Just In
- 46 min ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 1 hr ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 2 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 2 hrs ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
Don't Miss
- Movies ഇതൊക്കെ ഒരു ഗെയ്മല്ലേ; ശ്രീതുവിനെ കാണാന് നല്ല ഭംഗിയല്ലേ...; അര്ജുന്റെ അമ്മ പറയുന്നു
- News ഒന്നാം ഘട്ട വോട്ടെടുപ്പ് അവസാനിച്ചു; ബംഗാളിലും ത്രിപുരയിലും കനത്ത പോളിംഗ്
- Lifestyle Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
സ്ട്രീറ്റ് സ്ക്രാംബ്ലർ സാൻഡ്സ്റ്റോം എഡിഷൻ വാങ്ങാൻ പ്ലാനുണ്ടോ? ഇന്ത്യയിലെത്തുന്നത് വെറും 25 എണ്ണം മാത്രം
അടുത്തിടെ ഇന്ത്യൻ വിപണിയിൽ അവതരിപ്പിച്ച പുതിയ സ്ട്രീറ്റ് സ്ക്രാംബ്ലർ സാൻഡ്സ്റ്റോം എഡിഷന്റെ 25 യൂണിറ്റുകൾ മാത്രമാകും രാജ്യത്ത് വിൽപ്പനയ്ക്ക് എത്തൂവെന്ന് സ്ഥിരീകരിച്ച് ട്രയംഫ് മോട്ടോർസൈക്കിൾസ്.
ലോകമെമ്പാടുമായി സ്ട്രീറ്റ് സ്ക്രാംബ്ലർ സാൻഡ്സ്റ്റോം എഡിഷന്റെ 775 യൂണിറ്റുകളാണ് ട്രയംഫ് വിറ്റഴിക്കാൻ ഉദ്ദേശിക്കുന്നത്. ഇതിൽ 25 എണ്ണമാകും ഇന്ത്യയിൽ എത്തുക. 9.65 ലക്ഷം രൂപയുടെ എക്സ്ഷോറൂം വിലയ്ക്കാണ് സ്ക്രാംബ്ലർ മോഡലിനെ ബ്രിട്ടീഷ് പ്രീമിയം മോട്ടോർസൈക്കിൾ നിർമാതാക്കൾ ആഭ്യന്തര വിപണിയിൽ അവതരിപ്പിച്ചിരിക്കുന്നത്.
കൂടാതെ ബൈക്കിനായി കമ്പനി പ്രത്യേക മൺസൂൺ ഓഫറും ട്രയംഫ് പ്രഖ്യാപിച്ചിട്ടുണ്ട്. അതിലൂടെ വാങ്ങുന്നവർക്ക് 12,999 രൂപ മുതലുള്ള ഇഎംഐ പദ്ധതികൾ ഉപയോഗിച്ച് സ്ട്രീറ്റ് സ്ക്രാംബ്ലർ സാൻഡ്സ്റ്റോം വാങ്ങാം.
ലിമിറ്റഡ് എഡിഷൻ ട്രയംഫ് സ്ട്രീറ്റ് സ്ക്രാംബ്ലർ സാൻഡ്സ്റ്റോം അതിന്റെ സ്റ്റാൻഡേർഡ് മോഡലിനേക്കാൾ നിരവധി സ്റ്റൈലിംഗ് പരിഷ്ക്കാരങ്ങളുമായാണ് നിരത്തിലേക്ക് എത്തുന്നത്.
ഈ നവീകരണങ്ങളിൽ ബ്രഷ്ഡ് അലോയ് സാംപ് ഗാർഡ്, ഉയർന്ന ഫ്രണ്ട് മഡ്ഗാർഡ്, കറുത്ത ഗ്രില്ലുള്ള പുതിയ ഹെഡ്ലൈറ്റ് ബെസെൽ എന്നിവ ഉൾപ്പെടുന്നു.
ഈ പ്രീമിയം മോട്ടോർസൈക്കിൾ സാൻഡ്സ്റ്റോം മാറ്റ് സ്റ്റോം ഗ്രേ എന്ന ഒരൊറ്റ കളർ ഓപ്ഷനിൽ മാത്രമാണ് തെരഞ്ഞെടുക്കാൻ സാധിക്കുക. ഉയരമുള്ള സെറ്റ് എക്സ്ഹോസ്റ്റ് സജ്ജീകരണവും സ്പ്ലിറ്റ്-സ്റ്റൈൽ സീറ്റുകളും ഈ സ്ക്രാംബ്ലർ മോഡലിന്റെ പ്രത്യേകതകളാണ്.
മെക്കാനിക്കൽ സവിശേഷതകൾ സാധാരണ സ്ട്രീറ്റ് സ്ക്രാംബ്ലറിന് സമാനമാണ്. അഞ്ച് സ്പീഡ് ഗിയർബോക്സുമായി ബന്ധിപ്പിച്ചിരിക്കുന്ന ബിഎസ്-VI കംപ്ലയിന്റ് 900 സിസി, പാരലൽ-ട്വിൻ, ലിക്വിഡ്-കൂൾഡ് എഞ്ചിനാണ് സാൻഡ്സ്റ്റോം എഡിഷന് തുടിപ്പേകുന്നത്.
ഇത് 7,250 rpm-ൽ പരമാവധി 64.1 bhp കരുത്തും 3,250 rpm-ൽ 80 Nm torque ഉം ഉത്പാദിപ്പിക്കാൻ പ്രാപ്തമാണ്. റോഡ്, റെയിന്, ഓഫ് റോഡ് എന്നിങ്ങനെ മൂന്ന് ഡ്രൈവിംഗ് മോഡുകളും സ്വിച്ച് ചെയ്യാവുന്ന ട്രാക്ഷന് കൺട്രോളും ബൈക്കിൽ ട്രയംഫ് കൂട്ടിച്ചേർത്തിട്ടുണ്ട്.
ഹാർഡ്വെയറും സാധാരണ സ്ട്രീറ്റ് സ്ക്രാംബ്ലറിന് സമാനമാണ്. 41 mm ടെലിസ്കോപ്പിക് ഫ്രണ്ട് ഫോർക്കുകളും ട്വിൻ-സൈഡഡ് റിയർ സ്പ്രിംഗുകളുമാണ് സസ്പെൻഷൻ കൈകാര്യം ചെയ്യുന്നത്.
സ്ട്രീറ്റ് സ്ക്രാംബ്ലർ സാൻഡ്സ്റ്റോം എഡിഷന്റെ ബ്രേക്കിംഗ് സജ്ജീകരണത്തിൽ മുൻവശത്ത് 310 mm ഡിസ്കും പിന്നിൽ 255 mm റോട്ടറും ഉൾപ്പെടുന്നു. റൈഡറിന്റെ അധിക സുരക്ഷക്കായി ഇരട്ട-ചാനൽ എബിഎസും ട്രയംഫ് ഒരുക്കിയിട്ടുണ്ട്.