Just In
- 4 min ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
- 32 min ago ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ'
- 1 hr ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
- 2 hrs ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
Don't Miss
- Sports IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ
- Movies ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള്
- Technology ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി
- Lifestyle മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം
- News യുഎഇയും ഖത്തറും തുര്ക്കിയുടെ കൂടെ; ഇറാഖില് നിന്ന് പുതിയ പാത, ഇന്ത്യന് മോഹങ്ങള്ക്ക് തിരിച്ചടി
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ലോകത്തിലെ ഏറ്റവും വലിയ ഇവി ടൂ വീലര് ഫാക്ടറി നിര്മ്മിക്കാനൊരുങ്ങി Simple Energy
ബെംഗളൂരു ആസ്ഥാനമായുള്ള ഇലക്ട്രിക് വാഹന സ്റ്റാര്ട്ടപ്പായ സിമ്പിള് എനര്ജി, ഈ വര്ഷം ഓഗസ്റ്റ് മാസത്തിലാണ് തങ്ങളുടെ സിമ്പിള് വണ് എന്ന ഇലക്ട്രിക് സ്കൂട്ടര് അവതരിപ്പിക്കുന്നത്. ഈ മോഡല് വരും വര്ഷം മാത്രമേ വിപണിയില് എത്തുകയുള്ളുവെങ്കിലും അണിയറയില് ഒരുക്കങ്ങള് സജീവമാണെന്ന് വേണം പറയാന്.
ഇതിന്റെ ഭാഗമായി കമ്പനി ധര്മ്മപുരിയില് ഏറ്റവും വലിയ ഇലക്ട്രിക് ഇരുചക്ര വാഹന പ്ലാന്റ് നിര്മ്മിക്കുന്നതിനായി 2,500 കോടി രൂപയുടെ നിക്ഷേപത്തിന് തമിഴ്നാട് സര്ക്കാരുമായി ധാരണാപത്രം ഒപ്പുവച്ചിരിക്കുകയാണ് ഇപ്പോള്. കമ്പനിയുടെ നിര്മ്മാണ പ്രവര്ത്തനങ്ങളുടെ ഒന്നാം ഘട്ടത്തില്, 2,00,000 ചതുരശ്ര അടി വിസ്തീര്ണ്ണമുള്ള ആദ്യ പ്ലാന്റ് ശൂലഗിരി (ഹൊസൂര്) ന് സമീപം നിര്മ്മിക്കും.
കൂടാതെ 1 ദശലക്ഷം (10 ലക്ഷം) യൂണിറ്റ് വരെ വാര്ഷിക ഉല്പ്പാദന ശേഷിയാണ് ഈ പ്ലാന്റില് കമ്പനി കണക്കാക്കുന്നത്. ഈ ആദ്യ പ്ലാന്റ് 2022 ആദ്യത്തോടെ പ്രവര്ത്തനക്ഷമമാകുമെന്ന് കമ്പനി പ്രസ്താവനയില് പറഞ്ഞു. ഈ ആദ്യ പ്ലാന്റില് സിമ്പിള് വണ് ഇലക്ട്രിക് സ്കൂട്ടര് നിര്മ്മിക്കുകയും ഡെലിവറി ആരംഭിക്കുകയും ചെയ്യും.
തമിഴ്നാട് സര്ക്കാരുമായുള്ള കരാര് വിജയകരമായി പൂര്ത്തിയാക്കിയ ശേഷം, സിമ്പിള് എനര്ജിയുടെ സ്ഥാപകനും സിഇഒയുമായ സുഹാസ് രാജ്കുമാര് പറഞ്ഞത് ഇങ്ങനെ, ''തങ്ങളുടെ ദീര്ഘകാല ലക്ഷ്യങ്ങള് കൈവരിക്കുന്നതിന് സുസ്ഥിരമായ ഇവി ഇക്കോസിസ്റ്റം സൃഷ്ടിക്കുന്നതില് തമിഴ്നാട് തങ്ങള്ക്ക് ആത്മവിശ്വാസം നല്കി.
