Just In
- 6 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 6 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 7 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 7 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ബര്ഗ്മാന് 200 നവീകരിച്ച പതിപ്പിനെ വെളിപ്പെടുത്തി സുസുക്കി; മാറ്റങ്ങള് പരിചയപ്പെടാം
ബര്ഗ്മാന് 200 നവീകരിച്ച പതിപ്പ് യുഎസ്എയില് അവതരിപ്പിച്ച് നിര്മാതാക്കളായ സുസുക്കി. വാര്ഷിക അപ്ഡേറ്റിന്റെ ഭാഗമായി മാക്സി-സ്കൂട്ടറിന് പുതിയ കളര് ഓപ്ഷനുകള് ലഭിക്കുന്നു.
മെറ്റാലിക് മാറ്റ് സ്റ്റെല്ലാര് ബ്ലൂ, ന്യൂ ടൈറ്റന് ബ്ലാക്ക്, പേള് ബ്രില്യന്റ് വൈറ്റ് എന്നിവയില് ഇപ്പോള് ഇത് ലഭ്യമാണ്. ഈ ഓപ്ഷനുകളെല്ലാം ബ്ലാക്ക് ഔട്ട് അലോയ് വീലുകളും അലുമിനിയം ഫിനിഷ്ഡ് എക്സ്ഹോസ്റ്റ് ഷീല്ഡും ഉള്ക്കൊള്ളുന്നു.
പുതിയ നിറങ്ങള്ക്ക് പുറമെ, 2022 സുസുക്കി ബര്ഗ്മാന് 200 നിലവിലെ മോഡലിന് സമാനമാണെന്ന് റിപ്പോര്ട്ടില് പറയുന്നു. പരമ്പരാഗത ലൈറ്റിംഗും വലിയ വിന്ഡ്സ്ക്രീനും ഉപയോഗിച്ച് മുന്വശത്ത് സ്പ്ലിറ്റ് ഹെഡ്ലാമ്പ് സജ്ജീകരണമാണ് മോഡലിന് ലഭിക്കുന്നത്.
മാക്സി-സ്കൂട്ടര് ആയതിനാല് ബര്ഗ്മാന് ധാരാളം സ്ഥലവും സൗകര്യവും പ്രദാനം ചെയ്യുന്നു. സീറ്റ് സ്റ്റോറേജില് 41 ലിറ്റര്, 5.5 ലിറ്റര്, 7 ലിറ്റര് ശേഷി നല്കുന്ന ഫ്രണ്ട് ആപ്രോണില് രണ്ട് കമ്പാര്ട്ടുമെന്റുകളും സ്കൂട്ടറിന് ലഭിക്കും.
CVT ഗിയര്ബോക്സുള്ള 200 സിസി സിംഗിള് സിലിണ്ടര് എഞ്ചിനാണ് 2022 സുസുക്കി ബര്ഗ്മാന് 200 കരുത്ത് നല്കുന്നത്. ഇത് 164 കിലോഗ്രാം സ്കെയിലില് ടിപ്പ് ചെയ്യുന്നു, ഒപ്പം 735 mm താഴ്ന്ന സീറ്റ് ഉയരവും വാഗ്ദാനം ചെയ്യുന്നു.
അധിക യൂട്ടിലിറ്റിക്ക്, 10.5 ലിറ്റര് വലിയ ഇന്ധന ടാങ്കും വാഹനത്തിന്റെ പ്രത്യേകതയാണ്. സവിശേഷതകളെ സംബന്ധിച്ചിടത്തോളം, രണ്ട് അനലോഗ് മീറ്ററുകളും അതിനിടയില് ഒരു ഡിജിറ്റല് ഡിസ്പ്ലേയും ഉള്ക്കൊള്ളുന്ന ഒരു കാര് പോലുള്ള ഡാഷ്ബോര്ഡ് സുസുക്കി ബര്ഗ്മാനില് കമ്പനി സജ്ജീകരിച്ചിരിക്കുന്നു.
2022 സുസുക്കി ബര്ഗ്മാന് 200 ഉടന് യുഎസ്എയില് ലഭ്യമാകുമെങ്കിലും, നിര്മ്മാതാവിന് മത്സരാധിഷ്ഠിതമായി വില നിശ്ചയിക്കാന് കഴിയാത്തതിനാല് ഇന്ത്യന് വിപണിയില് അവതരിപ്പിക്കാന് സാധ്യതയില്ല. എന്നിരുന്നാലും, ഇതിനകം തന്നെ ബര്ഗ്മാന് സ്ട്രീറ്റ് 125 രൂപത്തില് ഇന്ത്യയില് ഒരു മാക്സി-സ്കൂട്ടര് കമ്പനി ലഭ്യമാക്കിയിട്ടുണ്ട്.
അധികം വൈകാതെ തന്നെ ബര്ഗ്മാന് 125-നെ അടിസ്ഥാനമാക്കി രാജ്യത്ത് പുതിയ ഇലക്ട്രിക് സ്കൂട്ടര് നിര്മാതാക്കള് അവതരിപ്പിക്കും. ഇതിനോടകം തന്നെ ഇലക്ട്രിക് മോഡലിന്റെ പരീക്ഷണയോട്ടം കമ്പനി നിരത്തുകളില് സജീവമാക്കിയിട്ടുണ്ട്. രൂപകല്പ്പനയും സ്റ്റൈലിംഗും നിലനിര്ത്തുമെങ്കിലും പുതിയ കളര് ഓപ്ഷനുകളിലാകും ഇലക്ട്രിക് പതിപ്പ് വിപണിയില് എത്തുക.
വരാനിരിക്കുന്ന ഇലക്ട്രിക് സ്കൂട്ടറിനെ മറ്റ് വിവരങ്ങളോ, ബാറ്ററി സംബന്ധിച്ച കാര്യങ്ങളോ കമ്പനി വെളിപ്പെടുത്തിയിട്ടില്ല. പുറത്തുവന്ന റിപ്പോര്ട്ട് അനുസരിച്ച്, ഒരൊറ്റ ചാര്ജില് 90 കിലോമീറ്റര് വരെ ശ്രേണി വാഗ്ദാനം ചെയ്യുന്ന ലിഥിയം അയണ് ബാറ്ററി പായ്ക്ക് മോഡലില് സുസുക്കി നല്കും. അതോടൊപ്പം ഫാസ്റ്റ് ചാര്ജിംഗ് സാങ്കേതികവിദ്യയും കമ്പനി വാഗ്ദാനം ചെയ്തേക്കും.