ഗണ്മെറ്റല് ഗ്രേ, സിഗ്നലുകള് മാര്ഷ് ഗ്രേ, സിഗ്നലുകള് സാന്ഡ്സ്റ്റോം, ഹാല്സിയോണ് ഗ്രീന്, ഹാല്സിയോണ് ബ്ലാക്ക്, ഹാല്സിയോണ് ഗ്രേ, റെഡ്ഡിച്ച് ഗ്രീന്, റെഡ്ഡിച്ച് ഗ്രേ എന്നിങ്ങനെ 11 വ്യത്യസ്ത കളര് ഓപ്ഷനുകളില് മോട്ടോര്സൈക്കിള് ലഭ്യമാണ്. ഇതില് ആദ്യത്തെ ഒന്പത് കളര് ഓപ്ഷനുകള് ഡ്യുവല് ചാനല് എബിഎസ് മോഡലിലും അവസാന രണ്ടെണ്ണം സിംഗിള് ചാനല് എബിഎസ് വേരിയന്റിലും ലഭിക്കും.