ദ്രുതഗതിയില് കാര്ബണ് കാല്പ്പാടുകള് കുറയ്ക്കുന്നതിനുള്ള രാജ്യത്തിന്റെ കാഴ്ചപ്പാടിനെ സഹായിക്കുന്ന ഒരു റിസോഴ്സ്ഫുള് ഇക്കോസിസ്റ്റം സജ്ജീകരിച്ചുകൊണ്ട് ഇന്ത്യയിലെ ഇന്ത്യന് ഇലക്ട്രിക് ഇരുചക്രവാഹന വിപണിയെ നയിക്കാന് തങ്ങള് പ്രതിജ്ഞാബദ്ധരാണെന്നും സുഹാസ് രാജ്കുമാര് വ്യക്തമാക്കി.
തമിഴ്നാട് സംസ്ഥാന സര്ക്കാരുമായി ഒപ്പുവച്ച ധാരണാപത്രത്തിന്റെ നിബന്ധനകള് അനുസരിച്ച്, കമ്പനി 600 ഏക്കര് സ്ഥലത്ത് രണ്ടാമത്തെ പ്ലാന്റ് (ഘട്ടം 2 ന്റെ ഭാഗമായി) നിര്മ്മിക്കുന്നതിന് 1,000 കോടി രൂപയുടെ പ്രാരംഭ നിക്ഷേപം നടത്തും. രണ്ടാമത്തെ ഫാക്ടറി 2023-ഓടെ തുറക്കും.
സിമ്പിള് എനര്ജി സംസ്ഥാനത്ത് ഒരു ഇവി ഇക്കോസിസ്റ്റം നിര്മ്മിക്കാന് ഉദ്ദേശിക്കുന്നു, രണ്ടാമത്തെ ഫാക്ടറിയില് ഭാവിയില് തയ്യാറെടുക്കുന്ന ഗവേഷണ-വികസന കേന്ദ്രം, ലോകോത്തര പരിശോധനാ സൗകര്യം, വെണ്ടര് പാര്ക്ക് എന്നിവയും ഉണ്ടായിരിക്കും. ബില്ഡ് ഇന് ഇന്ത്യ സംരംഭത്തിന് അനുസൃതമായിട്ടാകും ഇത് ഒരുങ്ങുക.
നിര്മ്മാണ സൗകര്യങ്ങള് ഇന്ത്യന് വിപണിക്ക് മാത്രമല്ല, കയറ്റുമതിക്കും വേണ്ടിയായിരിക്കുമെന്ന് കമ്പനി പ്രസ്താവനയില് പറഞ്ഞു. കമ്പനി പറയുന്നതനുസരിച്ച്, സിമ്പിള് എനര്ജി ഇറക്കുമതിയെ ആശ്രയിക്കുന്നത് കുറയ്ക്കുകയും ഭാഗങ്ങളുടെ പ്രാദേശികവല്ക്കരണത്തില് ശ്രദ്ധ കേന്ദ്രീകരിക്കുകയും ചെയ്യുന്നു.
ഫാക്ടറിയടുടെ പണി പൂര്ത്തിയാകുമ്പോള്, 600 ഏക്കറില് വ്യാപിച്ചുകിടക്കുന്ന സിമ്പിള് എനര്ജി പ്ലാന്റ് 500 ഏക്കറില് വ്യാപിച്ചുകിടക്കുന്ന ഓല ഇലക്ട്രിക്കിന്റെ ഫ്യൂച്ചര് ഫാക്ടറിയേക്കാള് വലുതായിരിക്കുമെന്നാണ് പ്രതീക്ഷിക്കുന്നത്.
സിമ്പിള് വണ് ഇലക്ട്രിക് സ്കൂട്ടറിനെ 1.09 ലക്ഷം രൂപ എക്സ്ഷോറൂം വിലയ്ക്കാണ് അവതരിപ്പിച്ചിരിക്കുന്നത്. ഒറ്റ വേരിയന്റിലും 4 കളര് സ്കീമുകളിലും സ്കൂട്ടര് ലഭ്യമാണ്. 1,947 രൂപ ടോക്കണ് തുകയ്ക്ക് സ്കൂട്ടറിനായുള്ള ബുക്കിംഗ് ഇതിനോടകം ത്ന്നെ നടക്കുന്നുണ്ട്. എന്നാല് ഡെലിവറികള് വരും വര്ഷം മാത്രമേ നടക്കുകയുള്ളു.
സിമ്പിള് വണ് ഇലക്ട്രിക് സ്കൂട്ടറിന്റെ ഡിസൈന് ആരെയും ആകര്ഷിക്കുന്നതും സ്പോര്ട്ടിയുമാണ്. സിമ്പിള് വണ് അതിന്റെ ഷാര്പ്പായിട്ടുള്ള പ്രൊഫൈലും മുകളില് സ്ഥാപിച്ചിരിക്കുന്ന ത്രികോണാകൃതിയിലുള്ള എല്ഇഡി ഡിആര്എല്ലുകളും മുന് ആപ്രോണിന്റെ മധ്യഭാഗത്തുള്ള പ്രധാന ഹെഡ്ലാമ്പുകളും കൊണ്ട് വേറിട്ടുനില്ക്കുന്നു. ടേണ്-സിഗ്നല് ഇന്ഡിക്കേറ്ററുകളാല് എല്ഇഡി ഹെഡ്ലാമ്പുകളുടെ മുകള്ഭാഗത്ത് ഇരുവശത്തും സ്ഥാപിച്ചിരിക്കുന്നു.
എല്ഇഡി ടെയില് ലാമ്പ്, സിംഗിള് പീസ് സീറ്റ്, ഫ്ലാറ്റ് ഫ്ലോര്ബോര്ഡ്, 30-ലിറ്റര് സീറ്റിനടിയിലെ സ്റ്റോറേജ്, അലോയ് വീലുകള്, റിയര് ഗ്രാബ് റെയിലുകള്, കോണ്ടൂര്ഡ് റിയര് വ്യൂ മിററുകള് എന്നിവയാണ് ഇലക്ട്രിക് സ്കൂട്ടറിന്റെ മറ്റ് സവിശേഷതകള്.
4.8 kWh ലിഥിയം-അയണ് ബാറ്ററിയുമായി ജോടിയാക്കിയ 4.5KW ഇലക്ട്രിക് മോട്ടോറാണ് സ്കൂട്ടറിന് കരുത്ത് പകരുന്നത്. രണ്ട് ബാറ്ററി പായ്ക്കുകള് ഉറപ്പിച്ചതും ഒരു ചെയിന് ഡ്രൈവ് ഉപയോഗിച്ച് പിന് ചക്രങ്ങള് ഉപയോഗിച്ച് നീക്കം ചെയ്യാവുന്നതുമാണ് സ്കൂട്ടര്.
- ഇലക്ട്രിക് മോട്ടോര്: 4.5KW
- ബാറ്ററി ശേഷി: 4.8kWh
- ടോര്ക്ക്: 72 Nm
- പരിധി: ഇക്കോ മോഡില് 203 കിലോമീറ്റര്
- പരിധി: ഐഡിസിയില് 236 കിലോമീറ്റര്
- ഡ്രൈവ്: ചെയിന് ഡ്രൈവ്
- 0 മുതല് 40 കിലോമീറ്റര് വരെ: 2.9 സെക്കന്ഡ്
- ഉയര്ന്ന വേഗത: 105kmph
- ചാര്ജിംഗ്: 75 മിനിറ്റ് (പോര്ട്ടബിള് ബാറ്ററി)
- ചാര്ജിംഗ്: 150 മിനിറ്റ് (ഫികസഡ് ബാറ്ററി)
സിമ്പിള് ലൂപ്പ് എന്ന ഫാസ്റ്റ് ചാര്ജിംഗ് സാങ്കേതികവിദ്യയും കമ്പനി വാഗ്ദാനം ചെയ്യും. 60 സെക്കന്ഡിനുള്ളില് 2.5 കിലോമീറ്റര് വരെ സഞ്ചരിക്കാനുള്ള ചാര്ിജിംഗ് ശേഷി സിമ്പിള് ലൂപ്പിനുണ്ട്. ഫാസ്റ്റ് ചാര്ജര് അടുത്ത മാസങ്ങളില് 300 ലധികം സ്ഥലങ്ങളില് പാന് ഇന്ത്യയില് വിന്യസിക്കുമെന്നും നിര്മാതാക്കള് അറിയിച്ചു. ഹോം ചാര്ജിംഗായി സിമ്പിള് ലൂപ്പ് കമ്പനി വാഗ്ദാനം ചെയ്യും.